Connect with us

ព័ត៌មានជាតិ

បេក្ខជនប្រឡងបាក់ឌុប អវត្តមាន ៩៧២ នាក់ នៅរាជធានីភ្នំពេញ

បានផុស

នៅ

លោក ហែម ស៊ីណារ៉េត ប្រធានមន្ទីរអប់រំ យុវជន និងកីឡា រាជធានីភ្នំពេញ បានផ្ដល់ព័ត៌មានដល់ “កម្ពុជាថ្មី” នៅរសៀល ថ្ងៃទី ២៧ ខែធ្នូនេះ ដឹងថា ដំណើរការប្រឡងសញ្ញាបត្រមធ្យមសិក្សាទុតិយភូមិ សម័យប្រឡង ថ្ងៃទី ២៧ ខែធ្នូ ឆ្នាំ ២០២១ តាមមណ្ឌលទាំង ២៨ ក្នុងរាជធានីភ្នំពេញ មានបេក្ខជនអវត្តមានចំនួន ៩៧២ នាក់ ត្រូវជា ៤,៦៩ភាគរយ នៃចំនួន បេក្ខជនសរុប ២០ ៧១៩ នាក់។ ចំណែកគណៈមេប្រយោគសរុបចំនួន ៤ ០៦០ នាក់ ដោយ អវត្តមាន ១៤ នាក់ ត្រូវជា ០,៣៤ ភាគរយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក ហែម ស៊ីណារ៉េត បង្ហាញបន្ថែមថា មណ្ឌលប្រឡងមានស្ថានភាពស្ងប់ស្ងាត់ល្អ ក្នុងមណ្ឌលប្រឡង គណៈមេប្រយោគប្រឡងបានអនុវត្តតួនាទី និងភារកិច្ចរៀងៗខ្លួនបានល្អប្រសើរ។ បេក្ខជនប្រឡងបានគោរពបទបញ្ជាផ្ទៃក្នុងស្តីពី ការប្រឡងបានល្អ។ ចំណែក ខាងក្រៅមណ្ឌល កងកម្លាំងការពារអនុវត្តតួនាទីបានល្អប្រសើរ មានកងកម្លាំងការពារមណ្ឌលគ្រប់គ្រាន់។

ប្រធានមន្ទីរអប់រំ យុវជន និងកីឡា រាជធានីភ្នំពេញ ខាងលើ បញ្ជាក់ទៀតថា ចំពោះអាជីវកម្មជុំវិញមណ្ឌលប្រឡងត្រូវបានផ្អាកទាំងស្រុង ជាពិសេសអាជីវកម្មថតចម្លង អាជីវកម្មដែលបង្កសំឡេងរំខានដល់ការប្រឡង។

ចំណែកបេក្ខជន ២ នាក់ដែលជាកីឡាការនីទើបមកប្រកួតពីប្រទេសកាហ្សាក់ស្ថាន ហើយមានវិជ្ជមានកូវីដ-១៩ ត្រូវបានអនុញ្ញាតឱ្យប្រឡងនៅមណ្ឌលព្យាបាលជំងឺកូវីដ ១៩ នៃមជ្ឈមណ្ឌលព្យាបាលជំងឺរបេង ដោយសុខភាពពួកគាត់ទាំង ២ នាក់ល្អប្រសើរធម្មតាទេ។

លោក ហែម ស៊ីណារ៉េត បញ្ជាក់ថា ចំពោះការវាស់កម្ដៅបេក្ខជនបានអនុវត្តចាប់ថ្ងៃទី ២៦ និងពេលព្រឹកថ្ងៃទី ២៧  ខែធ្នូ ឆ្នាំ ២០២១ នេះ ដោយពុំរកឃើញបេក្ខជន និងគណមេប្រយោគដែលមានកម្ដៅលើសការកំណត់ឡើយ។ មានបេក្ខជនតិចតួចតាមមណ្ឌលមួយចំនួន បានវាស់កម្ដៅលើទី ១ មានកម្ដៅលើសពី ៣៧,៥ អង្សាសេ ប៉ុន្តែនៅពេលឱ្យពួកគាត់សម្រាកបន្តិច ហើយវាស់កម្ដៅលើកទី ២  ឃើញថា កម្ដៅចុះមកធម្មតាទាំងអស់។

គួរបញ្ជាក់ថា ការប្រឡងឆ្នាំសិក្សា ២០២០-២០២១ នេះ ប្រព្រឹត្តទៅរយៈពេល២ថ្ងៃ គឺថ្ងៃទី២៧ និង ២៨ ខែធ្នូ ឆ្នាំ២០២១ លើ ៧ មុខវិជ្ជា ក្នុងនោះភាសាបរទេសជាវិញ្ញាសាស្ម័គ្រ។ ថ្នាក់វិទ្យាសាស្រ្ដ មានវិញ្ញាសា ប្រវត្តិវិទ្យា ជីវវិទ្យា គីមីវិទ្យា ភាសាបរទេស អក្សរសាស្រ្ដខ្មែរ រូបវិទ្យា គណិតវិទ្យា។ ថ្នាក់វិទ្យាសាស្រ្ដសង្គម មានវិញ្ញាសា ផែនដី និងបរិស្ថានវិទ្យា ប្រវត្តិវិទ្យា ភូមិវិទ្យា ភាសាបរទេស គណិតវិទ្យា សីលធម៌ពលរដ្ឋវិជ្ជា អក្សរសាស្រ្ដខ្មែរ។ បេក្ខជនដាក់ពាក្យប្រឡងចំនួន ១១៤ ១៨៣ នាក់ ស្រី ៦០ ៣៩៧ នាក់។ មណ្ឌលសំណេរមានចំនួន ២០៤ មណ្ឌល ត្រូវនឹង ៤ ៦១៦ បន្ទប់។ មណ្ឌលកំណែ មានចំនួន ១០ មណ្ឌល នៅរាជធានីភ្នំពេញ៕

អត្ថបទ៖ ច័ន្ទ ​វីរៈ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានអន្ដរជាតិ១៧ នាទី មុន

ក្រុម​ប្រដាប់អាវុធ​ក្នុង​រដ្ឋកា​រ៉ែ​ន​បាន​បាញ់​ទម្លាក់​ឧទ្ធម្ភាគចក្រ​យោធា​មី​យ៉ាន់​ម៉ា​ ​បណ្តាលឱ្យ​ស្លាប់​ឧត្តម​សេនីយ៍​ត្រី​ម្នាក់ និង​មន្ត្រី​យោធា​៤​នាក់

ព័ត៌មានអន្ដរជាតិ១ ម៉ោង មុន

អ៊ីតាលី រកឃើញថា កម្មវិធី ChatGPT កំពុងបំពានច្បាប់ការពារទិន្នន័យ

ព័ត៌មានជាតិ៣ ម៉ោង មុន

កម្ពុជា- WFP ចុះកិច្ចព្រមព្រៀងកម្មវិធីស្បៀងអាហារពិភពលោកប្រចាំកម្ពុជា ទំហំទឹកប្រាក់៦៣លានដុល្លារ

ព័ត៌មានជាតិ៣ ម៉ោង មុន

សម្ដេច ពិន​ សែម ស្នើឱ្យគ្រប់ភាគីប្រើបណ្ដាញសង្គមជាប្រយោជន៍សាសនា និងសង្គមជាតិ

ព័ត៌មានអន្ដរជាតិ៤ ម៉ោង មុន

អាជ្ញាធរវៀតណាម និងហ្វីលីពីន ព្រមព្រៀងគ្នាបង្កើនកិច្ចសហប្រតិបត្តិការឆ្មាំឆ្នេរសមុទ្រ

Sokha Hotels

ព័ត៌មានពេញនិយម