លោក ម៉េង វិមានតារា​ ត្រូវបានតែងតាំងជាស្នងការរងខេត្តកណ្ដាល​

លោកវរសេនីយ៍ឯក ម៉េង វិមានតារា​ ត្រូវបានរដ្ឋមន្ត្រីក្រសួងមហាផ្ទៃ សម្រេចផ្ទេរភារកិច្ច និងតែងតាំងមុខតំណែ​ងពីអធិការ នៃអធិការដ្ឋាននគរបាលខណ្ឌមានជ័យ ទៅជាស្នងការរង នៃស្នងការដ្ឋាននគរ​បាលខេត្តកណ្ដាល។

យោងតាមប្រកាស របស់សម្ដេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ ចុះថ្ងៃទី ២៧ ខែធ្នូ ឆ្នាំ ២០២១ បានសម្រេចថា លោកវរសេនីយ៍ឯក ម៉េង វិមានតារា អត្តលេខ ៦៣១០៨ ពីអធិការ អធិការដ្ឋាននគរបាលខណ្ឌមានជ័យ នៃស្នងការដ្ឋាននគរបាលរាជធានីភ្នំពេញ ជាស្នងការរង នៃស្នងការដ្ឋាននគរបាលខេត្តកណ្ដាល។

សូមជម្រាបថា លោក ម៉េង វិមានតារា ត្រូវបានរដ្ឋមន្ដ្រីក្រសួងមហាផ្ទៃ ចេញប្រកាសតែងតាំងពីអធិការរង ទៅជាអធិការ នៃអធិការដ្ឋាននគរបាលខណ្ឌមានជ័យ កាលពីថ្ងៃទី ៨ ខែកុម្ភៈ ឆ្នាំ២០១៩កន្លងទៅនេះ៕

អត្ថបទ៖ ឃួន សុភ័ក្រ