ព័ត៌មានជាតិ
ក្រសួងការងារ ដាក់ឲ្យប្រើប្រាស់គោលការណ៍ស្តង់ដារថ្មី ទប់ស្កាត់ការឆ្លងរាលដាលជំងឺកូវីដ តាមរោងចក្រ
ក្រសួងការងារ និងបណ្តុះបណ្តាលវិជ្ជាជីវៈ បានប្រកាសដាក់ឱ្យប្រើប្រាស់គោលការណ៍ប្រតិបត្តិស្តង់ដារថ្មីស្តីពីដំណើរការនិងការគ្រប់គ្រងរោងចក្រ សហគ្រាស តាមគន្លងប្រក្រតីភាពថ្មី ក្នុងបរិបទនៃជំងឺកូវីដ-១៩ ដើម្បីទប់ស្កាត់ជំងឺឆ្លងទាំងឡាយ ជាពិសេសជំងឺកូវីដ-១៩ នៅតាមរោងចក្រសហគ្រាស។
ថ្លែងក្នុងពិធីប្រកាសដាក់ឱ្យប្រើប្រាស់គោលការណ៍ប្រតិបត្តិស្តង់ដារស្តីពីដំណើរការ និងការគ្រប់គ្រងរោងចក្រ សហគ្រាស តាមគន្លងប្រក្រតីភាពថ្មីក្នុងបរិបទនៃជំងឺកូវីដ-១៩ ធ្វើឡើងនៅទីស្តីការក្រសួងការងារ នាព្រឹកថ្ងៃទី ១០ មករានេះ លោកបណ្ឌិត អ៉ិត សំហេង រដ្ឋមន្ត្រីក្រសួងការងារ និងបណ្តុះបណ្តាលវិជ្ជាជីវៈ បានមានប្រសាសន៍ថាក្រសួងរៀបចំគោលការណ៍ប្រតិបត្តិស្តង់ដារស្តីពីដំណើរការ និងការគ្រប់គ្រងរោងចក្រ សហគ្រាសតាមគន្លងប្រក្រតីភាពថ្មី ក្នុងបរិបទនៃជំងឺកូវីដ-១៩ ដោយបានកំណត់យន្តការដំណើរការ និងការគ្រប់គ្រង វិធានការដំណើរការការងារ ការវាយតម្លៃហានិភ័យ និងយន្តការច្បាស់លាស់ក្នុងការធ្វើអធិការកិច្ច ត្រួតពិនិត្យតាមដាន និងវាយតម្លៃតាមរយៈរបាយការណ៍វាយតម្លៃប្រចាំខែស្តីពីស្ថានភាពសុវត្ថិភាព និងសុខភាពការងារ នៃកម្មករនិយោជិត និងបញ្ជីស្វ័យត្រួតពិនិត្យអំពីសកម្មភាពពង្រឹងលក្ខខណ្ឌសុវត្ថិភាពនិងសុខភាពការងារ ក្នុងគោលបំណងអាចធានាបាននូវការបង្ការនិងទប់ស្កាត់ការរីករាលដាលនៃជំងឺកូវីដ-១៩ ព្រមទាំងអាចធានាបាននូវនិរន្ដរភាពច្រវាក់ផលិតកម្ម/អាជីវកម្មរបស់រោងចក្រសហគ្រាស ក៏ដូចជាស្ថិរភាពការងារនិងប្រាក់ចំណូលរបស់កម្មករនិយោជិតផងដែរ។
លោករដ្ឋមន្ត្រីបានបន្ថែមថា ការរៀបចំនេះ ដោយសារតែជំងឺកូវីដ-១៩ នូវតែបន្តគំរាមកំហែង ដែលមានបំប្លែង ជាប្រភេទវីរុស ថ្មីៗ ដូចជាអូមីក្រុងជាដើម យើងត្រូវតែរៀនរស់នៅជាមួយជំងឺកូវីដ-១៩ និងជំរុញការស្ដារសេដ្ឋកិច្ច-សង្គមរបស់យើងឡើងវិញ ការរក្សាស្ថិរភាពការងារ និងលំនឹងផលិតកម្ម/អាជីវកម្មរបស់រោងចក្រ តាមគន្លងប្រក្រតីភាពថ្មី ដើម្បីធានានូវប្រសិទ្ធភាពខ្ពស់នូវការបង្ការទប់ស្កាត់ជំងឺឆ្លងស្របតាមច្បាប់ស្តីពីការងារ និងវិធានសុខាភិបាល។
លោក រដ្ឋមន្ត្រីបានបន្តថា គោលការណ៍ប្រតិបត្តិស្តង់ដារថ្មីមានចំណុចសំខាន់ៗមួយចំនួនរួមមាន៖ ១-យន្តការដំណើរការ និងការគ្រប់គ្រង, ២-វិធានការដំណើរការការងារតាមគន្លងប្រក្រតីភាពថ្មី (មុនចាប់ផ្តើមដំណើរការការងារប្រចាំថ្ងៃ, អំឡុងពេលដំណើរការការងារប្រចាំថ្ងៃ និងក្រោយបញ្ចប់ដំណើរការការងារប្រចាំថ្ងៃ), ៣. ការគ្រប់គ្រងករណីវិជ្ជមានកូវីដ-១៩, ៤. ការវាយតម្លៃហានិភ័យ និង៥. យន្តការអធិការកិច្ច ត្រួតពិនិត្យតាមដាន និងវាយតម្លៃ។
លោករដ្ឋមន្ត្រីបានបន្តទៀតថា មុននឹងសម្រេចបាននូវសេចក្តីព្រាងគោលការណ៍ប្រតិបត្តិស្តង់ដារ គឺមន្ត្រីជំនាញរបស់ក្រសួងបានពិនិត្យដកស្រង់យកនូវវិធានការសុវត្ថិភាព និងសុខភាពការងារនៅកន្លែងធ្វើការ ដែលមានចែងនៅក្នុងច្បាប់ស្តីពីការងារ លិខិតបទដ្ឋានគតិយុត្តិពាក់ព័ន្ធនានា រួមជាមួយនឹងវិធានការសុខាភិបាល និងឯកសារដែលបានចេញផ្សាយដោយអង្គការអន្តរជាតិខាងការងារ (ILO) និងអង្គការសុខភាពពិភពលោក (WHO) យកមករៀបចំឱ្យទៅជាឯកសារគោលការណ៍ណែនាំរួមមួយ ដែលមានលក្ខណៈគ្រប់ជ្រុងជ្រោយ សំដៅធ្វើយ៉ាងណាអាចធានាបាននូវប្រសិទ្ធភាពកាន់តែខ្ពស់ ក្នុងការចូលរួមបង្ការ និងទប់ស្កាត់ការរីករាលដាលនៃជំងឺកូវីដ-១៩ និងជំងឺឆ្លងគ្រប់ប្រភេទ។
លោករដ្ឋមន្ត្រីមានជំនឿថា ម្ចាស់រោងចក្រ សហគ្រាស កម្មករនិយោជិត និងដៃគូពាក់ព័ន្ធទាំងអស់នឹងបន្តចូលរួមសហការជាមួយមន្ត្រីក្រសួង ក្នុងការជំរុញការអនុវត្តគោលការណ៍ប្រតិបត្តិស្តង់ដារនេះ ឱ្យមានប្រសិទ្ធភាពខ្ពស់ ប្រកបដោយស្មារតីទទួលខុសត្រូវ ដើម្បីធានាបាននូវនិរន្តភាពច្រវាក់ផលិតកម្ម អាជីវកម្ម ការរក្សាបាននូវស្ថិរភាពការងារ និងប្រាក់ចំណូល ដែលជាផលប្រយោជន៍រួមទាំងនិយោជក និងបងប្អូនកម្មករនិយោជិត ដោយចូលរួមបង្ការមិនឱ្យមានហានិភ័យកើតឡើងដោយសារតែការរីករាលដាលនៃជំងឺឆ្លងទាំងឡាយ ជាពិសេស ជំងឺកូវីដ-១៩៕
អត្ថបទ៖ សំអឿន
យន្តហោះ Boeing ជួបបញ្ហាញាប់ស្មេ លើកនេះឆេះម៉ាស៊ីននៅលើអាកាស
លោក អ៊ុន ចាន់ដា ផ្តាំដល់អាជ្ញាធរពាក់ព័ន្ធផ្តល់បរិយាកាសសប្បាយរីករាយដល់ពលរដ្ឋក្នុងឱកាសចូលឆ្នាំខ្មែរខាងមុខ
របួសជាថ្មី អ្នកចាំទី Courtois បានចាកចេញពីការហ្វឹកហាត់ទាំងទឹកភ្នែក
វៀតណាម តែងតាំងស្ត្រីមានឥទ្ធិពលម្នាក់ជាប្រធានាធិបតីស្ដីទី ក្រោយលោក Vo Van Thuong លាលែងពីតំណែង
ភ្ញៀវទេសចរជាង១ម៉ឺននាក់ បានមកទស្សនាព្រឹត្តិការណ៍ថ្ងៃរះចំកំពូលកណ្តាលប្រាសាទអង្គរវត្ត
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
កីឡា៦ ថ្ងៃ agoឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ agoម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១៦ ម៉ោង agoBreaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ agoដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ agoមនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៦ ថ្ងៃ agoដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ agoអ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ agoតួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ