ព័ត៌មានជាតិ
សម្ដេចតេជោ រំលឹកអំពីការជាប់គាំងនយោបាយ ក្រោយការបោះឆ្នោតឆ្នាំ ២០០៣ និងជំហររបស់ចិនមកលើកម្ពុជា
សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា បានរំលឹកអំពីការជាប់គាំងនយោបាយ ក្រោយការបោះឆ្នោតឆ្នាំ ២០០៣ ដោយសារតែពហិការបស់បក្សនយោបាយខ្លះ។ នាពេលនោះ ប្រទេសមួយចំនួន បានប្រកាន់យកឥរិយាបថរង់ចាំមើល តែប្រទេសចិន មិនបានរង់ចាំមើលនោះទេ។
ការរំលឹករបស់សម្ដេចតេជោ ហ៊ុន សែន ខាងលើនេះ បានធ្វើឡើងក្នុងពិធីសម្ពោធដាក់ ឲ្យប្រើប្រាស់ជាផ្លូវការកំណាត់ផ្លូវជាតិលេខ ៧ ពីចំណុចរង្វង់មូលខ្លាស្ទុះ ក្រុងក្រចេះ ទៅភូមិរមាត ឃុំអូរគ្រៀង ស្រុកសំបូរ ខេត្តក្រចេះ ប្រវែងប្រមាណ ៩៣.៥៦ គីឡូម៉ែត្រ សាងសង់ក្រោមជំនួយ របស់រដ្ឋាភិបាលចិន ជាង ៣៣លានដុល្លារ នាព្រឹកថ្ងៃទី ៧ ខែកុម្ភៈ ឆ្នាំ ២០២២នេះ។
សម្តេចតេជោបានលើកឡើងថា នៅឆ្នាំ ២០០៤ ពេលដែលប្រទេសកម្ពុជា ជាប់គាំងនយោបាយ ប្រទេសចិនមិនបានរង់ចាំ ការបង្កើតអារដ្ឋាភិបាលថ្មីណាមួយនោះទេ ដែលនេះគឺជាចំណុចសំខាន់ នៅក្នុងទំនាក់ទំនងជាមួយកម្ពុជា។
សម្តេចតេជោ បានបន្តថា យើងអាចចាំបានហើយថា នៅក្នុងការបោះឆ្នោត ២០០៣ ភាពជាប់គាំងខាងនយោបាយ ដោយសារការធ្វើពហិកា របស់បណ្ដាគណបក្សនយោបាយខ្លះ បានបង្កើតឲ្យមានការអូសបន្លាយប្រមាណ ១ឆ្នាំ ទើបបង្កើតរដ្ឋាភិបាលបាន ពេលនោះគណបក្សប្រជាជនកម្ពុជាមានតែ ៧៣កៅអីប៉ុណ្ណោះ។ ប៉ុន្តែប្រព័ន្ធរដ្ឋធម្មនុញ្ញ របស់យើងតម្រូវឲ្យមាន ២ភាគ ៣ ដែលត្រូវការរហូតដល់ ៨២សំឡេង ទើបអាចបង្កើតរដ្ឋាភិបាលបាន។
បើតាមសម្តេចតេជោ ហ៊ុន សែន ក្រោយការជាប់គាំងនយោបាយ មានប្រទេសមួយចំនួន បានប្រកាន់យកឥរិយាបថរង់ចាំមើល។ ប៉ុន្តែសាធារណរដ្ឋប្រជាមានិតចិន មិនរង់ចាំមើលនោះទេ។ ដោយជំហានដំបូងលោកជំទាវឧបនាយករដ្ឋមន្ត្រី ចិន វូយី បានមកបំពេញព្រះទស្សនកិច្ចនៅកម្ពុជា បន្ទាប់មកសម្ដេច ក៏ត្រូវបានអញ្ជើញពីនាយករដ្ឋមន្ត្រីចិន ដើម្បីទស្សនកិច្ច។ សម្ដេចតេជោអះអាងថា ដែលចំណុចនេះសម្ដេចចងចាំយ៉ាងខ្លាំង គឺសម្តេចបានអំពាវនាវឲ្យចិនជួយកសាងផ្លូវ ក៏ដូចជាស្ពានភ្ជាប់មកភូមិភាគឥសាន្តប្រទេស ហេតុដូច្នេះហើយ ទើបធ្វើឲ្យផ្លូវនៅភូមិភាគឥសាន្តជាច្រើន គឺជាជំនួយរបស់រដ្ឋាភិបាលចិន៕
អត្ថបទ៖ កោះកែវ
-
កីឡា១ សប្តាហ៍ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៧ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៦ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៧ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង
-
ព័ត៌មានជាតិ៥ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?