ព័ត៌មានជាតិ
ក្រសួងព្រមានចាត់វិធានការផ្លូវច្បាប់អ្នកលក់ឱសថព្យាបាលកូវីដខុសច្បាប់
ក្រសួងសុខាភិបាលបានធ្វើការព្រមានចាត់វិធានការតាមផ្លូវច្បាប់ចំពោះអ្នកលក់ឱសថព្យាបាលជំងឺកូវីដ១៩ ដែលពុំមានលេខទិដ្ឋាការ ឬបញ្ជិកាត្រឹមត្រូវពីក្រសួងដែលអាចធ្វើឱ្យប៉ះពាល់សុខភាព ឬមានគ្រោះថ្នាក់ដល់អាយុជីវិតរបស់អ្នកប្រើប្រាស់ទៀតផង។
![](https://www.kampucheathmey.com/wp-content/uploads/2022/02/photo_2021-11-12_18-32-41-5-1024x682.jpg)
ការព្រមាននេះបានធ្វើឡើងបន្ទាប់ពីមានគណនីបណ្តាញសង្គមហ្វេសប៊ុកមួយចំនួន កំពុងផ្សព្វផ្សាយលក់ផលិតផលព្យាបាលកូវីដ១៩ គ្មានលេខបញ្ជិកា។
លោក សាស្ត្រាចារ្យ ម៉ម ប៊ុនហេង រដ្ឋមន្ត្រីក្រសួងសុខាភិបាលបានឱ្យដឹងនៅក្នុងសេចក្តីជូនដំណឹងចុះកាលពីយប់ថ្ងៃទី ២១ ខែកុម្ភៈថា ស្របពេលជាមួយគ្នាកំពុងមានការឆ្លងរីករាលដាលនៃជំងឺកូដ១៩ ក្នុងសហគមន៍ ក្រសួងសុខាភិបាលពិនិត្យឃើញ មានការចែកចាយ និងព្វផ្សាយលក់ឱសថប្រឆាំងរុសកូដ-១៩ Molnupiravir ដោយពុំមានលេខទិដ្ឋាការ ឬបញ្ជិកា ពីក្រសួងសុខាភិបាលដែលមានឈ្មោះ MERIPIR 400mg, MERIPIR 200mg, MOLUZEN800, MOLAZ, Molenzavir, MOLUZIR-US, MPIRAVIR 200mg, MolnupiravirTablets 200mg កំប៉ុង 30គ្រាប់។
![](https://www.kampucheathmey.com/wp-content/uploads/2022/02/photo_2022-02-21_19-14-21-724x1024.jpg)
លោក រដ្ឋមន្ត្រីបានណែនាំដល់បងប្អូនប្រជាពលរដ្ឋទាំងអស់ឈប់ទិញ និងប្រើប្រាស់ឱសថដែលគ្មានលេខទិដ្ឋាការ ឬបញ្ជិកាជាបន្តទៀត ពីព្រោះឱសថទាំងនេះមិនអាចធានាបាននូវ ប្រសិទ្ធភាព គុណភាព និងសុវត្ថិភាពបានឡើយ ហើយអាចជាឱសថក្លែងក្លាយបណ្តាលឱ្យប៉ះពាល់សុខភាព ឬមាន គ្រោះថ្នាក់ដល់អាយុជីវិតរបស់អ្នកប្រើប្រាស់ទៀតផង។
ចំពោះជនណាដែលចែកបាយ និងផ្សព្វផ្សាយលក់ឱសថគ្មាន លេខទិដ្ឋាការ ឬបញ្ជីកាខាងលើ និងជនពាក់ព័ន្ធដទៃទៀតត្រូវបញ្ឈប់ការនាំចូល ចែកចាយ និងផ្សព្វផ្សាយលក់ ខាងលើនេះជាបន្ទាន់។
![](https://www.kampucheathmey.com/wp-content/uploads/2022/02/photo_2022-02-21_14-18-15-1-1024x768.jpg)
លោករដ្ឋមន្ត្រីបានព្រមានថា ក្រសួងសុខាភិបាលនឹងមានវិធានការតឹងរ៉ឹងទៅតាមផ្លូវច្បាប់ចំពោះជនណាចែកចាយ និងផ្សព្វផ្សាយលក់ ឱសថគ្នានលេខបញ្ជិកា និងជនពាក់ព័ន្ធដទៃទៀតដែលនាំចូលចែកចាយ និងផ្សព្វផ្សាយលក់ ឱសថគ្មាន លេខទិដ្ឋាការ និងបញ្ជិកាទៅតាមច្បាប់ស្តីពីវិសោធនកម្មច្បាប់ស្តីពីការគ្រប់គ្រងឱសថជាធរមាន។
លោករដ្ឋមន្ត្រីបានលើកឡើងទៀតថា ក្នុងករណីបងប្អូនប្រជាពលរដ្ឋបានជួបប្រទះឃើញជនណាកំពុងចែកចាយ និងផ្សព្វផ្សាយលក់ឱសថ Molnupiravir ដែលគ្មាលេខបញ្ជិកានិងទិដ្ឋាការសូមបងប្អូនប្រញាប់ផ្តល់ព័ត៌មាន មកនាយកដ្ឋានឱសថ ចំអាហារ បរិក្ខារពេទ្យ និងគ្រឿងសំអាង។
លោករដ្ឋមន្ត្រីបានណែនាំដល់ប្រជាពលរដ្ឋមុននឹងទិញឱសថគ្រប់ប្រភេទ សូមពិនិត្យ មើលលតាបត្របញ្ជិកាដែលមានបិទលើសំបកវេចខ្ចប់ ហើយលតាបត្រដែលត្រឹមត្រូវ គឺមានពីរគឺផ្នែកខាងលើមាន ឈ្មោះ គ្រឹះស្ថានអាហ័រណនីហ័រណឱសថនិងផ្នែកខាងក្រោមមានលេខបញ្ជិកា។
គួរបញ្ជាក់ថា បច្ចុប្បន្ននេះដោយសារមានការកើនឡើងខ្ពស់ នៃការឆ្លងជំងឺកូវីដ១៩ ពិសេសជំងឺអូមីក្រុងបានធ្វើឱ្យប្រជាពលរដ្ឋមួយចំនួនសម្រុកទៅទិញឱសថ Molnupiravir ដែលផលិតនៅសហរដ្ឋអាមេរិក ដើម្បីមកព្យាបាលជំងឺនៅក្នុងក្រុមគ្រួសារដែលឆ្លងជំងឺកូវីដ១៩ ដែលធ្វើឱ្យជនឆ្លៀតឱកាសមួយចំនួនបានតម្លើងថ្លៃឱសថនិងខ្លះទៀតផ្សព្វផ្សាយលក់ឱសថព្យាបាលកូវីដដោយគ្មានចុះបញ្ជិកា ឬទិដ្ឋាការតាមបណ្តាញសង្គមបោកប្រាស់ប្រជាពលរដ្ឋ៕
អត្ថបទ៖ សំអឿន
-
ព័ត៌មានជាតិ២ ថ្ងៃ ago
លោក សុខ ធា ត្រូវបានប្រកាសចូលកាន់តំណែងជានាយប៉ុស្តិ៍នគរបាលច្រកទ្វារអាកាសយានដ្ឋានអន្តរជាតិភ្នំពេញ
-
ជីវិតកម្សាន្ដ៦ ថ្ងៃ ago
ពូ ណុយ និង យ៉ែម ស្រីពេជ្រ ត្រៀមចូលរោងការដើមខែក្រោយ
-
សេចក្ដីជូនដំណឹង៤ ថ្ងៃ ago
ក្រុមហ៊ុន ហនុមាន ប៊ែវើរីជីស បោះជំហានឆ្ពោះទៅកាន់វិសាលភាពអន្តរជាតិជាមួយម្ចាស់ជើងឯកប្រដាល់ពិភពលោក ម៉ានី ប៉ាគីអាវ!
-
ព័ត៌មានជាតិ៤ ថ្ងៃ ago
Breaking News! ព្រែកជីកហ្វូណនតេជោ នឹងបើកការដ្ឋានសាងសង់ផ្លូវការនៅ ខែសីហា
-
ព័ត៌មានអន្ដរជាតិ៦ ថ្ងៃ ago
មូលហេតុ ៣ ដែលអធិរាជ ឈានឡុង នៃរាជវង្ស Qing បញ្ជាឲ្យកាត់ក្បាលគ្រូទាយល្បីម្នាក់
-
កីឡា៣ ថ្ងៃ ago
ស្ថាបនិក KSF ផ្តល់តម្លៃ ឈឿង ល្វៃ ខ្ពស់បំផុតសម្រាប់កំណត់ត្រាជូនជាតិ
-
ព័ត៌មានជាតិ៤ ថ្ងៃ ago
បង្កើតផ្លូវថ្មីតភ្ជាប់ពីផ្លូវជាតិលេខ១ រហូតដល់គល់ស្ពានព្រែកប្រា-ចាក់អង្រែ
-
សេដ្ឋកិច្ច៦ ថ្ងៃ ago
គម្រោងព្រែកជីកហ្វូណនតេជោ គ្រោងបើកការដ្ឋានសាងសង់ឆាប់ៗ