ព័ត៌មានជាតិ

ភ្ញាក់ផ្អើល!! ប្រទះឃើញសពមនុស្ស នៅទីលានចាក់សំរាមជើងឯក

បានផុស

៥ years មុន

នៅ

ថ្ងៃសៅរ៍ ១២ ធ្នូ ២០២០

ដោយ

សពមនុស្សម្នាក់ ត្រូវបានក្រុមការងារប្រមូលសំរាមប្រទះឃើញនៅលើគំនរទីលានចាក់សំរាមជើង ឯកខណ្ឌដង្កោ បង្កការភ្ញាក់ផ្អើលដល់សមត្ថកិច្ចមូលដ្ឋាន ក៏ដូចជាមន្ត្រីជំនាញផងដែរ ។

ហេតុការណ៍ភ្ញាក់ផ្អើលនេះ កើតឡើងនាវេលាព្រឹកថ្ងៃទី១២ ខែធ្នូ ឆ្នាំ២០២០ នៅលើទីលានចាក់សំ រាមជើងឯក ភូមិតាឡី សង្កាត់ដង្កោខណ្ឌដង្កោរាជធានីភ្នំពេញ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជុំវិញហេតុការណ៍នេះ សមត្ថកិច្ច ក៏ដូចជាអ្នកយាមច្រកចូលទីលានចាក់សំរាមជើងឯក មិនបានអនុញ្ញាតិ អោយអ្នកសារព័ត៍មានទាំងអស់ចូលថតផ្តិតរូបភាពនោះឡើយ ខណៈសមត្ថកិច្ចជំនាញកំពុងបើកការស៊ើបអង្កេត ស្រាវជ្រាវយ៉ាងក្តៅគគុក ដើម្បីរកអោយឃើញមូលហេតុនៃករណីនេះ ។

ប៉ុន្តែទោះយ៉ាងណាក្តី សមត្ថកិច្ចនគរបាលខណ្ឌដង្កោ ប្រាប់អោយអោយដឹងថា សពដែលត្រូវបានគេប្រទះឃើញនៅលើគំនរទីលានចាក់សំរាមជើងឯកនោះ គឺស្ត្រី។

សពជនរងគ្រោះត្រូវបានសមត្ថកិច្ចដឹកយកទៅរក្សាទុកនៅវត្តស្ទឹងមានជ័យ ដើម្បីស្រាវជ្រាវបន្ត៕

រ៉ាវុទ្ធ