ព័ត៌មានជាតិ

បុរសម្នាក់ រងរបួសធ្ងន់ ក្រោយរថយន្តស្ទូចបុកនៅលើផ្លូវកែងអក្សរតេ ភូមិតាងៅ

បានផុស

៥ years មុន

នៅ

ថ្ងៃពុធ ១៦ ធ្នូ ២០២០

ដោយ

បុរសម្នាក់បានជួបគ្រោះថ្នាក់ចរាចរណ៍ដេកដួលក្រោមរថយន្តធុនធំ បង្កឲ្យរងរបួសយ៉ាងធ្ងន់ធ្ងរ។ ហេតុការណ៍គ្រោះថ្នាក់នេះ បានកើតឡើងត្រង់ចំណុចអក្សរ តេ ផ្លូវតាងៅ ស្ថិតក្នុងភូមិតាងៅសង្កាត់និរោធ ខណ្ឌច្បារអំពៅ រាជធានីភ្នំពេញ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាមប្រភពពីលោកវរសេនីយ៍ទោ ឯក សារ៉ន អធិការរងនគរបាល ខណ្ឌច្បារអំពៅ បានឲ្យដឹងថា គ្រោះថ្នាក់នេះ បានកើតឡើងនៅវេលាម៉ោង១១និង០០នាទី ថ្ងៃទី១៦ ខែធ្នូ គឺជនរងគ្រោះភេទប្រុស មានវ័យប្រហែលជាង២០ឆ្នាំ មិនស្គាល់អត្តសញ្ញាណ បានបើកបរម៉ូតូសង់សេរី០១៣ពណ៌ខ្មៅពាក់ស្លាកលេខភ្នំពេញ១B ៣៣ ៩៩ ដោយធ្វើដំណើរតាមបណ្តោយផ្លូវតាងៅ ក្នុងទិសដៅពីជើងមកត្បូង។ លុះមកដល់ផ្លូវកែងអក្សរ តេ ក៏ស្រាប់តែមានរថយន្តស្ទូចពណ៌សរពាក់ស្លាកលេខភ្នំពេញ២B ២៤២៤ ដែលបើកបរតាមបណ្តោយផ្លូវបេតុងក្នុងទិសដៅពីលិចមកកើត បានបុកម៉ូតូបណ្តាលឲ្យអ្នកបើកម៉ូតូខ្ទាតចូលក្រោមរថយន្តរងរបួសធ្ងន់ធ្ងរ ហើយត្រូវបានដឹកយកទៅសង្គ្រោះភ្លាមៗ។

លោកអធិការរងបន្តថា ចំពោះអត្តសញ្ញាណជនរងគ្រោះមិនបានស្គាល់ទេ។ ដោយឡែកអ្នកបើកបររថយន្ត ត្រូវបានចាប់ខ្លួនផងដែរ។ លោកអធិការបញ្ជាក់ថា ករណីគ្រោះថ្នាក់ចរាចរណ៍នេះ គឺដោយសាររថយន្តមិនបង្អង់ល្បឿនស្ថិតនៅផ្លូវអក្សរ តេ ដែលជាផ្លូវកែងហើយតែងជួបគ្រោះថ្នាក់ញឹកញាប់ណាស់។ ក្នុងនោះលោកអធិការរងបានសំណូមពរដល់អ្នកបើកបរទាំងអស់ពេលមកដល់ចំណុចគ្រោះថ្នាក់នេះ ត្រូវស៊ីផ្លេឲ្យបានដឹងមុនទើបធ្វើឲ្យភាគីម្ខាងបានដឹងនិងប្រុងប្រយ័ត្ន។ ទោះយ៉ាងណាក៏សមត្ថកិច្ចសុំអំពាវនាវរកក្រុមគ្រួសារបុរស ដែលរងរបួសមានវ័យជាង២០ឆ្នាំសម្បុរសពាក់យឺតដៃវែងពណ៌ក្រហម លាយទឹកប្រាក់ ស្លៀកខោខូវប៊យជើងវែង។ បើបានទទួលដំណឹងហើយសូមមកទំនាក់ទំនងពីនគរបាលខណ្ឌច្បារអំពៅ នៃស្នងការដ្ឋាននគរបាលរាជធានីភ្នំពេញ៕

អត្ថបទ៖ នរា

សូមចុចអាន៖ ប្រតិបត្តិការទ្រង់ទ្រាយធំនៅប៉ោយប៉ែត ឃាត់មនុស្ស ៣នាក់ ដកហូតគ្រឿងញៀនជិត១០គីឡូក្រាម

Related Topics:គ្រោះថ្នាក់ចរាចរណ៍ខណ្ឌច្បារអំពៅ

សេចក្ដីជូនដំណឹង៤ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា