ព័ត៌មានជាតិ
រដ្ឋាករទឹកប្រើមធ្យោបាយ២ ដោះស្រាយបញ្ហាដាច់ទឹកជូនប្រជាពលរដ្ឋនៅរាជធានីភ្នំពេញ
បន្ទាប់ពីលេចឡើងនូវបញ្ហាដាច់ទឹកស្អាតសម្រាប់ប្រើប្រាស់ប្រចាំថ្ងៃរបស់បងប្អូនប្រជាពលរដ្ឋរស់នៅតំបន់មួយចំនួនក្នុងភូមិសាស្ត្ររាជធានីភ្នំពេញនារដូវប្រាំងឆ្នាំងនេះ រដ្ឋាករទឹកស្វយ័តក្រុងភ្នំពេញ បានប្រើមធ្យោបាយចំនួនពីរ ក្នុងការដោះស្រាយបញ្ហាដាច់ទឹកជូនអតិថិជន។
លោក ឡុង ណារ៉ូ អគ្គនាយករដ្ឋាករទឹកស្វយ័តក្រុងភ្នំពេញ ប្រាប់កម្ពុជាថ្មីថា រដ្ឋាករទឹកបានប្រើមធ្យោបាយដែលជាជម្រើសពីរក្នុងការដោះស្រាយបញ្ហាដាច់ទឹកជូនប្រជាពលរដ្ឋ ទី១ ការតភ្ជាប់បន្ថែមបំពង់ចូលទៅក្នុងតំបន់ដែលដាច់ទឹក ដូចជាតំបន់កំបូល និងឈូកវ៉ា២ រដ្ឋាករទឹកបានធ្វើរួចរាល់ហើយ។
ចំណែកឯជម្រើសទី២គឺនៅតំបន់ដែលដាច់ស្រយាលមិនទាន់មានបំពង់មេទៅដល់ រដ្ឋាករទឹកបានដឹកទឹកយកទៅចែកចាយដាក់នៅតាមបុរី ឬភូមិ ជាពិសេសភូមិដែលនៅខាងក្រៅតំនប់កប់ស្រូវជាដើមដែលការងារនេះបានអនុវត្តរយៈពេល ៣ ឆ្នាំកន្លងមកហើយ។
នៅរាជធានីភ្នំពេញ កង្វះផលិតកម្មទឹកស្អាត ធ្វើឱ្យប្រជាពលរដ្ឋដែលជាអតិថិជនអ្នកប្រើប្រាស់ទឹកស្អាតមួយចំនួនជួបការលំបាកជាពិសេសអ្នករស់នៅតំបន់ជាយក្រុងដូចជាខណ្ឌពោធិ៍សែនជ័យ ខណ្ឌដង្កោ ខណ្ឌកំបូល និងក្រុងតាខ្មៅ។
តាមការសិក្សារបស់រដ្ឋាករទឹកបញ្ជាក់ថា តម្រូវការទឹកស្អាតប្រើប្រាស់សម្រាប់ប្រជាជនទាំងអស់ក្នុងរាជធានីភ្នំពេញក្នុងមួយ ថ្ងៃមានរហូតដល់ទៅ ៨ សែន ម៉ែត្រគូប ខណៈសមត្ថភាពរោងចក្រផលិតទឹកស្អាតបានតែ ៦ សែនម៉ែត្រគូបក្នុងមួយថ្ងៃ ដែលធ្វើឱ្យរាជធានីទាំងមូលខ្វះទឹកប្រមាណ ២ សែនម៉ែត្រគូប។
រដ្ឋាករទឹកស្វយ័តក្រុងភ្នំពេញ កំពុងសាងសាងសង់រោងចក្រផលិតទឹកស្អាតនៅបាក់ខែង ដែលអាចផលិតទឹកបាន ៤ សែន ម៉ែត្រគូបក្នុង១ ថ្ងៃ ហើយចាប់ពីឆ្នាំ ២០២៣ទៅ រាជធានីភ្នំពេញ នឹងលែងដាច់ទឹកទៀតហើយ៕
អត្ថបទ៖ ឡេង ដេត
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៣ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៥ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៦ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៤ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ