Connect with us

ព័ត៌មានជាតិ

លោក​ឃួ​ង ស្រេង​និង​លោកស្រី បន្ត​ដឹកនាំ​ក្បួន​ដង្ហែ​ឃោសនា បោះឆ្នោត​នៅ​ថ្ងៃ​ចុង​ក្រោយនេះ​ទាំង​ភ្លៀង​ធ្លាក់​ខ្លាំង

បានផុស

នៅ

ភ្នំពេញ ​៖ ក្រោយ​សម្រាក​ស្រស់ស្រូប​អាហារ​ថ្ងៃត្រង់​រយៈពេល​២​ម៉ោង បន្ទាប់ពី​ដំណើរការ​ឃោសនា​ពេញ​មួយ​ព្រឹក​ថ្ងៃ​ទី​៣​មិថុនា ដែលជា​ថ្ងៃ​ចុងក្រោយ​នៃ​យុទ្ធនាការ​ឃោសនាបោះឆ្នោត​ជ្រើសរើស​ក្រុមប្រឹក្សាឃុំ សង្កាត់ នៅ​រសៀល​ថ្ងៃទី​៣​មិថុនា នេះ​លោក​ឃួ​ង ស្រេង សមាជិក​គណៈកម្មាធិកា​រ​កណ្តាល និង​ជា​ប្រធាន​គណៈកម្មាធិការ​គណបក្ស​ប្រជាជន​កម្ពុជា​រាជធានី​ភ្នំពេញ និង​លោកស្រី​បាន​បន្ត​ដឹកនាំ​ក្បួន​ឃោសនា​បន្តទៀត បើ​ទោះបី​ជា​មាន​ភ្លៀង​ធ្លាក់​ជាប់​រហូត​យ៉ាងណាក្តី ក៏​មិនបាន​រារាំង​ដំណើរការ​នៃ​ក្បួន​ដង្ហែ​ដ៏​ធំ​របស់​គណបក្ស​ប្រជាជន​កម្ពុជា​នេះដែរ​។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្បួន​ដង្ហែ​បាន​ឆ្លងកាត់​ភូមិសាស្ត្រ​ខណ្ឌ​ចំនួន​៥​នៅ​កណ្តាល​ក្រុង​តាមតម្រាយ​ផ្លូវ​ដែល​បាន​គ្រោងទុក​ដើម្បី​បង្ហាញ​ពី​គោលនយោបាយ​របស់​គណ​បក្ស ប្រជាជន​កម្ពុជា និង​ការប្តេជ្ញាចិត្ត​អនុវត្ត​គោលនយោបាយ​នេះ​ក្នុង​រយៈពេល​៥​ឆ្នាំ ខាងមុខ​ទៀត​ក្នុងការ​អភិវឌ្ឍ​ន៍​សង្កាត់​ឲ្យ​បាន​កាន់តែ​រីកចម្រើន​ថែមទៀត​ស្របតាម បំណង​ប្រាថ្នា​របស់​ប្រជាពលរដ្ឋ​។ បងប្អូន​ប្រជាពលរដ្ឋ​ដែល​រស់នៅ​អម​សងខាង​ផ្លូវ​ដែល​ក្បួន​ឃោសនា​បាន​ឆ្លងកាត់ សុទ្ធតែ​បាន​ទះដៃ​អបអរសាទរ​ព្រមទាំង​សម្រែក​ជ័យ​ឃោស ជយោ​! គណបក្ស​ប្រជាជន​កម្ពុជា​,​មាន​គណបក្ស​ប្រជាជន​កម្ពុជា​គឺមាន​ការអភិវឌ្ឍ​ន៍​និង​ធានាបាន​សុខសន្តិភាព ស្ថេរភាព និង​សណ្តាប់ធ្នាប់​សង្គម ព្រោះ​គណបក្ស​ប្រជាជន​កម្ពុជា​កើតចេញពី​ប្រជាជន ដើម្បី​ប្រជាជន ដែលមាន​សម្តេច​អគ្គមហាសេនាបតី​តេ​ជោ​ហ៊ុន សែន​ជា​ប្រមុខ​ដឹកនាំ​គណបក្ស។

ដូច្នេះ​ប្រជាពលរដ្ឋ​យើង​ត្រូវ​បោះឆ្នោត​ឲ្យ​ត្រូវ ឲ្យ​ចំ​គឺ​គណបក្ស​ប្រជាជន​កម្ពុជា ដែល​មាន​រូប​ទេវតា​បាច​ផ្កា​ជា​និមិត្តរូប​។ សន្លឹកឆ្នោត​មួយ​សន្លឹក​របស់​បងប្អូន​ប្រជាពលរដ្ឋ​ដែល​បោះ​ត្រូវ គឺ​យើង​ទទួលបាន​ការរីកចំរើន​សំរាប់​ខ្លួន​យើង កូនចៅ​យើង និង​ប្រទេសជាតិ​យើង​។

នៅ​ម៉ោង​ប្រមាណ​ជាង​៣​រសៀល​ក្បួន​ដង្ហែ​បាន​ឈាន​ឆ្ពោះ​ទៅដល់​កោះ​ពេជ្រ ជាមួយនឹង​ជួបជុំ​ជា​មួយ​លោក​ហ៊ុន ម៉ា​នី សមាជិក​គណៈកម្មាធិកា​រ​កណ្តាល និង​ជា​ប្រធាន​សហភាព​សហព័ន្ធ​យុវជន​កម្ពុជា​មុននឹង​បន្ត​ដំណើរ ដង្ហែ​ក្បួន​ឃោសនាបោះឆ្នោត​នា​ថ្ងៃ​ចុងក្រោយ​នៅ​យប់​នេះ​បន្តទៀត​។​

លោក​ហ៊ុន ម៉ា​នី ក្នុង​ឱកាស​នោះបាន​ថ្លែង​នូវ​ការកោតសរសើរ ចំពោះ​សមាជិក សមាជិកា​គណបក្ស​ប្រជាជន​កម្ពុជា​ទាំងអស់​ដែល​បាន​យក​អស់​កម្លាំងកាយ​ចិត្ត គាំទ្រ គណបក្ស​ប្រជាជន​កម្ពុជា​។ លោក​សូមអោយ​បងប្អូន​រក្សា​សាមគ្គីភាព​គ្នា​អោយបាន​រឹងមាំ ថែរក្សា​អារម្មណ៍​អោយបាន​ល្អ ដើម្បី​ទទួល​ជ័យ​ជំ​នះ​នៅពេល​បោះឆ្នោត​។ សន្តិភាព បានមក​ដោយ​ការ​លះបង់ ពុះពារ​យ៉ាង​លំបាក​របស់​គណបក្ស​ប្រជាជន​កម្ពុជា​។ សន្តិភាព​នេះហើយ ទើប​ប្រទេស​យើង​មានការ​អភិវឌ្ឍ​លើក​គ្រប់​វិស័យ នាំអោយ​ប្រទេស​យើង ស្មើមុខ ស្មើ​មាត់​នៅលើ​ឆាក​អន្តរជាតិ​។ ដូច្នេះ​យើង​ត្រូវ​រួមគ្នា​រក្សា សន្តិភាព​អោយបាន​គង់វង្ស និង​ទប់ស្កាត់​បដិវត្ត​ពណ៌​អោយបាន ដើម្បី​អភិវឌ្ឍន៍ ប្រទេស​របស់​យើង​អោយ​កាន់តែ​រីកចម្រើន​បន្ថែមទៀត។

មុន​នៃ​ការ​ដង្ហែ​ក្បួន​នៅ​យប់​នេះ លោក​ហ៊ុន ម៉ា​នី បាន​ណែនាំ អោយ​សមាជិក សមាជិកា​គណបក្ស​ប្រជាជន​កម្ពុជា​ទាំងអស់ រក្សា​សន្តិសុខ សណ្តាប់ធ្នាប់​អោយបាន​ល្អ រក្សា​សុវត្ថិភាព​ខ្លួនឯង ។ បន្ថែម​ពីនេះ គឺ​ធ្វើ​អ្វីៗ បង្ហាញ​ពី​ភាព​ចាស់ទុំ​ខាង​នយោបាយ​របស់​គណបក្ស​ប្រជាជន​កម្ពុជា​របស់​យើង ដើម្បី​ឈាន​ឆ្ពោះ​ទៅយក​ជ័យ​ជំ​នះ​នា​ថ្ងៃ​បោះឆ្នោត​ក្រុមប្រឹក្សាឃុំ សង្កាត់​នា​ថ្ងៃ​០៥​មិថុនា​និង​បន្ត​យកជ័យ​ជំ​នះ​នៅ​ពេល​បោះឆ្នោត សកល​ឆ្នាំ​២០២៣​ខាងមុខ​ទៀត​៕

ដោយ ៖ ស្រីរ័ត្ន

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៥ ថ្ងៃ មុន

អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា

ព័ត៌មានជាតិ៣ ថ្ងៃ មុន

ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ

ព័ត៌មានជាតិ៣ ថ្ងៃ មុន

បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»

ព័ត៌មានជាតិ៣ ថ្ងៃ មុន

កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា

សេដ្ឋកិច្ច៤ ថ្ងៃ មុន

មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ

Sokha Hotels

ព័ត៌មានពេញនិយម