ព័ត៌មានជាតិ
រដ្ឋាករទឹកស្វយ័តក្រុងភ្នំពេញផ្ដើមការងារបញ្ចប់ការលក់ទឹកបន្តដើម្បីធានាតម្លៃទឹក
លោក ឡុង ណារ៉ូ អគ្គនាយករដ្ឋាករទឹកស្វយ័តក្រុងភ្នំពេញ នៅថ្ងៃទី ៩ ខែមិថុនា ឆ្នាំ ២០២២នេះ បានឱ្យដឹងថា លោក កំពុងចាប់ផ្ដើមចុះសិក្សា និងដោះស្រាយលែងឱ្យមានអ្នកលក់ទឹកបន្តនៅឆ្នាំ ២០២៣ ដើម្បីធានាតម្លៃទឹកសម្រាប់ប្រជាពលរដ្ឋ កម្មករ និស្សិតនៅក្នុងរាជធានីភ្នំពេញ។
ចំណាត់ការនេះ កើតមានឡើងបន្ទាប់ពីបញ្ហាអ្នកលក់ទឹកបន្តនៅតែលក់ក្នុងតម្លៃខ្ពស់ទៅឱ្យប្រជាពលរដ្ឋ ជាពិសេសកម្មករ និស្សិត។
រដ្ឋាករទឹកស្វយ័តក្រុងភ្នំពេញ ធ្លាប់ធ្វើកិច្ចសន្យាជាមួយអ្នកលក់ទឹកបន្តជាង ៤ ពាន់នាក់ ( ៤.៦៨៩) ដោយលក់ទឹកឱ្យពួកគាត់ក្នុងតម្លៃ ៧០០ រៀល ហើយតម្រូវឱ្យពួកគាត់លក់ទៅទៅឱ្យប្រជាពលរដ្ឋ ជាពិសេស កម្មករ សិស្ស និស្សិត ត្រឹម៨០០ រៀល ប៉ុន្តែអ្នកលក់នៅតែលក់ក្នុងតម្លៃខ្ពស់ដដែល។
លោក ឡុង ណារ៉ូ បានឱ្យដឹងថា រដ្ឋាករទឹកស្វយ័តក្រុងភ្នំពេញកំពុងចាប់ផ្ដើមធ្វើលើកកិច្ចការនេះ ចាប់ពីខែនេះទៅដោយប្រើពេលតែ១ឆ្នាំទៀតទេ អ្នកលក់ទឹកបន្តលែងមានហើយ។
លោក ឡុង ណារ៉ូថ្លែងថា “វិធានការរបស់ខ្ញុំគឺចាប់ផ្ដើមរៀបចំនូវតំបន់លក់ទឹកទាំងអស់នោះ ទី១ ចូលទៅសិក្សាជាមួយគាត់ឱ្យដឹងភាពជាក់ស្ដែងនៃការវិនិយោគរបស់គាត់ និងទង្វើរបស់គាត់។ ហើយកន្លែងណាដែលអាចរៀបបានឱ្យទៅជាការផ្គត់ផ្គង់ទឹកមានលក្ខណធម្មតា ត្រូវជជែកជាមួយគាត់លក់ទឹក ៨០០ រៀលដដែល។ កន្លែងណាសម្ពាធទាប រដ្ឋាករទឹកត្រូវជជែគជាមួយពួកគាត់ ធ្វើម៉េចជួយសម្រួលឱ្យគាត់លក់សមស្របមិនឱ្យលក់ ២ ៥០០ រៀល ឬ ៣០០០ ទៀតទេ”។
អគ្គនាយករដ្ឋាករទឹកស្វយ័តក្រុងភ្នំពេញរូបនេះបញ្ជាក់ថា ការចាប់ផ្ដើមនៅតំបន់ផ្លូវវេងស្រេងមុនគេ ដោយបញ្ឈប់ឱ្យពួកគាត់ដាក់បំពង់តពីនាឡិកាចូលទៅក្នុងដោយខ្លួនគាត់ មិនត្រឹមត្រូវតាមបច្ចេកទេស ធ្វើឱ្យទឹកបាត់បង់ចន្លោះនាឡិកា របស់យើង និងនាឡិការរបស់គាត់ជាច្រើម៉ែត្រគូប៕
អត្ថបទ៖ ឡេង ដេត
-
ព័ត៌មានជាតិ៧ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៥ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៥ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ចរាចរណ៍២៣ ម៉ោង ago
បឋម៖ រថភ្លើងបុករថយន្ដក្រុងដឹកអ្នកដំណើររបួសច្រើននាក់
-
ព័ត៌មានជាតិ៥ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
ព័ត៌មានជាតិ៥ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
សេដ្ឋកិច្ច៦ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានអន្ដរជាតិ៣ ថ្ងៃ ago
លម្អិតហេតុការណ៍រន្ធត់ កប៉ាល់ដឹកកុងតឺន័រ បុកបាក់ស្ពាននៅទីក្រុង Baltimore