គំនរ​សំរាមនៅតែ​បោះចូល​ក្នុង​ទន្លេ ចៅ​សង្កាត់​​ឲ្យ​មេភូមិ​ចុះណែនាំប្រជាពលរដ្ឋ

គំនរសំរាម​ត្រូវ​បាន​បងប្អូនរស់នៅតាមដងទន្លេ នាំគ្នាយកសំរាមទៅបោះចូលក្នុងទន្លេ និង​មាត់ច្រាំងយ៉ាងគគ្រិចហើយជះក្លឹនស្អុយទៀតផង។

ជាក់ស្តែងនៅព្រឹកថ្ងៃទី២៥ខែមិថុនានេះ លោកយុិន វុធ ចៅសង្កាត់ច្បារអំពៅទី២ បានដឹកនាំកម្លាំងចុះទៅប្រមូលសំរាមនៅ​មាត់ច្រាំងទន្លេ ស្ថិតក្នុងភូមិដើមចាន់ សង្កាត់ច្បារអំពៅទី២ ខណ្ឌច្បារអំពៅរាជធានីភ្នំពេញ ខណះដែលសំរាមត្រូវបានចាក់គរបង្កឲ្យជះក្លឹនស្អុយពិបាកទ្រាំហើយសំរាមខ្លះធ្លាក់ចូលទៅក្នុងទន្លេយ៉ាងគគ្រិចបំផុត។

លោក យុិន វុធ បានបន្តថា សំរាមនេះមិនមែនអ្នករស់នៅពីចំងាយយកមកចោលទេ គឺបងប្អូនអ្នករស់នៅក្បែរៗនេះតែម្តង។ ដូច្នេះសូមឲ្យបងប្អូនបញ្ឈប់ការយកសំរាមមកបោះចូលក្នុងទន្លេជាបន្ត ព្រោះប៉ះពាល់ដល់សុខភាពខ្លាំងណាស់។

លោក ចៅសង្កាត់បានបញ្ជាក់ថា លោកនឹង​ចាត់ឲ្យលោកមេភូមិ ចុះណែនាំដល់បងប្អូនប្រជាពលរដ្ឋដែលទំលាប់យកសំរាម​ទៅបោះចូលក្នុងដងទន្លេ ត្រូវបញ្ឈប់ជាបន្ទាន់ ហើយត្រូវយកមកដាក់ឲ្យរថយន្តដឹកសំរាមទៅដឹករាល់ម៉ោងដែលបានកំណត់៕

អត្ថបទ៖ នរា