ព័ត៌មានជាតិ
តើការLiveផ្សាយពីជម្លោះបុគ្គលនៅតាមទីសាធារណៈ ខុសវិជ្ជាជីវៈ បំពានសិទ្ធិ និងខុសច្បាប់ដែរទេ?
បច្ចុប្បន្ននេះ មានអ្នកសារព័ត៌មានមួយចំនួននៅតាមបណ្តាញសង្គម និងអ្នកសារព័ត៌មានអនឡាញ បានចុះផ្សាយជាលក្ខណៈវីដេអូ និងឡាយ(Live)ផ្ទាល់នូវសកម្មភាពប៉ុនប៉ងសម្លាប់ខ្លួន ជម្លោះគ្រួសារនៅតាមទីសាធារណៈ ការមានគ្រោះថ្នាក់ចរាចរណ៍កម្រិតស្រាលនៃបុគ្គលធម្មតា ដោយបង្ហាញអត្តសញ្ញាណជនរងគ្រោះ ជនសង្ស័យ ឬជនបង្កហេតុជារូបភាពច្បាស់ៗ។ តើសកម្មភាពទាំងអស់នេះ ខុសវិជ្ជាជីវៈ ក្រមសីលធម៌សារព័ត៌មាន រំលោភបំពានសិទ្ធិ និងខុសច្បាប់ដែរឬទេ?
លោក មាស សោភ័ណ្ឌ អ្នកនាំពាក្យក្រសួងព័ត៌មានបានលើកឡើងថា ផ្អែកទៅលើមាត្រា១៥ នៃច្បាប់របបសារព័ត៌មានបានចែងថា លើកលែងតែមានការអនុញ្ញាតពីតុលាការ បើមិនដូច្នោះទេ អ្នកសារព័ត៌មានពុំអាចផ្សាយដំណឹង រូបថតឬគំនូ ដែលអាចឱ្យអ្នកអានស្គាល់ឈ្មោះ និងភិនភាគ។ ដូចយ៉ាង ករណីភាគីក្នុងរឿងរដ្ឋប្បវេណីដែលទាក់ទងនឹងបិតុភាព អាពាហ៍ពិពាហ៍ រឿងលែងលះប្តីប្រពន្ធ ឬរឿងអាណាព្យាបាលកុមារ យុវជនអាយុតិចជាង១៨ឆ្នាំក្នុងរឿងរដ្ឋប្បវេណី ឬព្រហ្មទណ្ឌ ស្រ្តីដែលរងគ្រោះដោយអំពើរំលោភលើរាងកាយ ឬអំពើចាប់បង្ខំសេពសន្ទវៈ។ ប៉ុន្តែ ក្នុងករណីសាម៉ីជន ឬអាណាព្យាបាលយល់ព្រមជាលាយលក្ខណ៍អក្សរ គឺសារព័ត៌មានអាចផ្សព្វផ្សាយរឿងនេះបាន លើកលែងតែការផ្សាយនោះ នាំឱ្យប៉ះពាល់ដល់ការស៊ើបអង្កេតរបស់តុលាការ។
បើតាមលោក មាស សោភ័ណ្ឌដដែល គឺជនណាណាម្នាក់ដែលយល់ថាអត្ថបទណាមួយទោះបីជាសរសេរបញ្ឆិតបញ្ឆៀងដោយរូបគំនូរ ឬរូបថតណាមួយនៃសារព័ត៌មានណាមួយខុសពីការពិត ធ្វើឱ្យខូតខាតដល់កិត្តិយស និងសេចក្ដីថ្លៃថ្នូររបស់ខ្លួន បុគ្គលនោះ មានសិទ្ធិទាមទារឱ្យសារព័ត៌មានធ្វើការកែតម្រូវ ឬមានសិទ្ធឆ្លើយតប ឬធ្វើបណ្តឹងពីបទបរិហារកេរ្តិ៍ ពីបទមួលបង្កាច់ ឬពីបទជេរប្រមាថ ចំពោះការប៉ះពាល់កិត្តិយស និងសេចក្ដីថ្លៃថ្នូររបស់ខ្លួន។ លោកអះអាងបែបនេះ ដោយយោងទៅតាមមាត្រា១០នៃច្បាប់ស្តីពីរបបសារព័ត៌មាន។ បើតាមមាត្រាទី១០ដដែលនេះ គឺថាបើតុលាការរកឃើញថា ការផ្សាយនោះមានលក្ខណៈខុសពីការពិតតាមបណ្តឹងរបស់ជនរងគ្រោះ តុលាការអាចបង្គាប់ឱ្យសារព័ត៌មាននោះចុះផ្សាយនូវការកែតម្រូវ ឬសងជំងឺចិត្ត ឬចុះផ្សាយនូវការកែតម្រូវផង និងបង់ប្រាក់សងជំងឺចិត្តផង។ ជាពិសេស តុលាការអាចផ្តន្ទាទោសពិន័យជាប្រាក់ពីមួយលានរៀល (១.០០០.០០០រៀល) ទៅប្រាំលានរៀល (៥.០០០.០០០រៀល)។
ចំណែក លោក ជិន ម៉ាលីន អ្នកនាំពាក្យក្រសួងយុត្តិធម៌ និងជាអនុប្រធានគណៈកម្មាធិការសិទ្ធិមនុស្សកម្ពុជាវិញ បានបញ្ជក់ថា ៖ «ការថតរូប ឬសកម្មភាពនៅទីសាធារណៈ មិនខុសទេ ប៉ុន្តែវាអាចជាអំពើល្មើសនៅពេលយកទៅធ្វើក្នុងផ្លូវខុស ដូចជាការប្រើប្រាស់ក្នុងចេតនាទុច្ចរិតក្នុងន័យបំផ្លើសបំភ្លៃ ញុះញង់ បំផុសឱ្យមានការភាន់ច្រឡំ ឬអំពើចលាចល ផ្សព្វផ្សាយព័ត៌មានមិនពិតជាដើម»។
ក្រៅពីប៉ះពាល់ដល់សិទ្ធិបុគ្គល និងប្រាសចាកពីច្បាប់សារព័ត៌មាន ទង្វើបែបនេះថែមទាំងធ្វើឱ្យប៉ះពាល់ដល់ក្រមសីលធម៌វិជ្ជាជីវៈរបស់អ្នកការសែតទៀតផង។ នេះ គឺជាការគូសបញ្ជាក់ពីលោក ពុយ គា ជាអគ្គលេខាធិកាក្លិបអ្នកការសែតកម្ពុជា។ លោកបាននិយាយ៖ «គេផ្សាយព័ត៌មានហ្នឹងបាន លុះត្រាតែជម្លោះខ្លះ ខុសពីធម្មតា ខុសពីប្រក្រតី ពេលខ្លះជម្លោះហ្នឹងសាមញ្ញពេក យើងយកមកផ្សាយដែរ វាអត់មានតម្លៃ»។ លោកបន្ថែមថា ជាទូទៅនៅក្នុងទម្រង់នៃការថតរូបមនុស្សសាមញ្ញដូចជាគ្រោះថ្នាក់ចរាចរណ៍ ឬឈ្លោះប្រកែកគ្នា មិនតម្រូវឱ្យបញ្ចេញរូបភាពច្បាស់ៗឱ្យអ្នកមើល ស្គាល់អត្តសញ្ញាណឡើយ។
ប៉ុន្តែទោះជាយ៉ាងណាក៏ដោយ ទាំងក្រសួងព័ត៌មាន និងក្លិបអ្នកការសែតកម្ពុជា បានអប់រំ ណែនាំ លើកកម្ពស់ការយល់ដឹងរបស់អ្នកសារព័ត៌មានទាំងផ្នែកច្បាប់ ជំនាញ និងក្រមសីលធម៌ វិជ្ជាជីវៈ ដោយកំពុងបើកជាថ្នាក់បណ្តុះបណ្តាលផ្តល់នូវជំនាញទាំងអស់នេះ។ នេះបើតាមការលើកឡើងរបស់លោក មាស សោភ័ណ្ឌ និងលោក ពុយ គា៕
ដោយ៖ វង់ លីលី
រដ្ឋមន្ត្រីក្រសួងរៀបចំដែនដី នគរូបនីយកម្ម និងសំណង់ ជំរុញការងារ ចុះបញ្ជីដីធ្លី បង្ហើយនៅភូមិសាស្ត្រខេត្តរតនគិរី
រុស្ស៊ីទាមទារអ៊ុយក្រែនដកទ័ពចេញពីខេត្តទាំង៤ដែលរុស្ស៊ីកាន់កាប់ ខណៈហ្សេលេនស្គីឲ្យបស្ចឹមប្រទេសបន្តជួយ
យុវជនម្នាក់មកពីទីរួមស្រុកសំបូរទទួលបានជ័យលាភីលេខ១ ក្នុងទិវាប្រាក់រៀលឆ្នាំ២០២៥
ភ្នំខ្នងផ្សារ នឹងអភិវឌ្ឍន៍ទៅតាមស្ដង់ដារ ដើម្បីទាក់ទាញភ្ញៀវទេសចរជាតិ និងអន្តរជាតិ
រុស្ស៊ី-អ៊ុយក្រែនយល់ព្រមដោះដូរឈ្លើយសឹកម្ខាង១០០០នាក់ ប៉ុន្តែគ្មានលទ្ធផលបញ្ចប់សង្គ្រាម
លោក អេ ភូថង ប្រាប់ថា មិនដឹងរឿងផ្ទាល់ខ្លួនរបស់ ធឿន ធារ៉ា ខណៈបែកធ្លាយវីដេអូជក់បារីអេឡិចត្រូនិក
នគរបាលរាជធានី កំពុងកសាងសំណុំរឿងករណីបុករះបង្កឡើងដោយលោកវរសេនីយ៍ឯក ហ៊ុន ហេង បញ្ជូនទៅតុលាការ
បឋម៖ បុករះទៀតហើយ នៅផ្លូវជាតិលេខ៦ មុខសាលាស្រុកមុខកំពូល
ឃាត់ខ្លួនស្ត្រីម្នាក់ពាក់ព័ន្ធករណីឆបោកប្រាក់ ២៦ ២០០ដុល្លារ រឿងរត់ការចូលក្របខណ្ឌនគរបាលជាតិ
អ៊ុយក្រែន ធ្លាក់ F-16 មួយគ្រឿងទៀតហើយ!
-
ជីវិតកម្សាន្ដ៦ ថ្ងៃ agoមាស សុខសោភា ស្នើមហាជនទុកផ្លូវឱ្យខ្លួននិងតាសក់ស ក្រោយដឹងរឿងអតីតស្វាមីប្តឹង និងនៅតែមានការវែកញែក
-
ចរាចរណ៍១ ថ្ងៃ agoUpdate៖ អ្នកបង្កគ្រោះថ្នាក់បុករះនៅមុខក្រសួងមហាផ្ទៃ ជានាយការិយាល័យគណនេយ្យ ចំណុះផែនការងារភស្តុភារ និងហិរញ្ញវត្ថុ នៃស្នងការដ្ឋាននគរបាលរាជធានីភ្នំពេញ
-
ចរាចរណ៍១ ថ្ងៃ agoUpdate៖ អ្នកបើករថយន្ដបុករះនៅមុខក្រសួងមហាផ្ទៃ ស្ថិតក្រោមជាតិអាល់កុល 0,35mg/L
-
សន្តិសុខសង្គម៣ ថ្ងៃ agoឃាត់ខ្លួនប្រធានផ្សារទួលពង្រ និងបក្ខពួក ពាក់ព័ន្ធករណីដើរយកភាស៊ីពីអាជីវករលក់ដូរតាមរ៉ឺម៉កម៉ូតូ
-
ព័ត៌មានជាតិ៤ ថ្ងៃ agoរតនគិរី៖ ជនជាតិដើមភាគតិច ស្នើរដ្ឋាភិបាលសាងសង់ស្ពានឆ្លងកាត់ទន្លេសម្រួលដល់ការធ្វើដំណើរ
-
ព័ត៌មានអន្ដរជាតិ១ សប្តាហ៍ agoខែលអាកាសដែលឥណ្ឌាប្រើបាញ់ដ្រូនប៉ាគីស្ថាន តាមពិតលួចទិញពីរុស្ស៊ីក្នុងតម្លៃជាង៥ពាន់លានដុល្លារ
-
កីឡា៩ ម៉ោង agoលោក អេ ភូថង ប្រាប់ថា មិនដឹងរឿងផ្ទាល់ខ្លួនរបស់ ធឿន ធារ៉ា ខណៈបែកធ្លាយវីដេអូជក់បារីអេឡិចត្រូនិក
-
ចរាចរណ៍១ ថ្ងៃ agoបឋម៖ ករណីបុករះបង្កឡើងដោយរថយន្ដឡិចសុីសមួយគ្រឿងបណ្ដាលឲ្យមានអ្នកស្លាប់នៅផ្លូវព្រះនរោត្ដម