ព័ត៌មានជាតិ
ថៃអនុញ្ញាតផ្ដល់បណ្ណពណ៌លឿងដល់ប្រជាពលរដ្ឋខ្មែរចេញ-ចូលព្រឹកល្ងាចនៅផ្សាររុងក្លឿវិញ
ភាគីថៃបានសម្រេចអនុញ្ញាតឱ្យពលរដ្ឋកម្ពុជាជាពិសេសអ្នកដែលរស់នៅក្នុងក្រុងប៉ោយប៉ែត ដែលជាអាជីវករលក់ដូរនៅផ្សាររុងក្លឿអាចប្រើប័ណ្ណអន្តោប្រវេសន៍ពណ៌លឿង (Immigration Card) បានឡើងវិញហើយដើម្បីស្រួលដល់ការចេញ-ចូលព្រឹកល្ងាចរបស់អាជីវករ។
ប្រជាពលរដ្ឋខ្មែរបានសម្តែង អំណរគុណ សប្បាយរីករាយ នៅពេលអាជ្ញាធរមានសមត្ថកិច្ចថៃ អាចអនុញ្ញាតឱ្យប្រើប័ណ្ណ ពណ៌លឿង (Immigration Card) សម្រាប់ផ្ដល់ជូនពលរដ្ឋខ្មែរចេញ ចូល ព្រឹក-ល្ងាច ទៅលក់ដូរ នៅផ្សាររោងក្លឿ ប្រទេសថៃ ដូចធម្មតាឡើងវិញ ដូចមុនវិបត្តិសាកលនៃ ការរីករាលដាលជំងឺកូវីដ១៩។
ប៉ុស្តិ៍នគរបាលច្រកទ្វារ ព្រំដែនអន្តរជាតិប៉ោយប៉ែត បន្តសហការជាមួយសមត្ថកិច្ចនគរបាលអន្តោប្រវេសន៍ថៃ ដើម្បីពិនិត្យ និងស្នើសុំផ្ដល់ប័ណ្ណពណ៌លឿង (Immigration Card) សម្រាប់ផ្ដល់ជូនពលរដ្ឋខ្មែរចេញ-ចូល ទៅលក់ដូរនៅផ្សាររុងក្លឿប្រទេសថៃ បន្ទាប់ពីភាគីកម្ពុជាស្នើភាគីថៃធ្វើប័ណ្ណ (Immigration Card) ជូនបងប្អូនប្រជាពលរដ្ឋខ្មែរ នៅក្រុងប៉ោយប៉ែត និងដំណើរការឡើងវិញ។
ក្នុងជំនួបពិភាក្សារវាងលោកឧត្តមសេនីយ៍ត្រី អ៊ី ចំរើន នាយប៉ុស្តិ៍នគរបាលច្រកទ្វារ ព្រំដែនអន្តរជាតិប៉ោយប៉ែត និងសមភាគីថៃ លោកនាយប៉ុស្តិ៍ច្រកទ្វារព្រំដែន នគរបាលអន្តោប្រវេសន៍ព្រំដែនអន្តរជាតិខ្លងលឹក កាលពីថ្ងៃទី២៥ ខែសីហា ឆ្នាំ២០២២កន្លងមក។
លោកនាយប៉ុស្តិ៍ច្រកទ្វារព្រំដែនអន្តរជាតិប៉ោយប៉ែតបានស្នើទៅលោកនាយប៉ុស្តិ៍ច្រកទ្វារ ព្រំដែនខ្លងលឹក ស្ដីអំពីការស្នើសុំឱ្យមានការដំណើរការ ការធ្វើប័ណ្ណអន្តោប្រវេសន៍ជូនប្រជាពលរដ្ឋខ្មែរ ដែលរស់នៅតំបន់ព្រំដែនក្រុងប៉ោយប៉ែតឡើងវិញ ដើម្បីបង្កលក្ខណ:ងាយស្រួលឱ្យពួកគាត់អាចចេញ ចូលក្នុងលក្ខណៈចូលព្រឹក-វិលល្ងាចទៅមកផ្សាររុងក្លឿ នៅឃុំខ្លងលឹក ស្រុកអារញ្ញប្រាថេត ខេត្តស្រះកែវ ទល់មុខក្រុងប៉ោយប៉ែត ខេត្តបន្ទាយមានជ័យ ដូចកាលពីមុនឆ្នាំ២០១០។
ភាគីថៃថានឹងយកសំណើលើកនេះ ពីភាគីកម្ពុជា រាយការណ៍ជូន និងការសម្រេចពីថ្នាក់ដឹកនាំរបស់ខ្លួនបន្តទៀត។
សូមបញ្ជាក់ថា នោះជាសំណើលើកទី៤ ហើយពិភាគ្សាជាមួយភាគីថៃទើបបានជោគជ័យ ដែលនាយប៉ុស្តីបានស្នើភាគីថៃ ដើម្បីធ្វើកាតជូនបងប្អូនខ្មែរចេញនិងចូល ព្រឹក ល្ងាច ដើម្បីចូលផ្សារុងក្លឿ ក្នុងបំណងបង្កលក្ខណៈងាយស្រួល ជូនប្រជាពលរដ្ឋកម្ពុជា ហើយគាំទ្រគោលនយោបាយកាត់បន្ថយភាពក្រីក្រ លើកកម្ពស់ជីវភាព និងផ្តល់សេវារដ្ឋបាល ជូនពលរដ្ឋផងដែរ៕
អត្ថបទ៖ វ៉ាន់ ណាង
-
ព័ត៌មានជាតិ១៨ ម៉ោង ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ១ សប្តាហ៍ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ៤ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានអន្ដរជាតិ១ សប្តាហ៍ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
កីឡា៤ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៣ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ១ សប្តាហ៍ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៦ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)