Connect with us

ព័ត៌មានជាតិ

ក្រុមប្រឹក្សាសន្ដិសុខធ្លាប់ព្រមានដក​ថៃចេញពីអង្គការសហប្រជាជាតិក្រោយ​ពីមិនទទួលស្គាល់សេចក្ដីសម្រេចរបស់ ICJ

បានផុស

នៅ

សមាជិកក្រុមប្រឹក្សាសន្ដិសុខដែលមាន​សហរដ្ឋអាមេរិក បារាំង អង់គ្លេស សហភាពសូវៀត ចិន ធ្លាប់ព្រមាន​ដក​ថៃ​ចេញពី​អង្គការ​សហប្រជាជាតិក្រោយ​ពីប្រទេស​នេះ​ប្រកាស​មិន​គោរព​យុត្តាធិការរបស់តុលាការយុត្តិធម៌អន្តរជាតិលើ​រឿ​ងក្ដីប្រាសាទព្រះវិហារកាលពី​ឆ្នាំ១៩៦២។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាម​និក្ខេបទ​បណ្ឌិតរបស់​លោកបណ្ឌិត​ យង់ ពៅ អំពីវិវាទ កម្ពុជា ថៃ (២០០៦-២០១២) លោបណ្ឌិតបាន​ឱ្យដឹង​ថា​ក្រោយពី​តុលាការយុត្ដិធម៌​អន្តរជាតិបានចេញសាលក្រមថាប្រាសាទព្រះវិហារស្ថិតក្នុងដែន​ដីកម្ពុជា​នៅ​ថ្ងៃទី១៥ ខែមិថុនា ឆ្នាំ១៩៦២ មួយថ្ងៃក្រោយមកសេនាប្រមុខ សារិត ថាណារ៉ាត នាយករដ្ឋមន្ត្រីថៃ​បានធ្វើសន្និសីទ​នៅព្រលានយន្ត​ហោះឈាងម៉ៃដោយច្រានចោលសេចក្ដីសម្រេច​នេះ និង​បញ្ជាក់ថា​ប្រទេសថៃនៅតែមានអធិបតេយ្យលើប្រាសាទព្រះវិហារដដែល និងបញ្ជាឱ្យកង​ទ័ព​ថៃត្រៀមចូលទៅទីតាំងប្រាសាទទៀតផង។

លោកបណ្ឌិតបានប្រាប់​មកកម្ពុជាថ្មី​ផងដែរថា៖ «កន្លែង​នេះចង់​បញ្ជាក់ថា​ប្រទេស​ថៃ​មិន​ទទួល​យក​សាលក្រម សាលដីការរបស់តុលាការយុត្តិធម៌អន្តរជាតិ ICJ នេះទេ គឺ​នៅ​បាន​បង្ហាញនូវភាពគឃ្លើន​ដោយអសីលធម៌ទៅលើច្បាប់អន្តរជាតិតែ​ទោះជាយ៉ាងណា​ក៏​ដោយ​ទាំងប្រទេស​បារាំង សហរដ្ឋអាមេរិក និងប្រទេស​មហាអំណាចមួយចំនួនទៀតមិន​សប្បាយចិត្ត​នឹងឥរិយាបថនយោបាយរបស់ថៃ​នោះទេ»។

បណ្ឌិត យង់ ពៅ

លោកបណ្ឌិតបន្ថែមថាពេល​នោះអន្តរជាតិបានព្រមានថៃ​ថា ប្រទេសនេះបានបង្ហាញអាកប្បកិរិយាអសីលធម៌ ហើយបើមិនគោរពសេចក្ដីសម្រេច​របស់តុលាការយុត្តិធម៌អន្តរជាតិនោះទេ សកម្មភាព​នេះវានឹង​បង្កឱ្យមាន​បញ្ហា​ក្នុងកិច្ចការ​អន្តរជាតិ រហូត​ដល់​ក្រុមប្រឹក្សាសន្ដិសុខ​ដែលមាន​ប្រទេស បារាំង អង់គ្លេស អាមេរិក សហភាពសូវៀត ចិន ព្រមានដកថៃចេញពីអង្គការសហប្រជាជាតិថែមទៀត។

លោកបណ្ឌិត យង់ ពៅ៖ «ប្រទេសមហាអំណាច​បានព្រមានដល់ប្រទេស​ថៃថា​នឹង​ត្រូវបញ្ឈប់ពីតួនាទីជាសមាជិកអង្គការសហប្រជាជាតិប្រសិនបើប្រទេស​ថៃមិនព្រមទទួលយក​នូវ​សាលក្រមរបស់តុលាការអន្តរជាតិបើ​មិន​ព្រមលះបង់ចោលនូវប្រាសាទព្រះវិហារ និងទឹកដីមួយចំនួនដែលខ្លួនកាន់កាប់ដោយខុសច្បាប់នោះទេ»។

នាយករដ្ឋមន្ត្រថៃលោក សារិត ថាណារ៉ាត់

ការព្រមាននេះហើយ​ទើបធ្វើឱ្យថៃសុខចិត្តប្រគល់ឱ្យខ្មែរ​វិញ​នូវ​ប្រាសាទព្រះវិហារ និង​គោរពនូវ​សេចក្ដីសម្រេច​របស់តុលាការយុត្តិធម៌អន្តរជាតិ នៅថ្ងៃទី២១ ខែ​មិថុនា ឆ្នាំ១៩៦២ ដោយសេនាប្រមុខ សារិត ថាណារ៉ាត់ បាន​ប្រកាស​ថា​ប្រទេស​លោក​លំអោនកាយ​ទទួលយក​សេចក្ដីសម្រេច​របស់តុលាការអន្តរជាតិដើម្បីគោរព​នូវ​កិច្ចសន្យារបស់ខ្លួនទៅនឹង​ធម្មនុញ្ញរបស់អង្គការសហប្រជាជាតិ។ ហើយនៅថ្ងៃទី៦ កក្កដា ឆ្នាំ១៩៦២ រដ្ឋមន្ត្រីការបរទេសថៃបានផ្ញើលិខិតទទួលស្គាល់នូវសាលក្រម​របស់តុលាការអន្តរជាតិទៅកាន់អគ្គលេខាធិការអង្គការសហប្រជាជាតិ។

លោកបណ្ឌិត យង់ ពៅ ទោះជាថៃ​ប្រកាស​ទទួលស្គាល់​សាលក្រមរបស់តុលាការក្ដីពួកគេ​នៅ​តែចិញ្ចឹមចិត្តក្នុងការ​បំពាន​លើ​ដី​ខ្មែរ​ដដែល​ដោយ​សំអាង​លើ​ផែន​ទី​ដែល​គូរ​ដោយ​ខ្លួនឯង។ លោកបណ្ឌិត បាន​ធ្វើ​សេចក្ដីសន្និដ្ឋានក្នុង​និក្ខេបទបណ្ឌិតរបស់លោកថាដើម្បី​ការពារពីការបំពាន​របស់ថៃ​កម្ពុជា​ត្រូវតែ​បង្កើន​នូវសមត្ថភាពយោធាឱ្យ​ខ្លាំងដើម្បីឆ្លើយតបភ្លាមៗទៅនឹងការបំពាន រួមជាមួយការប្រើប្រាស់ច្បាប់ និង​តុលាការអន្តរជាតិ ដើម្បី​ឱ្យ​អន្តរជាតិ​បាន​ឃើញ​នូវភាព​ព្រហើន​របស់​ថៃ និង​ចរិតវាតទីនិយម​របស់​ប្រទេស​នេះ។

លោកថា​ទោះ​បី​ជា​ថៃ​មិន​ព្រម​ទៅតតាំង​ក្ដី​ ICJ តែសាលក្រម​របស់តុលាការនេះពិតជាមានអំណាចដល់ប្រទេស​ដែលជាសមាជិកអង្គការសហប្រជាជាតិ​ទាំង​អស់ដែលថៃ​ត្រូវ​តែគោរព៕

អត្ដបទដោយ ហ៊ុន សិរីវឌ្ឍន៍

Helistar Cambodia - Helicopter Charter Services
Sokimex Investment Group
សន្តិសុខសង្គម៣៩ វិនាទី មុន

បុរសជនជាតិដើមភាគតិចម្នាក់ ត្រូវក្របីវាត់ធ្លាយពោះរងរបួសធ្ងន់បញ្ជូនទៅសង្គ្រោះដល់ប្រទេសវៀតណាម

ព័ត៌មានជាតិ៧ នាទីutes មុន

និស្សិតពេទ្យជិត ៦០០ នាក់ បន្ថែមទៀត បានចូលរួមជាសមាជិកក្រុមការងារ គ្រូពេទ្យស្ម័គ្រចិត្ត ឯកឧត្ដម ហ៊ុន ម៉ានី

ព័ត៌មានជាតិ១៥ នាទីutes មុន

កម្ពុជាបន្តបណ្ដេញជនជាតិវៀតណាម៤៥នាក់ទៀតចេញពីប្រទេស

ព័ត៌មានជាតិ២៣ នាទីutes មុន

ដាំ​ផ្លែទៀបស្វិតខ្មែរលើដី​​ចម្ការ​ជាង ៣​ ហិកតា ​រក​ចំណូល​បានពី ៦ ទៅ ៧ ពាន់ដុល្លារក្នុងមួយ​ឆ្នាំ

ព័ត៌មានអន្ដរជាតិ២៣ នាទីutes មុន

នយោបាយកំពុងវឹកវរ មហាសេដ្ឋីថៃណាខ្លះអាចក្ដោបតំណែងជាបុគ្គលមានទ្រព្យច្រើនជាងគេ

ព័ត៌មានអន្ដរជាតិ១ ម៉ោង មុន

ថៃ ថា មីនដែលទាហានខ្លួនជាន់ ទើបបង្កប់ថ្មីៗ ផ្ទុយពីការអះអាងរបស់ Boonsin Phadklang

សន្តិសុខសង្គម១៦ ម៉ោង មុន

ឪពុក​ចេញ​ទៅ​ផឹក​ស៊ី ទុក​ឱ្យ​ក្មេង​ៗនៅ​ក្នុង​ផ្ទះ​បង្ក​ជា​អគ្គិភ័យ ​សំណាង​សមត្ថកិច្ច​អន្តរាគមន៍​ជួយ​ទាន់​ពេល

ព័ត៌មានជាតិ២១ ម៉ោង មុន

សម្ដេចតេជោ សួរទៅនាយករដ្ឋមន្ត្រីស្ដីទីថៃថា លេបថ្នាំខុស បាត់ការចងចាំមែនទេ ទើបហ៊ាននិយាយថា ហ៊ុន សែន អត់តម្លៃទាំងដែលធ្លាប់រងចាំសម្ដេច៤ម៉ោង ដើម្បីអង្វរសុំចរចា?

ព័ត៌មានអន្ដរជាតិ៨ ម៉ោង មុន

ទាហានថៃ ៣នាក់ជាន់មីននៅព្រំដែនជាប់កម្ពុជា ក្នុងនោះម្នាក់របួសធ្ងន់ ដាច់ជើងម្ខាង

ព័ត៌មានអន្ដរជាតិ២៣ ម៉ោង មុន

ឥតខ្មាស! ថៃ ចោទកម្ពុជា ថា កំពុងលេងល្បិចបញ្ឆេះឲ្យផ្ទុះអាវុធ តែមិនចេះមើលទង្វើខ្លួនឯង

Sokha Hotels

ព័ត៌មានពេញនិយម