Connect with us

ព័ត៌មានជាតិ

កម្ពុជា មានសហគមន៍ និងអេកូទេសចរណ៍​សំខាន់ ៨៦កន្លែង

បានផុស

នៅ

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បច្ចុប្បន្នគោលដៅទេសចរណ៍សំខាន់ៗនៅកម្ពុជា មានចំនួន ៥៦០កន្លែងនៅទូទាំងប្រទេស ដែលកំពុងបម្រើដល់​វិស័យទេសចរណ៍។ នៅក្នុងនោះគោលដៅដែលជាសហគមន៍ និងអេកូទេសចរណ៍ មានប្រមាណ ៨៦កន្លែង។ ប៉ុន្តែក្រៅពីរមណីយដ្ឋានសំខាន់ៗដែលបានតក់ត្រានេះ នៅមានតំបន់ទេសចរណ៍ជាច្រើនកន្លែងទៀត ដូចជា តំបន់ទំនប់ទឹក ទីតាំងទឹកធ្លាក់ ទឹកជ្រោះ ជាដើម ដែលមិនទាន់បានរៀបចំ និងស្ថិតនៅក្នុងគម្រោងអភិវឌ្ឍន៍។ នេះជាការបញ្ជាក់របស់លោក ជុក ជំនោរ អ្នកនាំពាក្យក្រសួងទេសចរណ៍ ថ្លែងនៅសន្និសីទសារព័ត៌មាន ស្ដីពី «សមិទ្ធផលសម្រេចបានរយៈពេល ៥ឆ្នាំកន្លងមករបស់ក្រសួងទេសចរណ៍» នៅទីស្តីការគណៈរដ្ឋមន្រ្តី ព្រឹកថ្ងៃទី ៣០ ខែ កញ្ញា ឆ្នាំ ២០២២។

ចំណែកតំបន់អេកូទេសចរណ៍ ដែលមានសក្តានុពល និងស្រូបទាញទេសចរខ្លាំង មានបីទីតាំង នៅខេត្ត ពោធិ៍សាត់ កំពង់ស្ពឺ និងកោះកុង។ ខេត្តទាំងនេះ គឺជាតំបន់មុំបី ដែលទាក់ទាញទេសចរខ្លាំង។

លោក ជុក ជំនោរ បានឱ្យដឹងថា ខេត្តកំពង់ស្ពឺ មានតំបន់ភ្នំឱរ៉ាល់ ភ្ជាប់ទៅតំបន់ភ្នំខ្នងផ្សារ និងឆ្ពោះទៅខេត្តកោះកុង ដោយកាត់តាមជីផាត ហួសចូលដល់តំបន់អារ៉ែង ចូលដល់ខេត្តពោធិ៍ កាត់តាមអូសោម និងរមណីយដ្ឋានថ្មដា ជាដើម។ ក្រៅពីតំបន់ទាំងបីនេះ ខេត្តបាត់ដំបង និងព្រះវិហារ ក៏ជាតំបន់អេកូទេសចរណ៍ផងដែរ។

រាជរដ្ឋាភិបាល បានចាត់ទុកវិស័យទេសចរណ៍ គឺជាមាសបៃតង។ វិស័យនេះ បានចូលរួមចំណែកអភិវឌ្ឍសេដ្ឋកិច្ច សង្គម និងបរិស្ថាន តាមរយៈបង្កើតការងារជូនពលរដ្ឋ ការបង្កើតប្រាក់ចំណូលជាតិ ការជំរុញវិនិយោគ ការអភិរក្ស​សម្បត្តិវប្បធម៌ ការថែរក្សាធនធានធម្មជាតិ ឆ្លើយតបទៅនឹងបន្ស៊ាំអាកាសធាតុ និងការកាត់បន្ថយភាពក្រីក្រ ស្របតាមគោលការណ៍ អភិវឌ្ឍន៍ទេសចរណ៍កម្ពុជាប្រកបដោយបរិយាបន្ន និរន្តរភាព និងការទទួលខុសត្រូវ៕

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ១ ម៉ោង មុន

រដ្ឋមន្ត្រីក្រសួងសាធារណការ​ចេញយន្តការ ៥ ចំណុច ទប់ស្កាត់សកម្មភាពអនាធិបតេយ្យតាម​ដងផ្លូវ

សន្តិសុខសង្គម២ ម៉ោង មុន

អាវុធហត្ថខេត្តបាត់ដំបង ឃាត់ខ្លួនជនសង្ស័យ​២នាក់ ករណីប្រើប្រាស់ឯកសណ្ឋាន និងក្លែងបន្លំឯកសារកងទ័ព

ព័ត៌មានជាតិ២ ម៉ោង មុន

តំណាងកម្ពុជានៅ UN ជំរុញក្រុមប្រឹក្សាសន្តិសុខ ធ្វើការជិតស្និទ្ធជាមួយគ្រប់ភាគីជម្លោះ ដើម្បីស្តារទំនុកចិត្ត

ជីវិតកម្សាន្ដ២ ម៉ោង មុន

ម្ចាស់បទ “Smoke” ខឹងខ្លាំងដល់ថ្នាក់ប្ដឹងប៉ូលិសជួយរកយុត្តិធម៌ ក្រោយធ្លាយរូបអាក្រាតកាយ

ជីវិតកម្សាន្ដ២ ម៉ោង មុន

ស្ងាត់ៗ កូនប្រុសពៅកំពូលតារាចម្រៀង ព្រាប សុវត្ថិ ចុះកុងត្រាចូលផលិតកម្ម Galaxy

Sokha Hotels

ព័ត៌មានពេញនិយម