ព័ត៌មានជាតិ

កាត់តម្រឹមផ្កាលើសួនច្បារ និងកាត់លះមែកដើមឈើ ខណៈ កម្ពុជា នឹងធ្វើជាម្ចាស់ផ្ទះ នៃកិច្ចប្រជុំកំពូលអាស៊ាន

បានផុស

៤ years មុន

នៅ

ថ្ងៃព្រហស្បតិ៍ ២០ តុលា ២០២២

ដោយ

ដើម្បីលើកសោភ័ណភាពរាជធានីភ្នំពេញឲ្យកាន់តែមានភាពស្រស់ស្អាត និងទាក់ទាញ ខណៈប្រទេសកម្ពុជា នឹងត្រូវធ្វើជាម្ចាស់ផ្ទះ នៃកិច្ចប្រជុំកំពូលអាស៊ាន និងកិច្ចប្រជុំពាក់ព័ន្ធឆ្នាំ ២០២២ នេះ លោក ឃួង ស្រេង អភិបាលរាជធានីភ្នំពេញ បានយកចិត្តទុកដាក់ណាស់ លើការកែលម្អសោភ័ណភាពរាជធានីភ្នំពេញ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជាក់ស្ដែងពេលនេះ ការិយាល័យសួនច្បារ និងរុក្ខជាតិ នៃមន្ទីរសាធារណការ និងដឹកជញ្ជូនរាជធានីភ្នំពេញ បានកាត់តម្រឹមផ្កាលើសួនច្បារមិត្តភាពកម្ពុជា-ថៃ កាត់សំអាតស្មៅលើសួនច្បារស្តាតចាស់ បន្តរលះមែកដើមអំពិលបារាំងនៅមហាវិថីឈ្នះៗជាដើម។

ជាមួយគ្នានេះ លោក ឃួង ស្រេង បានណែនាំឲ្យមន្ទីរសាធារណការ និងដឹកជញ្ជូនរាជធានីភ្នំពេញធ្វើការតុបតែងសួនច្បារ បំពាក់អំពូលភ្លើង ផ្កាភ្ញី ជួសជុលផ្លូវជង្ហុកសំបុកមាន់ អ៊ុតកៅស៊ូកំណាត់ផ្លូវជាច្រើនខ្សែ ពិសេសផ្លូវពាក់ព័ន្ធដែលប្រតិភូឆ្លងកាត់។

គួរបញ្ជាក់ថា កិច្ចប្រជុំកំពូលអាស៊ាននេះ សម្រាប់ថ្ងៃទី ១០ វិច្ឆិកា គណៈប្រតិភូ នៃបណ្ដាប្រទេសមួយចំនួន នឹងអញ្ជើញមកដល់ កម្ពុជា នៅថ្ងៃទី ១១ វិច្ឆិកា ប្រតិភូ ប្រមុខរាជរដ្ឋាភិបាល មន្ត្រីពាក់ព័ន្ធអញ្ជើញដល់ហើយនៅថ្ងៃទី ១២ វិច្ឆិកា សម្ដេចតេជោ ហ៊ុន សែន នឹងអញ្ជើញបើកកិច្ចប្រជុំកំពូលអាស៊ាននេះ និងបន្តកិច្ចប្រជុំជាបន្តបន្ទាប់ដល់ថ្ងៃទី ១៣ វិច្ឆិកា៕

អត្ថបទ ៖ ស្រីរ័ត្ន