ព័ត៌មានជាតិ
សម្តេច ហ៊ុន សែន មើលឃើញថា សភា ជាស្ថាប័នមិនអាចខ្វះបាន ក្នុងការចូលរួមដោះស្រាយបញ្ហាស្មុគស្មាញក្នុងតំបន់ និងពិភពលោក
បច្ចុប្បន្ននេះ ទាំងនៅក្នុងតំបន់ និងពិភពលោក គឺកំពុងប្រឈមមុខនឹងបញ្ហាដ៏ស្មុគស្មាញដែលតម្រូវឲ្យមានការរួមគ្នាដោះស្រាយ។ សម្តេចតេជោ ហ៊ុន សែន នាយករដ្ឋមន្រ្តីនៃកម្ពុជា និងជាប្រធានអាស៊ាន បានមើលឃើញពីតួនាទីដ៏សំខាន់របស់ស្ថាប័នសភាក្នុងការចូលរួមដោះស្រាយបញ្ហាស្មុគស្មាញទាំងអស់នេះ។ សម្រាប់សម្តេចប្រធានអាស៊ាន គឺស្ថាប័នសភា ជាស្ថាប័នមិនអាចខ្វះបានឡើយ។
នៅក្នុងសន្ទរកថាគន្លឹះក្នុងកម្មវិធីបើកមហាសន្និបាតអន្តរសភាអាស៊ាន(AIPA)លើកទី៤៣ នាព្រឹកថ្ងៃចន្ទនេះ សម្តេចតេជោ ហ៊ុន សែន បានថ្លែងអះអាងថា៖«ក្នុងស្ថានភាពដែលពិភពលោកកំពុងប្រឈមនឹងបញ្ហាដ៏ស្មុគស្មាញជាច្រើននេះ ខ្ញុំសូមគូសបញ្ជាក់ថា អង្គការនីតិបញ្ញត្តិ ជាពិសេស គឺស្ថាប័នសភា ពិតជាមានតួនាទីសំខាន់ និងមិនអាចខ្វះបាន ក្នុងការចូលរួមចំណែកដោះស្រាយបញ្ហាតំបន់ និងសកល»។ ក្នុងសារតីនេះ សម្តេចតេជោ ហ៊ុន សែន យល់ថា ការប្រារព្ធមហាសន្និបាតអន្តរសភាអាស៊ានលើកទី៤៣នាពេលនេះ គឺជាឱកាសមួយដ៏កម្រសម្រាប់ឲ្យប្រតិភូអន្តរសភាអាស៊ាន(AIPA)ចូលរួមពិភាក្សាយ៉ាងទូលំទូលាយលើប្រធានបទរួម សំដៅពង្រឹងកិច្ចសហប្រតិបត្តិការជាធ្លុងមួយ និងរិះរកនូវអនុសាសន៍គោលនយោបាយ ជាពិសេស គោលជំហររួមគ្នា ដើម្បីជាឧត្តមប្រយោជន៍សម្រាប់ប្រជាជនទាំងអស់។
សូមជម្រាបជូនថា បញ្ហាស្មុគស្មាញដែលសម្តេចតេជោសំដៅដល់នេះ គឺរួមមាន បញ្ហាការប្រកួតប្រជែងភូមិសាស្រ្តនយោបាយ បញ្ហាសង្រ្គាម បញ្ហាការបែងចែកប៉ូលពាណិជ្ជកម្ម និងសេដ្ឋកិច្ច ការប្រែប្រួលអាកាសធាតុ និងបញ្ហាគ្រោះធម្មជាតិ។ បើតាមសម្តេចតេជោ បញ្ហាទាំងអស់នេះ មិនត្រឹមតែកំពុងគំរាមកំហែងយ៉ាងខ្លាំងដល់ជីវិតប្រជាជន និងសន្តិសុខសកលប៉ុណ្ណោះទេ ប៉ុន្តែ វាថែមទាំងបានបន្ទច់បង្អាក់ដល់ការងើបឡើងវិញនៃសេដ្ឋកិច្ចសកល រួមទាំង បង្កឲ្យមានការកើនឡើងនូវសម្ពាធអតិផរណា ការរាំងស្ទះខ្សែសង្វាក់ផ្គត់ផ្គង់ និងបញ្ហាអសន្តិសុខស្បៀង និងថាមពល ជាដើម។
ក្នុងបរិបទនេះ សម្តេចប្រធានអាស៊ាន បានគូសបញ្ជាក់ថា មហាសន្និបាតអន្តរសភាអាស៊ានលើកទី៤៣នៅពេលនេះក្រោមប្រធានបទ«បោះជំហ៊ានទៅមុខជាមួយគ្នា ដើម្បីចីរភាព បរិយាបន្ន និងភាពធន់របស់អាស៊ាន» គឺមានភាពពាក់ព័ន្ធ និងសមស្រប ដែលនឹងរួមចំណែកបំផុសស្មារតីទទួលខុសត្រូវរួម ក្នុងការឆ្លើយតបទាន់ពេល ស្របទៅនឹងសភាពការណ៍វិវឌ្ឍន៍របស់តំបន់ និងសកល ព្រមទាំង ពន្លឿនការស្តារសង្គម-សេដ្ឋកិច្ចអាស៊ានឡើងវិញឆ្ពោះទៅវិបុលភាពរួម៕
ដោយ៖ វណ្ណ សុគន្ធា
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៣ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៦ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៤ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ