ព័ត៌មានជាតិ
អ្នកនាំពាក្យឆ្លើយតបការលើកឡើងរបស់អ្នកបើកបរថា ផ្លូវល្បឿនលឿនភ្នំពេញ-ព្រះសីហនុមានទឹករលក
កាលពីពេលកន្លងទៅថ្មីៗនេះ មានអ្នកបើកបរតាមផ្លូវល្បឿនភ្នំពេញ-ខេត្តព្រះសីហនុមួយចំនួនបានលើកឡើងថា ផ្លូវល្បឿនលឿននៅចំណុចមួយចំនួនជិតក្រុងព្រះសីហនុមានមានទឹករលកដែលនាំឲ្យពិបាកដល់ការបើកបរ។
លោក ហ៊ាង សុទ្ធាយុត្តិ អ្នកនាំពាក្យក្រសួងសាធារណការ និងដឹកជញ្ជូនមានប្រសាសន៍ថា ផ្លូវល្បឿនលឿនភ្នំពេញ-ព្រះសីហនុគឺមានភាគីក្រុមហ៊ុនជាអ្នកគ្រប់គ្រងដោយធ្វើទៅតាមកិច្ចសន្យាដែលត្រូវធ្វើការពិនិត្យ និងចុះថែទាំជាប្រចាំ។
លោក ហ៊ាង សុទ្ធាយុត្តិ បញ្ជាក់ប្រាប់កម្ពុជាថ្មីនៅថ្ងៃទី ២១ ខែធ្នូនេះថា ត្រង់ចំណុចដែលបានរាយការណ៍មកនេះ យើងបែងចែកជាពីរទី១ គឺជាទម្រង់នៃផ្លូវដែលមានភាពបត់បែនឡើងចុះ ដោយសារសណ្ឋានដីមិនអាចធ្វើឲ្យត្រង់បានទេ មានន័យថាយើងត្រូតែបត់បែនទៅតាមនោះ គ្រាន់តែនៅចំណុចនោះ យើងបានកំណត់នូវល្បឿន១ (ព្រោះល្បឿននៅលើផ្លូវល្បឿនលឿនពី ៦០ ទៅ ១២០)។
ប៉ុន្តែមិនមែនគ្រប់កន្លែងត្រូវតែបើក ១២០ នោះទេ កន្លែងណាដែលមានភាពបត់បែនគឺសញ្ញាបញ្ជាក់ទៅលើល្បឿនគឺមានកំណត់ទៅតាមហ្នឹងដែរដើម្បីធានាកុំឲ្យមានបញ្ហាគ្រោះថ្នាក់ចរាចរណ៍។
លោក ហ៊ាង សុទ្ធាយុត្តិ បញ្ជាក់ថា «ផ្លូវហ្នឹងការស្ថាបនាមានការមិនសូវបានល្អកន្លែងនេះ ក្រុមហ៊ុននឹងធ្វើការពិនិត្យដើម្បីធ្វើការកែសម្រួលឲ្យបានល្អ។ កន្លងមកក៏មានដែរចំណុចណាដែលមានការខ្វះខាតក្រុមហ៊ុនក៏បានធ្វើការជួសជុលជាបន្តបន្ទាប់ ប៉ុន្តែលោកអះអាងថាវាមិនមែនជារឿងធំដុំនោះទេ»។
ជាមួយគ្នានេះលោក ហ៊ាង សុទ្ធាយុត្តិ ស្នើឲ្យប្រជាពលរដ្ឋក៏ដូចជាសារព័ត៌មាន ប្រសិនបើឃើញចំណុចណាមួយជាក់លាក់ដែលមានបញ្ហាខូច ឬស្រុត ហើយមិនមានវិធានការសូមបញ្ជូនមកក្រសួងសារធារណការនោះក្រសួងនឹងបញ្ជូនទៅភាគីក្រុមហ៊ុនឲ្យធ្វើការដោះស្រាយបន្ទាន់ដើម្បីធានាសុវត្ថិភាពជូនបងប្អូនប្រជាពលរដ្ឋ៕
អត្ថបទ៖ ឡេង ដេត
-
ព័ត៌មានជាតិ១៣ ម៉ោង ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ១ សប្តាហ៍ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ៣ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានអន្ដរជាតិ១ សប្តាហ៍ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
កីឡា៤ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៣ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ៧ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៦ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)