ព័ត៌មានជាតិ
សម្ដេចតេជោ ៖ កិច្ចការអាទិភាពរបស់ប្រទេសកំពុងអភិវឌ្ឍ គឺការស្ដារ និងជំរុញសកម្មភាពសេដ្ឋកិច្ច និងពាណិជ្ជកម្ម ឲ្យរស់រវើកឡើងវិញ
សម្ដេចតេជោ ហ៊ុន សែន នាយករដ្ឋមន្ត្រីនៃកម្ពុជា បានលើកឡើងថា កិច្ចការជាអាទិភាពរបស់ប្រទេសកំពុងអភិវឌ្ឍ ដើម្បីកសាងអនាគតប្រកបដោយវិបុលភាព គឺការស្ដារ និងជំរុញចលនាសកម្មភាពសេដ្ឋកិច្ច និងពាណិជ្ជកម្មអន្តរជាតិ ឲ្យមានភាពរលូន និងរស់រវើកឡើងវិញ។
ការលើកឡើងខាងនេះ គ្រាដែលសម្ដេចតេជោ ហ៊ុន សែន បានអញ្ជើញថ្លែងសុន្ទរកថាគន្លឹៈ ក្នុងកិច្ចប្រជុំកំពូល ស្តីពី សំឡេងនៃបណ្តាប្រទេសខាងត្បូង ដែលមានជាង ១២០ប្រទេសចូលរួម តាមរយៈប្រព័ន្ធវីដេអូ កាលពីព្រឹកថ្ងៃទី ១២ ខែមករានេះ។
សម្ដេចតេជោ ហ៊ុន សែន បានថ្លែងថា បណ្ដាប្រទេសខាងត្បូង គឺជាជនរងគ្រោះ មិនមែនអ្នកបង្កបញ្ហានោះឡើយ ហើយសម្ដេច សង្ឃឹមថា សំឡេងនៃប្រទេសខាងត្បូង នឹងត្រូវបានលេចឡើងនៅឆ្នាំ ២០២៣ និងបណ្ដាឆ្នាំបន្តបន្ទាប់ទៀត។ ជាមួយគ្នានេះ សម្ដេចតេជោ ហ៊ុន សែន បានកត់សម្គាល់ថា បច្ចុប្បន្នបញ្ហាក្ដៅគគុក និងនិន្នាការអវិជ្ជមានជាច្រើន បានកើតឡើងជាបន្តបន្ទាប់ ទាំងក្នុងទិដ្ឋភាពសុខភាពសាធារណៈ សង្គម សេដ្ឋកិច្ច និងភូមិសាស្រ្ដនយោបាយ។
ជាក់ស្ដែង ការរីករាលដាលនៃជំងឺកូវីដ-១៩ មិនទាន់បិទបញ្ចប់ទាំងស្រុងនៅឡើយ, ការប្រកួតប្រជែងរវាងប្រទេសមហាអំណាច, ផលប៉ះពាល់បណ្ដាលមកពីសង្រ្គាមពាណិជ្ជកម្ម, ការលេចឡើងកាន់តែច្បាស់នូវការបែងចែកជាប្លុក, និន្នាការគាំពារនិយម, ការបន្តអូសបន្លាយនៃសង្រ្គាមរវាងរុស្ស៊ី និងអ៊ុយក្រែន, ការកើនឡើងនៃអតិផរណា, ការកើនឡើងនូវបំណុលសាធារណៈ, ការបែកខ្ញែកនៃច្រវ៉ាក់ផ្គត់ផ្គង់សកល និងការប្រែប្រួលអាកាសធាតុ។ បញ្ហានេះទាំងនេះ បាននិងកំពុងបន្តុចបង្អាក់នូវកិច្ចខិតខំស្ដារ និងអភិវឌ្ឍប្រទេសជាតិ របស់ប្រទេសកំពុងអភិវឌ្ឍ។
សម្ដេចតេជោ ហ៊ុន សែន បានបន្ថែមថា «ជាមួយនឹងបញ្ហាប្រឈមខាងលើ កិច្ចការអាទិភាពរបស់យើង ដើម្បីកសាងអនាគតប្រកបដោយវិបុលភាព គឺការស្ដារ និងជំរុញចលនាសកម្មភាពសេដ្ឋកិច្ច និងពាណិជ្ជកម្មអន្តរជាតិ ឲ្យមានភាពរលូន និងរស់រវើកឡើងវិញ តាមរយៈការពន្លឿនការសមាហរណកម្ម និងការតភ្ជាប់ច្រវ៉ាក់ផ្គត់ផ្គង់ ការពង្រឹងប្រព័ន្ធពាណិជ្ជកម្ម ពហុភាគី ពហុភាគីនិយម និងការពន្លឿននូវការធ្វើបដិវត្តកម្មឌីជីថល ដែលជាប្រភពកំណើតថ្មី ប្រកបដោយថាមពល»។
បើតាមសម្ដេចតេជោ ហ៊ុន សែន ក្នុងស្មារតីនេះ ការពង្រឹងកិច្ចសហប្រតិបត្តិការឲ្យកាន់តែស៊ីជម្រៅ និងពេញលេញរវាងប្រទេសខាងត្បូង ប្រទេសដៃគូ និងប្រទេសអភិវឌ្ឍ ទាំងក្នុងក្របខណ្ឌតំបន់ និងក្រៅតំបន់ ព្រមទាំងស្ថាប័នអន្តរជាតិនានា គឺជាយន្ដការដ៏ចាំបាច់ ដើម្បីស្វែងរកយុទ្ធសាស្រ្ដឈ្នះឈ្នះ និងទាញប្រយោជន៍ជាអតិប្បរមា អំពីការវិវត្តនៃសង្គមសេដ្ឋកិច្ចថ្មីៗ៕
-
ព័ត៌មានជាតិ៦ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៦ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ចរាចរណ៍២ ថ្ងៃ ago
បឋម៖ រថភ្លើងបុករថយន្ដក្រុងដឹកអ្នកដំណើររបួសច្រើននាក់
-
ព័ត៌មានជាតិ១១ ម៉ោង ago
មន្ត្រីរាជការ កងកម្លាំងប្រដាប់អាវុធ ពាក់ព័ន្ធការទន្ទ្រានយកដីរដ្ឋ នឹងត្រូវបញ្ចប់តួនាទី
-
ព័ត៌មានអន្ដរជាតិ៧ ម៉ោង ago
កម្ពុជា ជាមេកន្ទ្រាញគ្រងលើអត្រាស្ទុះងើបឡើងវិញនៃវិស័យទេសចរណ៍ខ្ពស់ជាងគេនៅអាស៊ាន
-
ព័ត៌មានជាតិ៧ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
ព័ត៌មានជាតិ៧ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
សេដ្ឋកិច្ច១ សប្តាហ៍ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ