ព័ត៌មានជាតិ
ខេត្តកំពង់ធំកាន់តែលេចធ្លោ ក្រោយគម្រោងផ្លូវស្ពានធំៗបញ្ចប់រួចរាល់
ខេត្តកំពង់ធំនឹងទទួលបានការអភិវឌ្ឍបន្ថែមទៀត ក្រោយគម្រោងអភិវឌ្ឍហេដ្ឋារចនាសម្ពន្ធសម្ព័ន្ធធំៗនឹងលេចរូបរាងក្នុងពេលខាងមុខនេះ។
លោក ងួន រតនៈ អភិបាលនៃគណៈអភិបាលខេត្តកំពង់ធំបានថ្លែងនៅក្នុងសន្និសីទជោគជ័យរយៈពេល ៥ ឆ្នាំ របស់រដ្ឋបាលខេត្តកាលពីម្សិលមិញនេះថា ខេត្តកំពង់ធំមានទីតាំងស្ថិតនៅចំកណ្តាលប្រទេស និងមានភូមិសាស្រ្តជាប់ខេត្តចំនួន ៧ រួមមាន ខេត្តព្រះវិហារ ស្ទឹងត្រែង ក្រចេះ កំពង់ឆ្នាំង កំពង់ចាម ពោធិ៍សាត់ និងខេត្តសៀមរាប។
បើតាមលោកអភិបាល តាមរយៈគម្រោងតភ្ជាប់ហេដ្ឋរចនាសម្ព័ន្ធធំៗ នឹងនាំការរីកចម្រើនបន្ថែមទៀតដល់ខេត្តកំពង់ធំ។
លោកអភិបាលខេត្តបានបញ្ជាក់ថា មានស្ពានពីរផ្លូវពីរស្ថិតនៅគម្រោងសាងសង់តភ្ជាប់មកខេត្តកំពង់ធំ។ នៅចំពោះមុខរដ្ឋាភិបាលកំពុងសាងសង់ស្ពានឆ្លងកាត់ទន្លេនៅខេត្តក្រចេះ ដែលគម្រោងនេះក៏រួមបញ្ចូលទាំងការសាងសង់ផ្លូវតភ្ជាប់មកខេត្តកំពង់ធំ។ ជាមួយគ្នានេះការវិនិយោគដ៏ធំមួយទៀតគឺគម្រោងសាងសង់ផ្លូវនិងស្ពានពីខេត្តកំពង់ឆ្នាំងមកខេត្តកំពង់ធំ ក៏ស្ថិតនៅក្នុងផែនការមេរបស់រដ្ឋាភិបាល។
លោកបញ្ជាក់យ៉ាងដូច្នេះថា តាមរយៈប្រព័ន្ធដឹកជញ្ជូនតភ្ជាប់ពីខេត្តមួយទៅខេត្តមួយ នឹងរុញការអភិវឌ្ឍទាំងផ្នែកសង្គម និងសេដ្ឋកិច្ចសម្រាប់ខេត្តកំពង់ធំ។
បច្ចុប្បន្នខេត្តកំពង់ធំមានផ្លូវជាតិសំខាន់ៗចំនួន ០៥ ឆ្លងកាត់គឺ ផ្លូវជាតិលេខ ៦ មានប្រវែង ១៤៤គ.ម ផ្លូវជាតិលេខ ៦២ ប្រវែង ៣៦គ.ម ផ្លូវជាតិលេខ ៧១ ប្រវែង ១៥គ.ម ផ្លូវជាតិលេខ៥០C ប្រវែង១៩គ.ម និងផ្លូវជាតិលេខ៦០B ប្រវែង ៧៤គ.ម។ កំណាត់ផ្លូវខេត្តក្រាលកៅស៊ូមានចំនួន ១២ខ្សែ ប្រវែងសរុប ២០០គ.ម ។
ដោយឡែកកការអភិវឌ្ឍផ្លូវលំជនបទមានចំនួន ១.១០៨ខ្សែ ក្នុងនោះក្នុងរយៈពេល ៥ ឆ្នាំ បានសាងសង់ ជួសជុល និងថែទាំបានចំនួន ៧៧ ខ្សែ និងកែលម្អទៅជាផ្លូវកម្រាលកៅស៊ូបានចំនួន ១០ ខ្សែ៕
ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ
កសិករចិញ្ចឹមគោបាយជិត ៣០០ក្បាល ផ្ដាំកសិករផ្សេងឱ្យងាកមកចិញ្ចឹមគោប្រភេទនេះ ព្រោះងាយស្រួលចិញ្ចឹម
១៧ ខេត្តក្នុងចំណោម ២៥ រាជធានីខេត្ត បញ្ចប់ចុះតាមដានការអនុវត្តយានយន្តកែច្នៃខុសលក្ខណៈបច្ចេកទេស
អ៊ីស្រាអែលសម្លាប់មនុស្សជិត ៩០០នាក់ ចាប់តាំងពីលែងអនុវត្តបទឈប់បាញ់នៅតំបន់ហ្គាហ្សា
វេទិកា JASTIP របស់ជប៉ុននឹងជួយកម្ពស់វិស័យវិទ្យាសាស្ត្រ បច្ចេកវិទ្យា និងនវានុវត្តន៍នៅកម្ពុជា
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
ការខូចខាតបឋម ព្រោះគ្រោះរញ្ជួយដីដ៏ខ្លាំងក្លាដែលវាយប្រហារអាស៊ីអាគ្នេយ៍
នាយករដ្ឋមន្ត្រីថៃ ដាក់ចេញបទបញ្ជាបន្ទាន់ដើម្បីគ្រប់គ្រង់គ្រោះរញ្ជួយដី
របាយការណ៍ចុងក្រោយបំផុតអំពីការបំផ្លិចបំផ្លាញ និងរងគ្រោះ ព្រោះការរញ្ជួយដីនៅអាស៊ីអាគ្នេយ៍
-
ព័ត៌មានអន្ដរជាតិ២០ ម៉ោង agoកម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម២ ថ្ងៃ agoករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៤ ថ្ងៃ agoរដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ១ ថ្ងៃ agoបងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៤ ថ្ងៃ agoសត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៥ ថ្ងៃ agoពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
ព័ត៌មានអន្ដរជាតិ៣ ថ្ងៃ agoតើជោគវាសនារបស់នាយករដ្ឋមន្ត្រីថៃ «ផែថងថាន» នឹងទៅជាយ៉ាងណាក្នុងការបោះឆ្នោតដកសេចក្តីទុកចិត្តនៅថ្ងៃនេះ?
-
សន្តិសុខសង្គម១៩ ម៉ោង agoការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ