ព័ត៌មានជាតិ

តម្លៃស្រូវខេត្តកំពង់ធំហក់ដល់តម្លៃ ១០៥០ រៀល

បានផុស

៣ years មុន

នៅ

ថ្ងៃអង្គារ ១៤ កុម្ភៈ ២០២៣

ដោយ

បើតាមការអះអាងរបស់លោក ងួន រតនៈ អភិបាលខេត្តកំពង់ធំ តម្លៃស្រូវក្នុងខេត្តកំពង់ធំឆ្នាំនេះបានហក់ឡើងខ្ពស់ បើប្រៀបធៀបប៉ុន្មានឆ្នាំកន្លងទៅ។

ថ្លែងក្នុងសន្និសីទជោគជ័យរយៈពេល ៥ ឆ្នាំ របស់រដ្ឋបាលខេត្តនៅព្រឹកនេះ លោក ងួន រតនៈ បានបញ្ជាក់ថា តម្លៃស្រូវបានហក់ឡើងតម្លៃ ១០៥០ រៀល ខណៈប៉ុន្មានឆ្នាំមុនៗតម្លៃបានត្រឹម ៨០០ រៀល។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បើតាមលោកអភិបាលខេត្ត ក្រៅពីដំណាំស្រូវដែលតម្លៃហក់ឡើងខ្ពស់ ខណៈទិន្នផលក៏បានច្រើនផងដែរនៅឆ្នាំនេះ។

បើតាមរបាយការណ៍ពីមន្ទីរកសិកម្ម ខេត្តកំពង់ធំមានផ្ទៃដីដាំដុះស្រូវសរុបចំនួន ២៥៣ ៣០០ហ.ត ហើយទិន្នផលជាមធ្យម ៤តោន/ហិកតា។ ខេត្តអាចផលិតស្រូវក្នុងរង្វង់ ៦០-៧០ ម៉ឺនតោនក្នុងមួយឆ្នាំ ដែលអាចបំពេញតម្រូវការស្បៀងបានគ្រប់គ្រាន់ និងនៅសល់ស្រូវសម្រាប់នាំចេញប្រមាណ ៥០ម៉ឺនតោន។

ក្រៅពីដំណាំស្រូវ ខេត្តក៏មានដាំដុះដំណាំកសិឧស្សាហកម្មដូចជា កៅស៊ូ ស្វាយចន្ទី ដំឡូងមី ស្វាយកែវរមៀត ម្រេច និងតាង៉ែន។ ខេត្តមានឡសម្ងួតស្រូវចំនួន ៣០ឡ ដែលមានសមត្ថភាពសម្ងួតបាន ៣ តោន/ម៉ោង។ ជាមួយគ្នានេះក៏មានរោងចក្រកែច្នៃជ័រកៅស៊ូចំនួន ០៨ រោងម៉ាស៊ីនកែច្នៃគ្រាប់ស្វាយចន្ទី ០៤ កន្លែង និងម៉ាស៊ីនសម្ងួត ២៣ កន្លែង៕