ព័ត៌មានជាតិ
ខេត្តកំពង់ធំជាប់លេខ ១ ទូទាំងប្រទេស ផ្តល់សេវាសាធារណៈច្រើនជាងគេ
ក្នុងសន្និសីទសារព័ត៌មានស្តីពី «ភាពជោគជ័យរយៈពេល ៥ ឆ្នាំ របស់រដ្ឋបាលខេត្តកំពង់ធំ» នាព្រឹកថ្ងៃទី១៤ ខែកុម្ភៈនេះ លោក ងួន រតនៈ អភិបាលនៃគណៈអភិបាលខេត្តកំពង់ធំបានអះអាងថា បន្ទាប់ពីរដ្ឋបាលខេត្តបានដាក់ឱ្យដំណើរការអង្គភាពច្រកចេញចូលតែមួយរយៈពេល ២ ឆ្នាំចុងក្រោយ ខេត្តកំពង់ធំទទួលបានចំណាត់ថ្នាក់លេខ ១ ជាខេត្តផ្ដល់សេវាសាធារណៈបានច្រើនជាងគេទូទាំងប្រទេស។
ថ្លែងក្នុងឱកាសនោះ លោក ងួន រតនៈ បានមានប្រសាសន៍ថា ចំពោះកម្មវិធីកំណែទម្រង់ ខេត្តបានទទួលមុខងារក៏ដូចជាការប្រតិភូកម្មលើ ១៤ វិស័យរបស់ស្ថាប័នពាក់ព័ន្ធ។
លោកអភិបាលខេត្តបានបញ្ជាក់ថា មកទល់បច្ចុប្បន្ននេះរដ្ឋបាលខេត្តបានរៀបចំដាក់ដំណើរការអង្គភាពច្រកចេញចូលតែមួយខេត្ត និងការិយាល័យច្រកចេញចូលតែមួយបានគ្រប់ក្រុង/ស្រុក រហូតដល់ថ្នាក់ ឃុំ/សង្កាត់។ អ្វីដែលជាចំណុចគួរឱ្យសម្គាល់បំផុត គឺខេត្តកំពង់ធំទទួលបានចំណាត់ថ្នាក់លេខ ១ ជាខេត្តដែលបានផ្តល់សេវាសាធារណៈដល់ប្រជាពលរដ្ឋបានច្រើនជាងគេនៅក្នុងប្រទេស ក្នុងរយៈពេល ២ ឆ្នាំចុងក្រោយនេះ។
ក្នុងរយៈពេល ៥ ឆ្នាំកន្លងមកនេះ អង្គភាពច្រកចេញចូលតែមួយរបស់រដ្ឋបាលខេត្ត បានផ្ដល់សេវាដល់ប្រជាពលរដ្ឋនៅក្នុងខេត្តសរុបចំនួន ១៩៨.៦៥៨ សេវា ស្មើថវិកាចំនួន ៨.៥៣៧.១៣០.៤៥៧រៀល។ បើតាមលោកអភិបាល ចំណុចដែលនាំឱ្យរដ្ឋបាលខេត្តអាចទទួលបានចំណាត់ថ្នាក់លេខ ១ ក្នុងពេល ២ឆ្នាំចុងក្រោយ ក៏ព្រោះមន្ត្រីរាជការទាំងអស់របស់ខេត្តបានខិតខំប្រឹងប្រែងអនុវត្តបានយ៉ាងល្អនូវនីតិវិធី គោលការណ៍នានា ដែលក្រសួងមហាផ្ទៃព្រមទាំងក្រសួងស្ថាប័នបានដាក់ចេញ ពិសេសទាក់ទងបរិបទការងារ ដែលអាចឱ្យប្រជាពលរដ្ឋមានការចូលរួមបានយ៉ាងច្រើនជាមួយសេវាច្រកចេញតែមួយរបស់ខេត្ត៕
ដោយ៖ ថារី
ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ
កសិករចិញ្ចឹមគោបាយជិត ៣០០ក្បាល ផ្ដាំកសិករផ្សេងឱ្យងាកមកចិញ្ចឹមគោប្រភេទនេះ ព្រោះងាយស្រួលចិញ្ចឹម
១៧ ខេត្តក្នុងចំណោម ២៥ រាជធានីខេត្ត បញ្ចប់ចុះតាមដានការអនុវត្តយានយន្តកែច្នៃខុសលក្ខណៈបច្ចេកទេស
អ៊ីស្រាអែលសម្លាប់មនុស្សជិត ៩០០នាក់ ចាប់តាំងពីលែងអនុវត្តបទឈប់បាញ់នៅតំបន់ហ្គាហ្សា
វេទិកា JASTIP របស់ជប៉ុននឹងជួយកម្ពស់វិស័យវិទ្យាសាស្ត្រ បច្ចេកវិទ្យា និងនវានុវត្តន៍នៅកម្ពុជា
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
ការខូចខាតបឋម ព្រោះគ្រោះរញ្ជួយដីដ៏ខ្លាំងក្លាដែលវាយប្រហារអាស៊ីអាគ្នេយ៍
នាយករដ្ឋមន្ត្រីថៃ ដាក់ចេញបទបញ្ជាបន្ទាន់ដើម្បីគ្រប់គ្រង់គ្រោះរញ្ជួយដី
របាយការណ៍ចុងក្រោយបំផុតអំពីការបំផ្លិចបំផ្លាញ និងរងគ្រោះ ព្រោះការរញ្ជួយដីនៅអាស៊ីអាគ្នេយ៍
-
ព័ត៌មានអន្ដរជាតិ២០ ម៉ោង agoកម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
ព័ត៌មានអន្ដរជាតិ៤ ថ្ងៃ agoរដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
សន្តិសុខសង្គម២ ថ្ងៃ agoករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានជាតិ១ ថ្ងៃ agoបងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៤ ថ្ងៃ agoសត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៥ ថ្ងៃ agoពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
ព័ត៌មានអន្ដរជាតិ៣ ថ្ងៃ agoតើជោគវាសនារបស់នាយករដ្ឋមន្ត្រីថៃ «ផែថងថាន» នឹងទៅជាយ៉ាងណាក្នុងការបោះឆ្នោតដកសេចក្តីទុកចិត្តនៅថ្ងៃនេះ?
-
សន្តិសុខសង្គម១៩ ម៉ោង agoការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ