Connect with us

ព័ត៌មានជាតិ

រដ្ឋបាល​ខេត្ត​បន្ទាយមានជ័យ ទទួល​បាន​សៀវភៅ “​កូនប្រុស​ច្បង​ដ៏​មាន​ឥទ្ធិពល​” និង​សៀវភៅ​សម្តេច​តេ​ជោ សម្តេច​កិត្តិ​ព្រឹទ្ធ​បណ្ឌិត សរុប​ចំនួន ៥០៥ ច្បាប់

បានផុស

នៅ

បន្ទាយមានជ័យ ៖ ព្រឹក ថ្ងៃទី​២៩ ខែមីនា ឆ្នាំ​២០២៣​នេះ លោក​ពៅ សុខ ទីប្រឹក្សា​ផ្ទាល់​សម្តេច​តេជោ ហ៊ុន សែន លោក មែ ស៊ីថុន ប្រធាន​សមាគម​អតីត​សិស្ស​និស្សិត​នៅ​កម្ពុជា ព្រមទាំង​ក្រុមការងារ​បាន​នាំយក​នូវ​សៀវភៅ​សរុប​ចំនួន ៥០៥​ក្បាល ប្រគល់​ជូន​រដ្ឋបាលខេត្ត​បន្ទាយមានជ័យ​អ្នកទទួលយក លោក លី​សុ វណ្ណា រិ​ទ្ធ អភិបាលរង​ខេត្តបន្ទាយមានជ័យ លោក គឹ​ង វ​ណ្ណាះ អភិបាលរង​ខេត្តបន្ទាយមានជ័យ និង​មន្ត្រី​រដ្ឋបាលខេត្ត​ជាច្រើន​នាក់​ទៀត​។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក ពៅ បាន​មាន​ប្រសាសន៍​ថា ​សៀវភៅ​ចំនួន ៥០៥​ក្បាល ប្រគល់​ជូន​រដ្ឋបាលខេត្ត​បន្ទាយមានជ័យ​នោះ​មាន មាន​សៀវភៅ កូនប្រុស​ច្បង​ដ៏​មាន​ឥទ្ធិពល សៀវភៅ អ្នក​យុទ្ធសាស្ត្រ​វ័យក្មេង​នៅ​អាស៊ី សៀវភៅ​ទឹកចិត្ត​អ្នក​ជួយសង្គ្រោះ សៀវភៅ សម្តេច ហ៊ុន សែន ៣​យន្ត ការ​ឈ្នះ​កូ​វីដ​-១៩ សៀវភៅ​សម្តេច ហ៊ុន សែន កំពូល​ស្ថាបនិក បិតា​សន្តិភាព​របស់​ក​ម្ពុ​ជា និង​សៀវភៅ វីរបុរស ០៧១​ផងដែរ​។

ក្នុងឱកាស​នោះ លោក លី សុវណ្ណ​រិ​ទ្ធ បាន​សម្តែង​នូវ​សេចក្តី​រីករាយ និង​ថ្លែងអំណរគុណ​យ៉ាង​ជ្រាលជ្រៅ​បំផុត​ចំពោះ ឯកឧត្តម ពៅ សុខ ទីប្រឹក្សា​ផ្ទាល់​សម្តេច​តេ​ជោ ហ៊ុន សែន លោក មែ ស៊ីថុន ប្រធាន​សមាគម​អតីត​សិស្ស​-​និស្សិត​នៅ​កម្ពុជា ព្រមទាំង​ក្រុមការងារ​ទាំងអស់ ដែល​បានផ្តល់​សៀវភៅ​បែប​ប្រវត្តិសាស្ត្រ​ដ៏​មានតម្លៃ​នេះ​ជូន​រដ្ឋបាល​ខត្ត​។

លោក លី សុវណ្ណ​រិ​ទ្ធ​បាន​មានប្រសាសន៍​បន្ត​ថា ការ​ផ្តល់​សៀវភៅ​ដ៏​មានតម្លៃ ប្រកបដោយ​ខ្លឹមសារ និង​អត្ថន័យ​នៅពេលនេះ គឺ​ពិត​ជាមាន​សារៈសំខាន់​ខ្លាំងណាស់ ហើយ​យើងខ្ញុំ​នឹង​នាំយក សៀវភៅ​ប្រកបដោយ​គុណ​តម្លៃ​នេះ​ទៅ​ចែកជូន​ដល់​មន្ត្រី​រដ្ឋបាលខេត្ត រដ្ឋបាល​ក្រុង​ស្រុក និង​បណ្ណាល័យ នៃ​វិទ្យាល័យ​ទូទាំង​ខេត្ត​  ដើម្បី​ជា​មូលដ្ឋាន​ឲ្យ​ពួកគាត់​កាន់តែ​ឈ្វេងយល់​កាន់តែច្បាស់​អំពី​ប្រវត្តិសាស្ត្រ​ពិត ស្នាដៃ ឬ​សមិទ្ធផល​របស់​សម្តេច​តេ​ជោ សម្តេច​កិត្តិ​ព្រឹទ្ធ​បណ្ឌិត និង​ឲ្យ​កាន់តែ​យល់ច្បាស់​អំពី​តួអង្គ​ជា បេក្ខភាព​នាយករដ្ឋមន្ត្រី បន្តវេន​នាពេល​អនាគត​ផងដែរ។

លោក ហុក សុផល ក៏បាន​យក​ឱកាស​នោះ​គោរព​ថ្លែងអំណរគុណ និង​ដឹងគុណ​ដ៏​ជ្រាលជ្រៅ​ជាទីបំផុត​ចំពោះ សម្ដេច​តេ​ជោ ហ៊ុន សែន នាយករដ្ឋមន្ត្រី សម្តេច​កិត្តិ​ព្រឹទ្ធ​បណ្ឌិត ប៊ុន រ៉ានី ហ៊ុនសែន ប្រធាន​កាកបាទក្រហមកម្ពុជា និង ឯកឧត្តម​បណ្ឌិត ហ៊ុន ម៉ា​ណែ​ត ដែល​បានផ្ដល់​ឯកសារ និង​បទ​សម្ភាស​ន៏​ដល់​ក្រុមការងារ​ចងក្រង​សៀវភៅ រហូត​ក្រុមការងារ​អាច​ចងក្រង​បានជា​សៀវភៅ​ប្រវត្តិសាស្ត្រ​ដ៏​មាន​សារៈសំខាន់​ទាំងនេះ​ទុក​សម្រាប់​ជា​កេ​រ្ដិ៍​មរតក​ដល់​កូនចៅ​ខ្មែរ​ត​គ្រប់ៗ​ជំនាន់​តរៀង​ទៅ​។

ជាមួយគ្នា​នោះដែរ លោក មែ ស៊ីថុន អនុប្រធាន​ក្រុមការងារ​សៀវភៅ និង​ជា​ប្រធាន​សមាគម​អតីត​សិស្ស​-​និស្សិត​នៅ​កម្ពុជា បានលើកឡើង​អំពី​គោលការណ៍ បេសកកម្ម និង​ចក្ខុវិស័យ​របស់​សមាគម ដោយ​ចូលរួម​លើកស្ទួយ​វិស័យ​អប់រំ និង​ការពារ​គុណភាព​បរិស្ថាន​នៅ​កម្ពុជា។

​លោក បាន​បន្ត​ទៀត​ថា សមាគម​បាន​ធ្វើ​សកម្មភាព​បេសកកម្ម​របស់ខ្លួន​ទូទាំង​ខេត្ត ហើយ​លោក​ប្រធាន​បាន​បន្ត​ថា សមាគម​បំណង​ចង់​ពង្រីក​វិសាលភាព​ការងារ និង​បេសកកម្ម​របស់ខ្លួន​ឲ្យ​បាន​ទូទាំងប្រទេស​នាពេល​អនាគត​ផងដែរ។

លោក ពៅ សុខ ប្រធាន​ក្រុមការងារ​សៀវភៅ បាន​លើក​ឡើង​បន្ត​ទៀត​ថា ការរៀបចំ​ចងក្រង​ជា​សៀវភៅ​ខាងលើ​នេះ គឺ​ដើម្បី​តម្កល់​ទុកជា​ឯកសារ សម្រាប់​ប្រជាពលរដ្ឋ​ទូទៅ និង​យុវជន​ជំនាន់​ក្រោយ​បាន​សិក្សា​ឈ្វេងយល់​អំពី​ប្រវត្តិសាស្ត្រ និង​សមិទ្ធផល​ពិត​របស់​ថ្នាក់ដឹកនាំ។ លោក​បាន​បន្ត​ថា សៀវភៅ “​កូនប្រុស​ច្បង​ដ៏​មាន​ឥទ្ធិពល​” បង្ហាញ​ពី​វីរភាព និង​គុណបំណាច់​របស់ ឯកឧត្តម​បណ្ឌិត​  ហ៊ុន ម៉ា​ណែ​ត ដែល​បាន​លះបង់​ពេលវេលា កម្លាំងកាយ​ចិត្ត ប្រាជ្ញា​ស្មារតី និង​អ្វីៗ​ទាំងអស់ ចំពោះ​ជាតិ សាសនា ព្រះមហាក្សត្រ ជាពិសេស​ក្នុង​យុទ្ធនាការ​ប្រយុទ្ធប្រឆាំង​កូ​វីដ​១៩ នាពេល​កន្លងមក។

លោក​បាន​បញ្ជាក់​ថា សៀវភៅ “​កូនប្រុស​ច្បង​ដ៏​មាន​ឥទ្ធិពល​” នឹង​ផ្តល់ជូន​រដ្ឋបាល​រាជធានី​ខេត្ត​ទាំង ២៥ និង​បណ្ណាល័យ នៃ​វិទ្យាល័យ​ទូទាំងប្រទេស​ផងដែរ ។ លោក​បាន​បន្ត​ថា ខេត្ត​ចំនួន ១៥​ដែល​បានទទួល​សៀវភៅ​រួចរាល់ ហើយ​ខេត្ត​ចំនួន​៤​ទៀត​គឺ ខេត្ត ឧ​ត្ត​រ​មានជ័យ ខេត្ត ព្រះវិហារ ខេត្តសៀមរាប និង​ខេត្តកំពង់ធំ​ទទួលបាន​នៅ​ថ្ងៃទី​២៩-៣០​ខែមីនា ឆ្នាំ​២០២៣ ខាងមុខ​នេះហើយ​៕

ដោយ ៖ វ៉ាន់ ណា​ង

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានអន្ដរជាតិ១ ម៉ោង មុន

សហរដ្ឋអាមេរិកនិយាយថា ករណីវាយប្រហារនៅសាលប្រគំតន្ត្រី Crocus City Hall គឺជាការអាម៉ាស់របស់រុស្ស៊ី

ព័ត៌មានជាតិ៣ ម៉ោង មុន

អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា

ព័ត៌មានជាតិ៤ ម៉ោង មុន

ក្រសួង​ការងារ​នាំ​យក​ប្រាក់​ឈ្នួល និង​ប្រាក់​បំណាច់​ជូន​កម្មករ​រោងចក្រ Y&W ដែល​កំពុង​សម្រាលកូន​ដល់​មន្ទីរពេទ្យ

ព័ត៌មានជាតិ៦ ម៉ោង មុន

ទីតាំងចែកចាយនំបាយក្តាំង និងគ្រឿងសមុទ្របង្កក៣ទីតាំង ត្រូវបានរកឃើញថា គ្មានស្តង់ដារបច្ចេកទេសត្រឹមត្រូវ

ព័ត៌មានជាតិ៦ ម៉ោង មុន

ប្រាង្គអាយុកាលពាន់ឆ្នាំ លើកំពូលភ្នំដងរែក កំពុងចែងចាំង អួតអ្នកទេសចរ អំឡុងព្រឹត្តិការណ៍សមរាត្រី

ព័ត៌មានអន្ដរជាតិ៣ ថ្ងៃ មុន

Breaking News! បណ្ដាញសង្គម Facebook មានបញ្ហានៅទូទាំងពិភព​លោកជាថ្មី

កីឡា៤ ថ្ងៃ មុន

ជើងឯកម៉ុងហ្គោលី Erdene​ អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត

ព័ត៌មានជាតិ៣ ម៉ោង មុន

អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា

ជីវិតកម្សាន្ដ២ ថ្ងៃ មុន

ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»

ព័ត៌មានជាតិ៦ ថ្ងៃ មុន

សម្តេច​​​ ហ៊ុន សែន ​៖​ ហេតុ​អ្វី​បាន​ជា​មក​ដល់​ពេល​នេះ​ហើយ​មាន​មន្ត្រី​យើង​ប្រព្រឹត្ត​បែប​នេះ​ ដោយ​ពាក់​ស្បែក​ជើង​ចូល​ក្នុង​ព្រះ​វិហារ?

Sokha Hotels

ព័ត៌មានពេញនិយម