ព័ត៌មានជាតិ

ខេត្តសៀមរាបមានប្រាសាទជាង ៧០០ រាប់ទាំងប្រាសាទនៅតំបន់រមណីយដ្ឋានអង្គរ

បានផុស

៣ years មុន

នៅ

ថ្ងៃចន្ទ ១០ មេសា ២០២៣

ដោយ

តាមការបញ្ជាក់របស់អភិបាលខេត្តសៀមរាប នៅក្នុងខេត្តសៀមរាបមានប្រាសាទបុរាណជាង ៧០០ ដោយរាប់បញ្ចូលទាំងប្រាសាទជាង ១០០ នៅតំបន់រមណីយដ្ឋានអង្គរ។

លើកឡើងនៅក្នុងសន្និសីទពីជោគជ័យរបស់រដ្ឋបាលខេត្តសៀមរាបកាលពីថ្ងៃ ២៩ មីនា ឆ្នាំ ២០២៣ លោក ទៀ សីហាអភិបាលនៃគណៈអភិបាលខេត្តសៀមរាបបានបញ្ជាក់ថា ទូទាំងខេត្តសៀមរាបមានប្រាសាទជាង ៧០០ ប្រាសាទ ក្នុងនោះនៅក្នុងតំបន់រមណីយដ្ឋានអង្គរមានជាង ១០០ ប្រាសាទ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកអភិបាលខេត្តបានបញ្ជាក់ថា តួលេខអាចមានការកើនឡើងបន្ថែមទៀត ខណៈបើតាមការស្រាវជ្រាវអាចនឹងមានប្រាសាទមួយចំនួនទៀតដែលមិនទាន់បានស្រាវជ្រាវនិងកត់ត្រានៅឡើយ។

បច្ចុប្បន្នការទស្សនាប្រាសាទអង្គរ គឺជាមូលហេតុចម្បងតែមួយរបស់ភ្ញៀវទេសចរដែលមកកាន់ខេត្តសៀមរាប។ រដ្ឋាភិបាលបានដាក់ផែនការមេអភិវឌ្ឍន៍ខេត្តសៀមរាបឆ្នាំ ២០២១-២០៣៥ ជាគោលដៅទេសចរណ៍ដោយឈរលើគោលការណ៍ការអភិរក្ស កិច្ចគាំពារសម្បត្តិបេតិកភណ្ឌ វប្បធម៌ និងបរិស្ថានធម្មជាតិ។

ផែនការជាយុទ្ធសាស្រ្តនេះ គឺគោលដៅដើម្បីបង្កើនភាពទាក់ទាញនៃខេត្តសៀមរាបទាំងមូល ដែលលើសពីការទស្សនាប្រាសាទ ដោយត្រូវផ្សាភ្ជាប់ជាមួយការពង្រីកបន្ថែមនូវសកម្មភាព និងព្រឹត្តិការណ៍កម្សាន្តនានា ដើម្បីបង្កើនភាពភាពទាក់ទាញដល់ភ្ញៀវទេសចរ បង្កើនរយៈពេលស្នាក់នៅក៏ដូចជាបង្កើនការចំណាយច្រើនជាងមុន ដើម្បីបានជាប្រយោជន៍ដល់ប្រជាពលរដ្ឋក្នុងខេត្តសៀមរាប និងប្រទេសកម្ពុជា៕