ព័ត៌មានជាតិ
មន្ត្រីជំនាញសុខាភិបាលអំពាវនាវឲ្យប្រយ័ត្នចំពោះជំងឺឆ្លង៧មុខដែលកើតញឹកញាប់ក្នុងរដូវភ្លៀង
មន្ត្រីជំនាញក្រសួងសុខាភិបាលបានធ្វើការអំពាវនាវដល់ប្រជាពលរដ្ឋឱ្យមានការប្រុងប្រយ័ត្នចំពោះជំងឺឆ្លង៧មុខដែលតែងតែកើតញឹកញាប់នៅក្នុងរដូវភ្លៀង។
លោកវេជ្ជបណ្ឌិត លី សូវ៉ាន់ ប្រធាននាយកដ្ឋានប្រយុទ្ធនឹងជំងឺឆ្លងនៃក្រសួងសុខាភិបាល និងជាអ្នកនាំពាក្យក្រសួង
សុខាភិបាលបានមានប្រសាសន៍នៅព្រឹកថ្ងៃទី១៣កក្កដានេះថា ជំងឺ៧មុខដែលតែងតែកើតឡើងនៅក្នុងរដូវភ្លៀងនេះរួមមាន ជំងឺគ្រុនឈាម គ្រុនចាញ់ ជំងឺគ្រុនផ្តាសាយ ជំងឺគ្រុនក្តៅ ជំងឺចម្លងពីចំណីអាហារ ជំងឺចម្លងពីទឹក ជំងឺអាសន្នរោគនិងជំងឺលិបតូដែលឆ្លងពីទឹកនោមសត្វកណ្តុរធ្វើឲ្យអ្នកជំងឺខូចតម្រង់នោម ថ្លើម រលាកស្រោមខួរ និងវិបត្តិដង្ហើម។
លោកវេជ្ជបណ្ឌិតបានណែនាំឱ្យប្រជាពលរដ្ឋត្រូវរក្សាអាវភ្លៀងឆ័ត្រ និងស្បែកជើងលុយទឹក ងួតទឹកក្រោយពីត្រូវទឹកភ្លៀង បរិភោគទឹកក្តៅអន់ៗ ទឹកស៊ុបក្តៅៗ អនាម័យខ្លួនប្រាណ បរិភោគចំណីអាហារណាដែលមានមានអនាម័យ និងមានជីវជាតិដូចជា វីតាមីនសេដែលមាន នៅក្នុងផ្លែត្របែក ល្ហុងទុំ ចេកទុំ ក្រូចពោធិ៍សាត់ និងបន្ថែពណ៌បៃតងចាស់ដូចជាផ្ទីស្លឹកងប់ ស្លឹកបាស់ ខាត់ណា សណ្តែកគួ និងប៉េងប៉ោះជាដើម។
លោកវេជ្ជបណ្ឌិតបានបន្ថែមថា ចំពោះអ្នកជំងឺផ្តាសាយធំត្រូវពាក់ម៉ាសឬយកក្រម៉ា ឬកន្សែងខ្ទប់មាត់ពេលក្អកឬកណ្តាស
ត្រូវបរិភោគទឹកយ៉ាងតិច២លីត្រក្នុង១ថ្ងៃដោយមិនត្រូវរងចាំរហូតដល់ស្រេកទឹកឡើយ និងត្រូវឧស្សាហ៍លាងដៃជាមួយនិងសាប៊ូនិងទឹកដើម្បីជៀសវាងការចម្លងជំងឺទៅសមាជិកគ្រួសារនិងអ្នកដ៏ទៃនិងហាមក្អកដាក់បាតដៃព្រោះវាអាចឆ្លងទៅអ្នកដ៏ទៃទៀតបានតាមរយៈការចាប់ដៃឬចាប់របស់ផ្សេងៗ។
លោកវេជ្ជបណ្ឌិតបានបញ្ជាក់ទៀតថា ជាងនេះទៅទៀតត្រូវចូលរួមលុបបំបាត់ដង្កូវទឹក និងជម្រកសត្វមូសខ្លាដូចជាសំបកកង់ សំបកកង់ឡានត្រឡោកដូងនិងវត្ថុដែលអាចដក់ទឹកបានដើម្បីការពារកុមារពីជំងឺគ្រុនឈាម។ លោកវេជ្ជបណ្ឌិតបានណែនាំដល់ប្រជាពលរដ្ឋត្រូវបន្តពាក់ម៉ាសនៅកន្លែងប្រមូលផ្តុំនិងកន្លែងបិទជិតនិងឧស្សាហ៍លាងដៃជាមួយអាកុលនិងសាប៊ូជាមួយទឹកដើម្បីបង្ការការពារជំងឺកូវីដ១៩ផងដែរបើទោះបីជាកម្ពុជាមិនមានរកឃើញករណីឆ្លងជំងឺកូវីដ១៩ថ្មីច្រើនក៏ដោយ។
យោងតាមសេចក្ដីជូនដំណឹងរបស់ក្រសួងធនធានទឹក និងឧតុនិយមបានឱ្យដឹងថា កម្ពុជា នឹងមានភ្លៀងធ្លាក់លាយឡំផ្គររន្ទះនិងខ្យល់កន្ត្រាក់ចាប់ពីថ្ងៃទី១២ ដល់១៨ ខែកក្ដដាខាងមុខ៕
អត្ថបទ៖ សំអឿន
-
ជីវិតកម្សាន្ដ៣ ថ្ងៃ ago
អាយដល G-Devith ក៏ឈ្នះរង្វាន់ដែរ ឈ្នះ ១លានរៀល ពី វឌ្ឍនៈ ឡាហ្គឺរ៉េដ
-
ជីវិតកម្សាន្ដ៦ ថ្ងៃ ago
ពេជ្រ ចរណៃ រក្សាបានរាង និងសម្រស់ស្អាត មិនចាញ់តារាបរទេស
-
ព័ត៌មានជាតិ៣ ថ្ងៃ ago
ស្គាល់អត្តសញ្ញាណយោធិន១៥រូប ចំណោមអ្នកស្លាប់២០រូប ក្នុងហេតុការណ៍ផ្ទុះឃ្លាំងគ្រាប់នៅកំពង់ស្ពឺ
-
ព័ត៌មានជាតិ១ សប្តាហ៍ ago
កម្ពុជានឹងធ្លាក់ភ្លៀង ៤០% នាដើមរដូវវស្សាឆ្នាំនេះ ខណៈក្រសួងប្រកាសឱ្យប្រុងប្រយ័ត្នបាតុភូត ផ្គរ រន្ទះ និងខ្យល់កន្ត្រាក់
-
ព័ត៌មានជាតិ៣ ថ្ងៃ ago
សម្ដេចធិបតី ឧបត្ថម្ភជូនគ្រួសារយោធិនដែលស្លាប់មួយគ្រួសារ៨០លានរៀល ឯអ្នករងរបួស២០លានរៀល
-
សេចក្ដីជូនដំណឹង១ សប្តាហ៍ ago
អ្នកឧកញ៉ា ឡេង ណាវ៉ាត្រា បញ្ជាក់ច្បាស់ៗការដោះដូរ ផ្ទះយកដី គឺសម្រាប់តែអតិថិជនស្ម័គ្រចិត្ត ដែលពួកគាត់មានតម្រូវការចាំបាច់ចំណែកគម្រោង បុរី នៅតែប្រកាន់គោលជំហរបញ្ចប់ការដោះស្រាយជូនអតិថិជនទាំងស្រុងដដែល
-
ព័ត៌មានជាតិ៦ ថ្ងៃ ago
អតីតប្រធានអង្គការភូមិកុមារ SOS ធ្លាប់ជួយកុមារលើពិភពលោកជិត៣ទសវត្សរ៍ បានទទួលមរណភាព
-
ព័ត៌មានអន្ដរជាតិ៤ ថ្ងៃ ago
ជប៉ុន នឹងធ្វើរនាំងកម្ពស់២ម៉ែត្រកន្លះបាំងទេសចរមិនឲ្យមើលឃើញទេសភាពភ្នំហ្វូជី