សន្តិសុខសង្គម
ឡាវគ្រោងបើកទំនប់ទឹកសាយ៉ាប៊ូរី មិនទាន់ជាក្ដីបារម្ភសម្រាប់កម្ពុជា
ប្រតិបត្តិករវារីអគ្គិសនីសាយ៉ាប៊ូរី (Xayaburi) នៅក្នុងប្រទេសឡាវបានប្រកាសថា នឹងបើកទំនប់រំដោះទឹកចេញ ដោយសារតែភ្លៀងធ្លាក់ខ្លាំងជាបន្តបន្ទាប់ក្នុងប្រទេសឡាវនាំឲ្យទឹកទំនប់ សាយ៉ាប៊ូរី មានការកើនឡើង។
លោក ចាន់ យុត្ថា រដ្ឋលេខាធិការ និងជាអ្នកនាំពាក្យក្រសួងធនធានទឹក និងឧតុនិយម បានប្រាប់ឱ្យដឹងនៅថ្ងៃទី ១១ ខែសីហា ឆ្នាំ ២០២៣ថា ក្រសួងកំពុងតាមដាន និងផ្ដល់ព័ត៌មានជាបន្តបន្ទាប់ ថាតើឡាវបើកទឹកក្នុងកម្រិតណា ខណៈទំនប់សាយ៉ាប៊ូរីនៅឆ្ងាយពីកម្ពុជាជាង ១ ពាន់គីឡូម៉ែត្រ ហើយពលដ្ឋកុំទាន់បារម្ភ។
លោក ចាន់ យុត្ថា មានប្រសាសន៍ថា៖ «ពីសាយ៉ាប៊ូរីមកដល់ស្ទឹងត្រែងជាង ១ ពាន់គីឡូ ទម្រាំមកដល់យើង អាចរយៈពេល ១០ ថ្ងៃ ហើយនៅខាងក្រោមទំនប់ក៏មានទំនប់និងអាងទឹកមួយចំនួនដែរ កុំព្រួយបារម្ភពេក»។
មន្ត្រីរដ្ឋលេខាធិការូបនេះ បញ្ជាក់ថា នៅក្នុងក្របខណ្ឌរបស់គណៈកម្មការទន្លេមេគង្គ ក៏យើងមានកិច្ចសហការគ្នា ថាតើគាត់បើកក្នុងបរិមាណប៉ុន្មានដើម្បីរំដោះទឹកចេញពីទំនប់របស់គាត់។
ប៉ុន្តែលោកក៏បញ្ជាក់ថា ប្រសិនបើក្នុងករណីទឹកមានការកើនឡើង ឱ្យពលរដ្ឋតាមដាននូវការព្យាករណ៍អំពីកម្រិតកម្ពស់ទឹករបស់ក្រសួងធនធានទឹក ដែលចេញផ្សាយជារៀងរាល់ថ្ងៃ។ ហើយថា ប្រសិនបើទឹកហក់ឡើងខ្លាំងក្រសួងក៏ជម្រាបជូនឱ្យបាន ៣ ថ្ងៃមុនដែរ ប៉ុន្តែបច្ចុប្បន្នមិនបារម្ភទេ គ្រាដែលកម្ពស់ទឹកទន្លេនៅទាបនៅឡើយ។
តាមការព្យាករណ៍របស់ក្រសួងធនធានទឹក និងឧតុនិយមចេញផ្សាយនៅថ្ងៃទី ១១ ខែសីហានេះ បង្ហាញថា ទន្លេមេគង្គ-ស្ទឹងត្រែងទឹកមានកម្ពស់ ៧,៦៨ ម៉ែត្រ ខណៈកម្រិតប្រកាសឱ្យប្រុងប្រយ័ត្ន កម្ពស់ ១០,៧០ ម៉ែត្រ។ ទន្លេមមេគង្គ-ក្រចេះ ទឹកមានកម្ពស់ ១៧,៣៣ ម៉ែត្រ ខណៈកម្រិតកម្ពស់ប្រុងប្រយ័ត្ន ២២ ម៉ែត្រ។
ទន្លេមេគង្គ-កំពង់ចាម ១១ ម៉ែត្រ ខណៈកម្ពស់ប្រុងប្រយ័ត្ន ១៥ ម៉ែត្រ និងទន្លេមេគង្គ ចតុមុខ ទឹកមានកម្ពស់ ៦,៥៩ ម៉ែត្រ ខណៈកម្ពស់ប្រុងប្រយ័ត្ន ១០,៥០ ម៉ែត្រ៕
-
ព័ត៌មានជាតិ១៧ ម៉ោង ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ១ សប្តាហ៍ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ៤ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានអន្ដរជាតិ១ សប្តាហ៍ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
កីឡា៤ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៣ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ១ សប្តាហ៍ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៦ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)