ព័ត៌មានជាតិ
អតីតអភិបាលរាជធានី-ខេត្ត ៤ រូប មានឈ្មោះជាប្រធានគណៈកម្មការជំនាញទាំង ៤ នៅរដ្ឋសភា
រដ្ឋសភាជាតិបានបង្ហាញពីសមាសភាពប្រធានគណៈកម្មការជំនាញទាំង ១០ សម្រាប់រដ្ឋសភានីតិកាលទី ៧។
ក្នុងចំណោមឥស្សរជនទាំង ១០ ដែលទទួលតំណែងជាប្រធានគណៈកម្មការជំនាញក្នុងរដ្ឋសភាក្នុងនីតិកាលទី ៧ ក៏មានអតីតអភិបាលរាជធានីខេត្តចំនួន ៤ ដែលទទួលតួនាទីដឹកនាំក្នុងគណៈកម្មការជំនាញ ៤ ផ្សេងគ្នា។
លោក កែប ជុតិមា
លោក កែប ជុតិមា ទទួលមុខតំណែងជាប្រធានគណៈកម្មការមហាផ្ទៃ ការពារជាតិ និងមុខងារសាធារណៈនៃរដ្ឋសភា។លោកកែប ជុតិមា គឺជាអតីតអភិបាលខេត្តរតនគីរីពីឆ្នាំ១៩៩៥ ដល់ ១៩៩៩ មុនផ្លាស់មកដឹកនាំជាអភិបាលរាជធានីភ្នំពេញជំនួសលោក ជា សុផារ៉ា ពីឆ្នាំ ២០០៣ ដល់២០១៣។ ក្រៅពីជាប្រធានគណៈកម្មការមហាផ្ទៃ ការពារជាតិ និងមុខងារសាធារណៈនៃរដ្ឋសភា លោកក៏ជាតំណាងរាស្រ្តនៅមណ្ឌលរាជធានីភ្នំពេញ។
លោក សរ ចំរុង
លោក សរ ចំរុង ជាប្រធានគណៈកម្មការសិទ្ធិមនុស្ស ទទួលពាក្យបណ្តឹង អង្កេត ទំនាក់ទំនងរដ្ឋសភា ព្រឹទ្ធសភា។
លោកជាអតីតអភិបាលខេត្តក្រចេះ។ មុនទទួលបានការតែងតាំងជាអភិបាលខេត្តក្រចេះនៅឆ្នាំ ២០១២ ជំនួសលោក ខាំ ភឿន លោកជាអតីតអភិបាលរងខេត្តបន្ទាយមានជ័យ។
លោក សរ ចំរុង ត្រូវបានផ្លាស់ប្តូរចេញពីតំណែងអភិបាលខេត្តក្រចេះកាលពីថ្ងៃទី២៦ ខែមេសា ឆ្នាំ២០១៨ ជំនួសវិញដោយលោក វ៉ា ថន ដែលជាអភិបាលរងខេត្ត។ ការផ្លាស់ប្តូរនេះ ដោយសារលោកសរ ចំរុង ដល់អាយុត្រូវចូលនិវត្តន៍។
លោក ឡូយ សូផាត
លោក ឡូយ សូផាត ជាប្រធានគណៈកម្មការផែនការ វិនិយោគ កសិកម្ម អភិវឌ្ឍន៍ជនបទ បរិស្ថាន និងធនធានទឹក។ លោកជាអតីតអភិបាលខេត្តស្ទឹងត្រែង និងបច្ចុប្បន្នក៏ជាតំណាងរាស្រ្តមណ្ឌលខេត្តស្ទឹងត្រែងផងដែរ។
លោក ប៉ា សុជាតិវង្ស
លោក ប៉ា សុជាតិវង្ស ប្រធានគណៈកម្មការ អប់រំ យុវជន កីឡា ធម្មការ កិច្ចការសាសនា វប្បធម៌ និងទេសចរណ៍។
លោក ប៉ា សុជាតិវង្ស ធ្លាប់ត្រូវបានដំឡើងឋានៈជាប្រធានគណៈកម្មការទី១ នៃរដ្ឋសភាអាណត្តិទី ៦ ប៉ុន្តែក្រោយមកលោកបានលាលែងពីតំណែងតំណាងរាស្រ្ត និងប្រធានគណៈកម្មការនេះ ដើម្បីមកកាន់តំណែងជាប្រធានក្រុមប្រឹក្សារាជធានីភ្នំពេញ។ លោកក៏ធ្លាប់ជាអភិបាលរាជធានីភ្នំពេញចាប់ពីឆ្នាំ២០១៣ ដល់ឆ្នាំ២០១៧ បន្តពីលោកកែប ជុតិមា។
គួរបញ្ជាក់ថា នាសម័យប្រជុំរដ្ឋសភាលើកទី ១ នីតិកាលទី ៧ កាលពីថ្ងៃ ២២ សីហា ឆ្នាំ ២០២៣ បានបោះឆ្នោតជ្រើសតាំងប្រធាន អនុប្រធានរដ្ឋសភា ប្រធាន អនុប្រធានគណៈកម្មការជំនាញទាំងអស់នៃរដ្ឋសភា។
ការបោះឆ្នោតអនុម័តដោយលើកដៃ បានជ្រើសបានសមាសភាពប្រធាន អនុប្រធានរដ្ឋសភា ប្រធាន អនុប្រធានគណៈកម្មការជំនាញទាំងអស់នៃរដ្ឋសភា ដោយទទួលបានសំឡេងយល់ព្រមចំនួន ១២៣ សំឡេង នៃចំនួនសមាជិកទាំងមូល។
សមាសភាពប្រធាន អនុប្រធានរដ្ឋសភា និងប្រធាន អនុប្រធានគណៈកម្មការជំនាញទាំងអស់នៃរដ្ឋសភាមានដូចតទៅ៖
១- ប្រធានរដ្ឋសភា៖ សម្តេចកិត្តិសង្គហបណ្ឌិត ឃួន សុដារី
២- អនុប្រធានទី១ រដ្ឋសភា៖ លោកកិត្តិសេដ្ឋាបណ្ឌិត ជាម យៀប
៣- អនុប្រធានទី២ រដ្ឋសភា៖ លោក វង សូត
ដោយឡែកគណៈកម្មការជំនាញទាំង ១០ មាន៖
១- គណៈកម្មការសិទ្ធិមនុស្ស ទទួលពាក្យបណ្តឹង អង្កេត និងទំនាក់ទំនងរដ្ឋសភា ព្រឹទ្ធសភា
-ប្រធាន៖ លោក សរ ចំរុង
-អនុប្រធាន៖ លោក សម តារា
២- គណៈកម្មការសេដ្ឋកិច្ច ហិរញ្ញវត្ថុ ធនាគារ និងសវនកម្ម
-ប្រធាន៖ លោក ឈាង វុន
-អនុប្រធាន៖ លោក ឡោក ហ៊ួរ
៣- គណៈកម្មការផែនការ វិនិយោគ កសិកម្ម អភិវឌ្ឍន៍ជនបទ បរិស្ថាន និងធនធានទឹក
-ប្រធាន៖ លោក ឡូយ សុផាត
-អនុប្រធាន៖ លោក ម៉ា ឈឿន
៤- គណៈកម្មការមហាផ្ទៃ ការពារជាតិ មុខងារសាធារណៈ
-ប្រធាន៖ លោក កែប ជុតិមា
-អនុប្រធាន៖ លោក ច័ន្ទ សុផល
៥- គណៈកម្មការកិច្ចការបរទេស សហប្រតិបត្តិការអន្តរជាតិ ឃោសនាការ និងព័ត៌មាន
-ប្រធាន៖ លោក សួស យ៉ារ៉ា
-អនុប្រធាន៖ លោក នឹម ច័ន្ទតារា
៦- គណៈកម្មការនីតិកម្ម និងយុត្តិធម៌
-ប្រធាន៖ លោក អង្គ វង្សវឌ្ឍនា
-អនុប្រធាន៖ លោកជំទាវ គ្រួច សំអាន
៧- គណៈកម្មការអប់រំ យុវជន កីឡា ធម្មការ កិច្ចការសាសនា វប្បធម៌ និងទេសចរណ៍
-ប្រធាន៖ លោក ប៉ា សុជាតិវង្ស
-អនុប្រធាន៖ លោកជំទាវ ខេង សំវ៉ាដា
៨- គណៈកម្មការសុខាភិបាល សង្គមកិច្ច អតីតយុទ្ធជន យុវនីតិសម្បទា ការងារបណ្តុះ បណ្តាលវិជ្ជាជីវៈ និងកិច្ចការនារី
-ប្រធាន៖ លោកជំទាវ ឡោក ខេង
-អនុប្រធាន៖ លោក សោម ចិន
៩- គណៈកម្មការសាធារណការ ដឹកជញ្ជូន ទូរគមនាគមន៍ ប្រៃសណីយ៍ ឧស្សាហកម្ម រ៉ែ ថាមពល ពាណិជ្ជកម្ម រៀបចំដែនដី នគរូបនីយកម្ម និងសំណង់
-ប្រធាន៖ លោកជំទាវ និន សាផុន
-អនុប្រធាន៖ លោក លី ឆេង
១០ -គណៈកម្មការអង្កេត បោសសំអាត និងប្រឆាំងអំពើពុករលួយ
-ប្រធាន៖ លោក ប៉ែន ស៊ីម៉ន
-អនុប្រធាន៖ លោក កែវ វីរៈ
នាយកដ្ឋានពេទ្យការងារ សហការជាមួយវិទ្យាស្ថានជាតិការងារ រៀបចំទស្សនកិច្ចសិក្សា ក្រោមប្រធានបទ «មូលដ្ឋានគ្រឹះសុវត្ថិភាព និងសុខភាពការងារ»
សហព័ន្ធតេក្វាន់ដូ ITF ប្រកាសពីការប្រកួតជើងឯកអាស៊ីអាគ្នេយ៍ ចាប់ពីថ្ងៃស្អែកនេះទៅហើយ
អាជ្ញាធរខេត្តព្រះវិហារ ដុតកម្ទេចចោលដូងក្រអូប១៥០០គីឡូក្រាម ដែលលួចនាំចេញពីថៃ ឆ្លងកាត់ប្រទេសឡាវចូលមកកម្ពុជាដោយខុសច្បាប់
ក្រុមហ៊ុនផលិតគ្រឿងអគ្គិសនីម៉ាក Haier ចុះ MOU ជាមួយក្រុមហ៊ុន SAM SN GROUP របស់អ្នកឧកញ៉ា សំ សុខនឿន ដំឡើងរោងចក្របង្គំម៉ាក Haier និងតំបន់ឧស្សាហកម្មបៃតងទំនើបនៅកម្ពុជា
នាយករដ្ឋមន្ត្រីជំរុញ SME ធានាដល់ការផ្គត់ផ្គង់ទីផ្សារក្នុងស្រុក
បេក្ខជននាយករដ្ឋមន្ត្រីទី៣នៃបក្សភឿថៃ បានត្រៀមខ្លួនរួចរាល់ ចំពេលវិបត្តិនយោបាយ
សម្តេចតេជោ ថាមូលហេតុទម្លាយលោក ថាក់ ស៊ីន សម្តែងធ្វើឈឺ ដោយសារគ្រួសារគាត់ក្បត់សម្តេចមុន
រញ្ជួយដីកម្រិតស្រាល៩ លើកអង្រួនភាគខាងជើងថៃ
ឱសថបង្ការមេរោគអេដស៍ថ្មី ប្រសិទ្ធភាពខ្ពស់ដល់ ៩៥% ដាក់ឱ្យប្រើប្រាស់ជាផ្លូវការមុនគេ នៅរាជធានីភ្នំពេញ
ថាក់ស៊ីន ប្រឈមតុលាការព្រហ្មទណ្ឌ រីឯកូនស្រី ផែថងថាន ប្រឈមតុលាការធម្មនុញ្ញ
-
ព័ត៌មានអន្ដរជាតិ២ ថ្ងៃ agoពលរដ្ឋថៃ រាប់ពាន់នាក់រត់ភៀសខ្លួន បន្ទាប់ពីយន្តហោះមីយ៉ាន់ម៉ា ទម្លាក់គ្រាប់បែកនៅព្រំដែន
-
ព័ត៌មានអន្ដរជាតិ៥ ថ្ងៃ agoរុស្ស៊ី អះអាងថា ប្រទេសមួយចំនួន ត្រៀមបញ្ជូនក្បាលគ្រាប់នុយក្លេអ៊ែរ ឲ្យអ៊ីរ៉ង់ ដោយផ្ទាល់
-
ព័ត៌មានជាតិ៤ ថ្ងៃ agoកម្ពុជា ទទួលរងឥទ្ធិពលពីព្យុះមួយទៀត គឺព្យុះទី២ ឈ្មោះ សេពផេត
-
ព័ត៌មានជាតិ៤ ថ្ងៃ agoជប៉ុន ប្រកាសពង្រឹងទំនាក់ទំនងកងទ័ពជាមួយកម្ពុជាឱ្យកាន់តែរឹងមាំ
-
នយោបាយ៥ ថ្ងៃ agoក្រោយបិទនាំចូលឥន្ធនៈនាយករដ្ឋមន្ត្រីថានៅអាចឆ្លើយតបថែមទៀតបើថៃចង់លេង
-
ព័ត៌មានអន្ដរជាតិ៥ ថ្ងៃ agoPTT៖ ការផ្អាកនាំចូលប្រេងថៃរបស់កម្ពុជា មិនប៉ះពាល់ធ្ងន់ធ្ងរដល់ចំណូលក្រុមហ៊ុនទេ
-
សន្តិសុខសង្គម៦ ថ្ងៃ agoសង្ស័យជាគំនុំ ជនសង្ស័យ ២ នាក់ ជិះម៉ូតូដើររកជនរងគ្រោះ ២ ថ្ងៃហើយ ទើបឃើញឈរមុខផ្ទះ កាប់ដាច់ប្រអប់ដៃជ្រុះមកដី
-
ព័ត៌មានជាតិ៧ ថ្ងៃ agoយោធាថៃប្រើអាវុធបាញ់ស្ទាក់ក្រុមពលករថៃលួចឆ្លងដែនពេលយប់ចូលមកកម្ពុជា