Connect with us

ព័ត៌មានជាតិ

ដើមឆ្នាំ ២០២៤ ទេសចរមក​លេង​​ខេត្ត​បាត់ដំបងស្ទុះងើបឡើងវិញ

បានផុស

នៅ

វិស័យទេសចរណ៍ខេត្តបាត់ដំបង ក្នុងឆ្នាំ២០២៤ បានទាញកំណើនខ្ពស់ឡើងវិញ ក្រោយអាជ្ញាធរ​ខេត្ត​បានបំពេញកង្វះ​ខាតលើចំណុចអវិជ្ជមានមួយចំនួនលើស្រុកចំនួន ៦ ក្នុងអំឡុងខែកក្កដាឆ្នាំ២០២៣កន្លងទៅ។ ក្នុងនោះមានដូចជា ក្រុងបាត់ដំបង ស្រុកឯកភ្នំ ស្រុកបាណន់ ស្រុកសង្កែ, ស្រុករតនមណ្ឌល និងស្រុកសំឡូត ដែលខាងក្រសួងទេសចរណ៍ ស្វែងរកឃើញចំណុចអវិជ្ជមានក្នុងការខ្វះចន្លោះ ជាហេតុធ្វើឲ្យកំណើនភ្ញៀវទេសចរថយចុះយ៉ាងគំហុក​។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក ហម អរុណ អនុប្រធានមន្ទីរទេសចរណ៍ខេត្តបានឲ្យដឹងថា ក្រោយពីបានបំពេញកង្វះ​ខាតលើចំណុចអវិជ្ជមានមួយចំនួនខាងលើនេះបានប្រសើរឡើងវិញ ខេត្តបាត់ដំបងបានទទួលបានកំណើនភ្ញៀវតាមការរំពឹងទុក។

ជាក់ស្តែង នៅក្នុងឆ្នាំ២០២៤ កាលពីអំឡុងបុណ្យចូលឆ្នាំប្រពៃណៃជាតិ ចិន វៀតណាម រយះពេល ៣ ថ្ងៃ ខេត្តបាត់ដំបង ទទួលបាន​ភ្ញៀវទេសចរសរុប ៨៩,៤៤៦នាក់ កើនឡើង ១៥.៨៨% បើប្រៀបធៀបរយៈពេលដូចគ្នាឆ្នាំ២០២៣ ចំនួន ៧៧,១៩០នាក់ ក្នុងនោះ ភ្ញៀវជាតិ ចំនួន ៨៨,៥៧២ នាក់ កើនឡើង ១៥.៧៩ % បើប្រៀបធៀបនឹងរយៈពេលដូចគ្នាឆ្នាំ២០២៣ ចំនួន ៧៦.៤ ៩៤នាក់ ភ្ញៀវអន្តរជាតិ ចំនួន ៨៧៤នាក់ កើនឡើង ២៥.៥៧% បើប្រៀបធៀបនឹងរយៈពេលដូចគ្នាឆ្នាំ២០២៣ចំនួន៦៩៦នាក់ ។

លំហូរ​ភ្ញៀវទេសចរក្នុង​ខេត្ត​បាត់ដំបង​ប្រៀបធៀប​ពីរ​ឆ្នាំ​ចុងក្រោយនេះ ក្នុង​ឆ្នាំ២០២២ មានចំនួន ៥៥៥,២៥៤នាក់ ក្នុងនោះមានភ្ញៀវទេសចរបរទេស​ចំនួន ១៨, ៤៦៩នាក់ ខណៈ​ឆ្នាំ ២០២៣ ភ្ញៀវទេសចរសរុបមាន​ត្រឹមតែ ៣០៣,២៦១ នាក់ ប៉ុណ្ណោះ ក្នុងនោះមានភ្ញៀវទេសចរបរទេសចំនួន ១៥,៦៧៥ នាក់ផង។

ក្នុងស្ថានភាពនៃការធ្លាក់ចុះកំណើនភ្ញៀវទេសចរលើទឹកដីខេត្តបាត់ដំបង ដែលជំរុញឲ្យមន្ត្រីជំនាញក្រសួងចុះអង្កេតស្រាវជ្រាវទៅលើគោលដៅស្រុកសំខាន់ៗទាំង ៦ ខាងលើនេះ។

ខេត្តបាត់ដំបង មានសក្តានុពលទាក់ទាញភ្ញៀវទេសចរគួរឲ្យកត់សម្គាល់ដូចជា ប្រាង្គប្រាសាទបុរាណ ផ្ទះខ្មែរបុរាណ អគារស្ថាបត្យកម្មប្រវត្តិសាស្ត្រសម័យលោកម្ចាស់ និងអាណានិគម។ ក្រៅពីនេះនៅ​ធនធានធម្មជាតិ ភ្នំ ព្រៃព្រឹក្សា បឹងបួរ ស្ទឹង សត្វចតុបាទ សត្វស្លាប គ្រប់ប្រភេទ បង្កលក្ខណៈជារមណីយដ្ឋានទេសចរណ៍ វប្បធម៌ ប្រវត្តិសាស្ត្រធម្មជាតិបម្រើឲ្យវិស័យទេសចរណ៍សម្រាប់ភ្ញៀវទេសចរជាតិ និងអន្តរជាតិ មកទស្សនាកម្សាន្ត ស្រាវជ្រាវ និងសម្រាកលំហែកាយ។

ខេត្ត​បាត់ដំបងគឺជាខេត្តដែលមានទឹកដីធំលំដាប់ទី ៥ មានផ្ទៃដី ១១,៧៤៨គីឡូម៉ែត្រការ៉េ មាន ១ ក្រុង ១៣ ស្រុក ១០​សង្កាត់ ៩៣ ឃុំ និង ៨៣០ភូមិ ប្រជាជន សរុប ១,៣៣៨,៥៤៤ (ទិន្នន័យ ឆ្នាំ២០២១) ស្មើនឹង ២៩០,១១៩ គ្រួសារ និងមានច្រកព្រំដែនចំនួន ៥ ក្នុងនោះ ច្រកព្រំដែនអន្តរជាតិ ០២ ។

បើតាមរបាយការណ៍​មន្ទីរទេសចរណ៍​ ខេត្តបាត់ដំបង​សរុបមាន​គោលដៅទេសចរណ៍​ ១១៥ ទីតាំង ខណះឆ្នាំ២០២២ មានត្រឹម ១១១ ទីតាំង ក្នុង​នោះ​រមណីយដ្ឋានទេសចរណ៍​មាន​ ២២ ទីតាំង សហគមន៍និងអេកូទេសចរណ៍មាន ០៤ ទីតាំង សារមន្ទីរមាន ០២ ទីតាំង គោលដៅទេសចរណ៍មាន ៥៤ ទីតាំង គោលដៅ​ទេសចរណ៍សាសនាមាន ២៩ ទីតាំង កសិករទេសចរណ៍មាន ០៤ ទីតាំង៕

អត្ថបទ៖ សៅ សារិទ្ធ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៣ ម៉ោង មុន

សហភាព​សហជីព​រក្សា​សិទ្ធិ​កម្មករ​កម្ពុជា​ ប្តឹង​មន្ត្រី​អង្គការ​សង់​ត្រា​ល់​ទៅ​តុលាការ​ទាមទារ​សំណង​ជំងឺ​ចិត្ត​១០០​លាន​រៀល

ព័ត៌មានជាតិ៤ ម៉ោង មុន

សម្ដេចធិបតី ប្រាប់លោក គង់ វិបុល ឱ្យប្រើប្រាស់ប្រព័ន្ធឌីជីថលក្នុងការងារពន្ធដារ ដើម្បីកាត់បន្ថយភាពស៊ាំញ៉ាំ

ព័ត៌មានជាតិ៤ ម៉ោង មុន

ការងារ​ស្ថិតិ និង​អត្រានុកូលដ្ឋាន ជា​កិច្ចការ​ដ៏​មាន​សារៈសំខាន់ និង​ជា​សេវា​ដែល​ប្រជាពលរដ្ឋ​ត្រូវការ​ក្នុង​ជីវភាព​ប្រចាំថ្ងៃ​

ព័ត៌មានជាតិ៥ ម៉ោង មុន

ប្រឡាយ​ធម្មជាតិ​ចំនួន​៣ ​ដែល​ប្រឈម​នឹង​កកស្ទះ​ចរន្តទឹក​ហូរ​ចេញ​ត្រូវ​បាន​ជីក​ស្តារ

ព័ត៌មានជាតិ៥ ម៉ោង មុន

លោកស្រី មិថុនា ភូ​ថង​ ៖ អាជ្ញាធរ​មូលដ្ឋាន​គប្បី​ចូលរួម​ឱ្យ​សកម្ម​លើ​ការគ្រប់គ្រង​គ្រោះមហន្តរាយ​

Sokha Hotels

ព័ត៌មានពេញនិយម