ព័ត៌មានជាតិ
សម្ព័ន្ធគ្រូពេទ្យ ស.ស.យ.ក សហការជាមួយអ្នកវិទ្យាសាស្ត្រវ័យក្មេង នឹងបង្កើតAPPជួយបកប្រែភាសាសម្រាប់មនុស្សគថ្លង់
សម្ព័ន្ធគ្រូពេទ្យសហភាពសហព័ន្ធយុវជនកម្ពុជា បាននិងកំពុងសហការជាមួយអ្នកវិទ្យាសាស្ត្រវ័យក្មេងសាកលវិទ្យាល័យសាន់តិច បង្កើតជា APP ជួយបកប្រែសម្រាប់មនុស្សគថ្លង់ ដើម្បីឱ្យពួកគេងាយក្នុងការទំនាក់ទំនងជាមួយអាណាព្យាបាល និងសង្គម បានកាន់តែប្រសើរ។
ថ្លែងក្នុងកម្មវិធីប្រគល់-ទទួលអំណោយសម្ភារៈវះកាត់ និងម៉ាស៊ីនអេកូបេះដូងជូនដល់មន្ទីរពេទ្យកុមារជាតិ កាលពីរសៀលថ្ងៃទី ១៧ មិថុនា លោកបណ្ឌិត ហេង សុខគង់ រដ្ឋលេខាធិការក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍, អនុប្រធានសមាគមវេជ្ជសាស្ត្រអន្តរជាតិ និងជាប្រធានសម្ព័ន្ធគ្រូពេទ្យសហភាពសហព័ន្ធយុវជនកម្ពុជា បានឱ្យដឹងថា «ឥឡូវនេះ សម្ព័ន្ធគ្រូពេទ្យ ស.ស.យ.ក បានសហការជាមួយអ្នកវិទ្យាសាស្ត្រវ័យក្មេងសាកលវិទ្យាល័យសាន់តិច រៀបចំជាអេបមួយសម្រាប់ជួយដល់មនុស្សគថ្លង់ ដោយសារមនុស្សគថ្លង់ជួបការលំបាកច្រើនប្រើភាសាកាយវិការដោយយើងយកភាសាកាយវិការនោះឱ្យម៉ាស៊ីនបកប្រែជាភាសានិយាយដែលអាចឱ្យគាត់ងាយស្រួលក្នុងការទំនាក់ទំនងជាមួយមនុស្សធម្មតាបាន។ ឥឡូវស្រួលណាស់ អេអាយ អាចបកប្រែបាន ១២៥ ភាសា ហើយអេបថ្មីនេះប្រហែលជាអាចចេញនៅចុងឆ្នាំនេះ ឬដើមឆ្នាំក្រោយ»។
លោកបានបន្តថា នៅពេលអេបថ្មីនេះចេញប្រើប្រាស់ជាផ្លូវការមិនមែនប្រើសម្រាប់តែប្រជាពលរដ្ឋខ្មែរទេ ពោលគឺអាចប្រើសម្រាប់លក្ខណៈជាអន្តរជាតិ ព្រោះថាប្រទេសផ្សេងៗ ក៏មានមនុស្សគថ្លង់ដែរ មិនមែនមានតែខ្មែរទេ។
លោកបានបន្ថែមថា ជាមួយគ្នានេះដែរ សម្ព័ន្ធគ្រូពេទ្យ ស.ស.យ.ក ក៏មានគម្រោងធ្វើទៅលើកុមារមានបញ្ហាផ្នែកប្រព័ន្ធប្រសាទដែលបច្ចុប្បន្នកំពុងសហការជាមួយវិទ្យាស្ថានប្រព័ន្ធប្រសាទ និងខួរក្បាល នៃប្រទេសឥណ្ឌា ដើម្បីធ្វើរ៉ូបូតបំពាក់ដោយអេអាយ ដោយប្រើឈីបប៉ុនបាតដៃបំពាក់ក្នុងផេនដា ឬតុក្កតា ព្រោះថាកុមារចូលចិត្តឱបលេងជាមួយតុក្កតាទាំងនោះ ពេលឱបទៅអេអាយចាប់ផ្ដើមរៀនពីក្មេងក្រោយពីរៀនហើយវាអាចយកទៅបកប្រែទៅជាភាសា។ ពេលក្មេងធ្វើកាយវិការអ្វីមួយអេអាយអាចបកប្រែបានដូចជាគាត់ចង់ញាំទឹក គេង ញាំបាយ អាណាព្យាបាលអាចដឹងពីគាត់។
លោកបានបញ្ជាក់ថា គម្រោងនេះ ទាមទារឱ្យមានការសិក្សាច្រើន ដោយសារចរិតរបស់កុមារដែលមានបញ្ហាប្រសាទមិនដូចគ្នាទេ ហើយពេលបង្កើតបានជោគជ័យវាជាមោទនភាពរបស់ខ្មែរយើង និងបានជួយសម្រួលដល់ការរស់នៅប្រចាំថ្ងៃរបស់អាណាព្យាបាលដែលមានកូនមានបញ្ហាប្រព័ន្ធប្រាសាទ ហើយរ៉ូបូតនេះក៏មិនមែនសម្រាប់តែក្មេងមានបញ្ហាប្រព័ន្ធប្រសាទនៅកម្ពុជានោះដែរ យើងអាចប្រើប្រាស់ជាលក្ខណៈសកល៕
អត្ថបទ ៖ សំអឿន
-
សេចក្ដីជូនដំណឹង៦ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
ព័ត៌មានអន្ដរជាតិ៤ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេដ្ឋកិច្ច៦ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
កីឡា១ សប្តាហ៍ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
សន្តិសុខសង្គម៥ ថ្ងៃ agoចុះពិនិត្យរដ្ឋបាល អគារ The Bridge ខណ្ឌចំការមន រកឃើញជនបរទេស ៤ នាក់ ស្នាក់នៅខុសច្បាប់ និង ដកហូតគ្រឿងញៀនជាង ៦៥ គីឡូក្រាម
-
ព័ត៌មានអន្ដរជាតិ៦ ថ្ងៃ agoពូទីន គេចមិនឆ្លើយរឿងកាន់អំណាចដល់ឆ្នាំ២០៣៦ ហើយប្រាប់ថា «មានតែព្រះទេទើបដឹង»
-
ព័ត៌មានជាតិ១ សប្តាហ៍ agoសម្តេចធិបតី៖ ទម្លាប់ខ្ញុំវាយតម្លៃការងារផ្អែកលើលទ្ធផលជាក់ស្តែង មិនមើលតែរបាយការណ៍ល្អៗពីថ្នាក់ក្រោមនោះទេ
-
ព័ត៌មានអន្ដរជាតិ៦ ម៉ោង agoអាមេរិក បើកការវាយប្រហារទ្រង់ទ្រាយធំជាថ្មី លើអ៊ីរ៉ង់ ខណៈទីក្រុងតេហេរ៉ង់ សងសឹកវិញ ហើយបិទច្រក Hormuz ទៀត