ព័ត៌មានជាតិ

លោកជំទាវ ម៉ែន សំអន ធ្វើពិធីបុណ្យរំលឹកខួបគម្រប់ ៥ឆ្នាំ ដើម្បីឧទ្ទិសកុសលជូនវិញ្ញាណក្ខន្ធនាយឧត្តមសេនីយ៍ ប៉េង ប៉ាត់

បានផុស

៤ years មុន

នៅ

ថ្ងៃអង្គារ ២ មីនា ២០២១

ដោយ

លោកជំទាវកិត្តិសង្គហបណ្ឌិត ម៉ែន សំអន ឧបនាយករដ្ឋមន្ត្រី ព្រមទាំងក្រុមគ្រួសារ បានប្រារព្ធពិធីបុណ្យរំលឹកខួប ៥ឆ្នាំ ដើម្បីឧទ្ទិសបុណ្យកុសលជូនដួងដល់វិញ្ញាណក្ខន្ធ នាយឧត្តមសេនីយ៍ ប៉េង ប៉ាត់ នៅចេតិយ ដែលមានទីតាំងនៅក្នុងវត្តមុន្នីសុវណ្ណ ហៅវត្តចំពុះក្អែក ដែលស្ថិតនៅភូមិចំពុះក្អែក សង្កាត់ព្រែកថ្មី ខណ្ឌមានជ័យ រាជធានីភ្នំពេញ កាលពីព្រឹកថ្ងៃចន្ទទី០១ ខែមីនា ឆ្នាំ២០២១។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ឯកឧត្តមនាយឧត្តមសេនីយ៍ ប៉េង ប៉ាត់ អតីតសមាជិកព្រឹទ្ធសភា គណបក្សប្រជាជនកម្ពុជា និងជាឧត្តមស្វាមីរបស់លោកជំទាវកិត្តិសង្គហបណ្ឌិត ម៉ែន សំអន ឧបនាយករដ្ឋមន្ត្រី រដ្ឋមន្ត្រីក្រសួងទំនាក់ទំនងជាមួយរដ្ឋសភា ព្រឹទ្ធសភា និងអធិការកិច្ច។ ឯកឧត្តមបានទទួលមរណភាពកាលពីវេលាម៉ោង១ និង៣៥នាទីទៀបភ្លឺ ឈានចូលថ្ងៃទី២ ខែមីនា ឆ្នាំ២០១៦ ជន្មាយុ ៦៦ឆ្នាំ ដោយរោគាពាធ។ ពិធីនេះ ត្រូវបានរៀបចំតាមបែបប្រពៃណីព្រះពុទ្ធសាសនា ដោយមានពិធីសូត្រមន្ត នមស្សការថ្វាយបង្គំព្រះ និងវេរប្រគេនទេយ្យវត្ថុដល់ព្រះសង្ឃនាឱកាសនោះ ជាកិច្ចបង្ហើយបុណ្យផងដែរ៕