ព័ត៌មានអន្ដរជាតិ

លោក ត្រាំ៖ ការចោទប្រកាន់អំពើពុករលួយលើ ណេតាន់យ៉ាហ៊ូ គឺជា«រឿងឆ្កួតលីលា»

បានផុស

១ year មុន

នៅ

ថ្ងៃអាទិត្យ ២៩ មិថុនា ២០២៥

ដោយ

Chheang

ប្រធានាធិបតីអាមេរិក ដូណាល់ ត្រាំ បានរិះគន់ជាសាធារណៈលើប្រព័ន្ធច្បាប់របស់អ៊ីស្រាអែល ដោយហៅការកាត់ទោសអំពើពុករលួយដែលកំពុងបន្តប្រឆាំងនឹងនាយករដ្ឋមន្ត្រី បេនចាមីន ណេតាន់យ៉ាហ៊ូ ថាជា«រឿងឆ្កួតលីលា»។ លោកបាននិយាយថា រដ្ឋអាជ្ញាបានប្រព្រឹត្តដោយអយុត្តិធម៌ ហើយថា សកម្មភាពរបស់ពួកគេអាចប៉ះពាល់ដល់ទំនាក់ទំនងរវាងអាមេរិក និងអ៊ីស្រាអែល។

លោក បេនចាមីន ណេតាន់យ៉ាហ៊ូ និងលោក ដូណាល់ ត្រាំ (រូបថត៖ Reuters)

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នៅក្នុងការបង្ហោះនៅលើបណ្ដាញសង្គមរបស់គាត់កាលពីថ្ងៃសៅរ៍ទី២៨ខែមិថុនា លោក ត្រាំ បានព្រមានថា ការបន្តការកាត់ក្តីអាចប៉ះពាល់ដល់ការគាំទ្រដ៏រឹងមាំដែលអ៊ីស្រាអែលទទួលបានពីសហរដ្ឋអាមេរិក ហើយគាត់ក៏បាននិយាយផងដែរថា វាជារឿងខុសក្នុងការដាក់លោក ណេតាន់យ៉ាហ៊ូ ឲ្យជាប់សវនាការ ខណៈពេលដែលគាត់កំពុងធ្វើការលើកិច្ចចរចាដ៏សំខាន់ជាមួយក្រុមហាម៉ាស និងអ៊ីរ៉ង់។

លោក ត្រាំ បានបន្ថែមថា «សហរដ្ឋអាមេរិកចំណាយប្រាក់រាប់ពាន់លានដុល្លារក្នុងមួយឆ្នាំ ច្រើនជាងប្រទេសដទៃទៀត ដើម្បីការពារ និងគាំទ្រអ៊ីស្រាអែល។ យើងនឹងមិនទទួលយករឿងនេះបានទេ»។

នេះជាលើកទី២ហើយដែលលោក ត្រាំ និយាយការពារលោក ណេតាន់យ៉ាហ៊ូ ក្នុងរយៈពេលប៉ុន្មានថ្ងៃថ្មីៗនេះ។ លោកធ្លាប់បានលើកឡើងថា ការជំនុំជម្រះគួរត្រូវលុបចោល ហើយចាត់ទុកថា វាថាមានហេតុផលនយោបាយ។

ការអត្ថាធិប្បាយរបស់លោក ត្រាំ បានធ្វើឲ្យមានការជជែកវែកញែកនៅក្នុងប្រទេសទាំងពីរ ដោយមានអ្នករិះគន់ថា គាត់កំពុងជ្រៀតជ្រែកក្នុងដំណើរការផ្លូវច្បាប់របស់អ៊ីស្រាអែល ខណៈដែលអ្នកគាំទ្រនិយាយថា គាត់ធ្វើដូច្នេះគឺដើម្បីគាំទ្រសម្ព័ន្ធមិត្តជិតស្និទ្ធរបស់អាមេរិក។

សូមជម្រាបថា លោក ណេតាន់យ៉ាហ៊ូ ត្រូវបានចោទប្រកាន់នៅឆ្នាំ២០១៩ ពីបទស៊ីសំណូក ការក្លែងបន្លំ និងការរំលោភលើទំនុកចិត្ត ដែលទាំងអស់នេះសុទ្ធតែត្រូវបានលោកបដិសេធ។ ការកាត់ទោសបានចាប់ផ្តើមក្នុងឆ្នាំ២០២០ ហើយមានពាក់ព័ន្ធនឹងករណីព្រហ្មទណ្ឌចំនួន៣ករណី៕

ដោយ៖ ឈាង

ចុចអាន៖ ត្រាំ ទាមទារឲ្យអ៊ីស្រាអែលលុបចោលការកាត់ក្តីពុករលួយលើលោក ណេតាន់យ៉ាហ៊ូ