ព័ត៌មានជាតិ
ប្រើប្រាស់រយៈពេល ៣ ខែ គ្រោងបញ្ចប់ការចុះវាស់វែងដីធ្លីជូនពលរដ្ឋនៅសង្កាត់បល្ល័ង្ក ក្រុងរុនតាឯក
ប្រធានក្រុមការងារដឹកនាំចុះបញ្ជីដីធ្លីជាប្រព័ន្ធនៅសង្កាត់បល្ល័ង្ក ក្រុងរុនតាឯកតេជោសែនបានឲ្យកម្ពុជាថ្មីដឹងតាមទូរសព្ទ ថា ដំណើរការចុះបញ្ជីដីធ្លីជាប្រព័ន្ធនៅសង្កាត់បល្ល័ង្ក ក្រុងរុនតាឯកតេជោសែន នឹងចាប់ផ្តើមបើកយុទ្ធនាការចាប់ពីសប្តាហ៍នេះ ដោយគ្រោងបញ្ចប់ប្រើប្រាស់រយៈពេល ៣ ខែ។
លោក ប៉ែន សិលា ប្រធានក្រុមការងារដឹកនាំចុះបញ្ជីដីធ្លីជាប្រព័ន្ធនៅសង្កាត់បល្ល័ង្កក្រុងរុនតាឯកតេជោសែនបានឲ្យដឹងថា ក្រុមការងារបែងចែកមាន ៥ ក្រុម ដែលត្រូវទទួលខុសត្រូវដើម្បីចុះវាស់វែងដីធ្លីជូនប្រជាពលរដ្ឋ។
មុនបើកយុទ្ធនាការនឹងចាប់ផ្តើម លោក ប៉ែន សិលា បានបញ្ជាក់ថា ស្អែកនេះនឹងមានរៀបចំពិធីផ្សព្វផ្សាយពីការកំណត់តំបន់វិនិច្ឆ័យសម្រាប់ការចុះបញ្ជីដីធ្លីមានលក្ខខណៈជាប្រព័ន្ធជូនដល់ប្រជាពលរដ្ឋ ដែលនឹងមានការចូលរួមពីមន្ត្រីពាក់ព័ន្ធរួមទាំងមានការឆ្លើយតបរាល់សំណួរនិងចម្ងល់ផ្សេងៗពីអ្នកចូលរួមផងដែរ។
លោកស្រី ឡែម ណាត ចៅសង្កាត់បល្ល័ង្កបានឲ្យកម្ពុជាថ្មីដឹងថា នៅក្នុងចំណោមសង្កាត់ចំនួនពីរនៅក្នុងក្រុងរុនតាឯកតេជោសែន នៅសល់តែសង្កាត់បល្ល័ង្កដែលអាជ្ញាធរមិនទាន់ចុះវាស់វែងដីធ្លីជាប្រព័ន្ធជូនប្រជាពលរដ្ឋនៅឡើយ។
ក្នុងសង្កាត់បល្ល័ង្កមានភូមិចំនួន ៩ ក្នុងនោះមានភូមិ ធ្លកកំបុត គោកឬស្សី តាកុយ ព្រុំកុដ្ឋ ត្រាច ក្រពើ ពពេល ស្នាសង្គ្រាម ស្នារតេជោ ៣១៧ និងមានប្រជាពលរដ្ឋរស់នៅសរុបប្រមាណ ២ ០០០ គ្រួសារ។
លោកស្រីចៅសង្កាត់បានអះអាងថា ដំណើរការចុះបញ្ជីដីធ្លីជាប្រព័ន្ធនេះ នឹងធានាបានភាពស្របច្បាប់លើកម្មសិទ្ធិដីធ្លី ដែលនឹងជួយសម្រួលដល់ការរស់នៅរបស់ប្រជាពលរដ្ឋឱ្យមានទំនុកចិត្តខ្ពស់ ជួយកាត់បន្ថយវិវាទដីធ្លីផ្សេងៗ។
លោក ហ៊ី សាយ ប្រធានមន្ទីររៀបចំដែនដី នគរូបនីយកម្មនិងសំណង់ខេត្តសៀមរាបបានប្រាប់កម្ពុជាថ្មីថា ដំណើរការចុះវាស់វែងដីធ្លីជាប្រព័ន្ធកំពុងអនុវត្តព្រមៗគ្នាតាមបណ្តាក្រុងស្រុកទូទាំងខេត្តសៀមរាប។
បច្ចុប្បន្នក្រុមការងារបានអនុវត្តការងារចុះបញ្ជីដីធ្លីលក្ខណៈជាប្រព័ន្ធនៅទូទាំង ១៣ ក្រុងស្រុក ខណៈដែលដំណើរការវាស់វែងនិងប្រមូលទិន្នន័យក្នុង ១ ថ្ងៃ បានលើសពី ២ ពាន់ក្បាលដី។
ប្រធានមន្ទីររៀបចំដែនដីខេត្តសៀមរាបក៏ឲ្យដឹងបន្តទៀតថា ដំណើរការចុះវាស់វែងធ្វើបានលឿន រហូតពេលនេះមានភាពរលូនមិនមានបញ្ហាអីនោះទេ។
«យើងមានក្រុមការងារគ្រប់ស្រុកទាំងអស់ ប៉ុន្តែយើងធ្វើម្តងមួយឃុំម្តងមួយឃុំ»។ លោក ហ៊ី សាយ បញ្ជាក់បន្ថែម។
ជាមួយគ្នានេះ លោក ប៉ែន សិលា ប្រធានក្រុមការងារដឹកនាំផ្ទាល់ចុះបញ្ជីដីធ្លីជាប្រព័ន្ធនៅសង្កាត់បល្ល័ង្ក ក្រុងរុនតាឯកតេជោសែន ក៏អំពាវនាវដល់បងប្អូនប្រជាពលរដ្ឋដែលមានដីធ្លីនៅក្នុងភូមិសាស្ត្រសង្កាត់បល្ល័ង្កត្រៀមឯកសារពាក់ព័ន្ធនានា ដើម្បីចូលរួមសហការជាមួយមន្រ្តីជំនាញក្នុងដំណើរការចុះវាស់វែងឲ្យបានរលូន៕
តម្លៃប្រេងកើនឡើងពេលបញ្ចប់ការជួញដូរ ប៉ុន្តែមានកម្រិតជុំវិញកង្វល់ពាក់ព័ន្ធនឹងការផ្គត់ផ្គង់
អគ្គមេបញ្ជាការទ័ព៖ សមយុទ្ធនាគមាសបានក្លាយជានិមិត្តរូបនៃកិច្ចសហប្រតិបត្តិការមិនអាចបំបែកបានរវាងកម្ពុជា-ចិន
សមត្ថកិច្ចខេត្តស្វាយរៀង ឃាត់ខ្លួនជនសង្ស័យ៧នាក់ ដែលកាប់ប្លន់យកម៉ូតូ បញ្ជូនទៅសាលាដំបូងខេត្ត
គ្រោះថ្នាក់ចរាចរណ៍បង្កដោយលោកសក្តិ៥៖ នាយករដ្ឋមន្ត្រី ធានាអះអាងមិនឱ្យបុគ្គលនេះរួចពីសំណាញ់ច្បាប់ឡើយ
ទិវាចងចាំនឹងត្រូវធ្វើឡើងនៅមជ្ឈមណ្ឌលឧក្រិដ្ឋកម្មប្រល័យពូជសាសន៍ជើងឯក ក្រោមការរៀបចំនិងចាត់ចែង ដោយសាលារាជធានីភ្នំពេញ
លោក អេ ភូថង ប្រាប់ថា មិនដឹងរឿងផ្ទាល់ខ្លួនរបស់ ធឿន ធារ៉ា ខណៈបែកធ្លាយវីដេអូជក់បារីអេឡិចត្រូនិក
អ៊ុយក្រែន ធ្លាក់ F-16 មួយគ្រឿងទៀតហើយ!
យុវជនម្នាក់មកពីទីរួមស្រុកសំបូរទទួលបានជ័យលាភីលេខ១ ក្នុងទិវាប្រាក់រៀលឆ្នាំ២០២៥
រុស្ស៊ី ចង្អុលចំឈ្មោះMacron ថា ជាអ្នកនាំអាទិ៍ឲ្យមានសង្គ្រាមប្រឆាំងទីក្រុង មូស្គូ
នាយករដ្ឋមន្ត្រីបញ្ជាឱ្យទម្លាក់មន្ត្រីពីថ្នាក់កណ្ដាលទៅប៉ុស្តិ៍នគរបាលឱ្យបានច្រើន
-
ជីវិតកម្សាន្ដ៦ ថ្ងៃ agoមាស សុខសោភា ស្នើមហាជនទុកផ្លូវឱ្យខ្លួននិងតាសក់ស ក្រោយដឹងរឿងអតីតស្វាមីប្តឹង និងនៅតែមានការវែកញែក
-
ចរាចរណ៍២ ថ្ងៃ agoUpdate៖ អ្នកបង្កគ្រោះថ្នាក់បុករះនៅមុខក្រសួងមហាផ្ទៃ ជានាយការិយាល័យគណនេយ្យ ចំណុះផែនការងារភស្តុភារ និងហិរញ្ញវត្ថុ នៃស្នងការដ្ឋាននគរបាលរាជធានីភ្នំពេញ
-
ចរាចរណ៍២ ថ្ងៃ agoUpdate៖ អ្នកបើករថយន្ដបុករះនៅមុខក្រសួងមហាផ្ទៃ ស្ថិតក្រោមជាតិអាល់កុល 0,35mg/L
-
សន្តិសុខសង្គម៣ ថ្ងៃ agoឃាត់ខ្លួនប្រធានផ្សារទួលពង្រ និងបក្ខពួក ពាក់ព័ន្ធករណីដើរយកភាស៊ីពីអាជីវករលក់ដូរតាមរ៉ឺម៉កម៉ូតូ
-
ព័ត៌មានជាតិ៥ ថ្ងៃ agoរតនគិរី៖ ជនជាតិដើមភាគតិច ស្នើរដ្ឋាភិបាលសាងសង់ស្ពានឆ្លងកាត់ទន្លេសម្រួលដល់ការធ្វើដំណើរ
-
កីឡា២១ ម៉ោង agoលោក អេ ភូថង ប្រាប់ថា មិនដឹងរឿងផ្ទាល់ខ្លួនរបស់ ធឿន ធារ៉ា ខណៈបែកធ្លាយវីដេអូជក់បារីអេឡិចត្រូនិក
-
ចរាចរណ៍២ ថ្ងៃ agoបឋម៖ ករណីបុករះបង្កឡើងដោយរថយន្ដឡិចសុីសមួយគ្រឿងបណ្ដាលឲ្យមានអ្នកស្លាប់នៅផ្លូវព្រះនរោត្ដម
-
ព័ត៌មានជាតិ៤ ថ្ងៃ agoក្រសួងរ៉ែទទួលយកសំណើពលរដ្ឋដែលស្នើសុំកិនសំណល់រ៉ែមាសលើដីក្នុងខេត្តមណ្ឌលគិរីទៅពិភាក្សា