ព័ត៌មានជាតិ
ជង្ហុកលើផ្លូវជាតិលេខ ០១ កំពុងជះផលប៉ះពាល់ដល់ការរស់នៅរបស់ពលរដ្ឋ
ប្រជាពលរដ្ឋ បានស្នើ អាជ្ញាធរ ចុះមកពិនិត្យជង្ហុកសំបុកមាន់ នៅលើផ្លូវជាតិលេខ ០១ កំពុងបង្កផលលំបាកដល់ពួកគាត់ដែលរស់នៅក្បែរខាងផ្លូវ។
ជាក់ស្ដែងផ្លូវកំពុងរងការខូចខាតនេះដែរ នៅជិតដល់ស្តុបខ្លោងទ្វារសំណង់លំនៅឋានវាលស្បូវ តាមបណ្ដោយផ្លូវជាតិលេខ ០១ ស្ថិតក្នុងសង្កាត់វាលស្បូវ ខណ្ឌច្បារអំពៅ រាជធានីភ្នំពេញ។
បើតាម លោក សីហា ជាអ្នករស់នៅលើបណ្ដោយផ្លូវជាតិលេខ ០១ បានប្រាប់ឲ្យដឹងថា ផ្លូវខូចខាតនេះ កំពុងបង្កផលប៉ះពាល់ដល់អ្នករស់នៅក្បែរនោះ ដោយសារតែផ្លូវនៅខាងមុខផ្ទះរបស់ពួកគាត់ បានខូចខាតស្ទើរទាំងស្រុងទៅហើយ សម្បូរដោយជង្ហុកសំបុកមាន់ជាច្រើនកន្លែង និងពេលមានខ្យល់ គឺតែងមានហុយដី ធ្វើឲ្យប៉ះពាល់ផ្លូវដង្ហើមថែមទៀតផង។
លោកបន្តថា ដោយសារតែផ្លូវជាតិលេខ ០១ សម្បូរទៅដោយរថយន្តកុងតឺន័រ រថយន្តក្រឡុកស៊ីម៉ងត៍ និងរថយន្តដឹកដីធំៗ ឆ្លងកាត់ច្រើន ទើបបង្កឲ្យខូចខាតកាន់តែខ្លាំងបែបនេះ។
ចំពោះបញ្ហានេះដែរ លោក ចេង មុន្នីរ៉ា អភិបាលខណ្ឌច្បារអំពៅ បានប្រាប់ឲ្យដឹងថា លោកនឹងឲ្យខាងការិយាល័យសាធារណការខណ្ឌចុះទៅត្រួតពិនិត្យចំណុចផ្លូវខូចខាងលើនេះ នៅរសៀលនេះតែម្ដង។
ប្រជាពលរដ្ឋ បានសំណូមពរទៅកាន់អាជ្ញាធរពាក់ព័ន្ធ មេត្តាយកចិត្តទុកដាក់ចុះត្រួតពិនិត្យ និងជួសជុលផ្លូវជង្ហុកសំបុកមាន់ ដែលមានទឹកដក់ ប្រវែងជាង ១០០ ម៉ែត្រ នេះផង ព្រោះថាផ្លូវនេះកំពុងបង្កផលលំបាកដល់ការធ្វើដំណើររបស់ពួកគាត់ និងរំខានការរស់នៅតែម្ដង៕
អត្ថបទ ៖ រដ្ឋា
-
សេចក្ដីជូនដំណឹង៥ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
ព័ត៌មានអន្ដរជាតិ៣ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេដ្ឋកិច្ច៥ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
កីឡា៦ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
សន្តិសុខសង្គម៤ ថ្ងៃ agoចុះពិនិត្យរដ្ឋបាល អគារ The Bridge ខណ្ឌចំការមន រកឃើញជនបរទេស ៤ នាក់ ស្នាក់នៅខុសច្បាប់ និង ដកហូតគ្រឿងញៀនជាង ៦៥ គីឡូក្រាម
-
ព័ត៌មានអន្ដរជាតិ៥ ថ្ងៃ agoពូទីន គេចមិនឆ្លើយរឿងកាន់អំណាចដល់ឆ្នាំ២០៣៦ ហើយប្រាប់ថា «មានតែព្រះទេទើបដឹង»
-
ព័ត៌មានជាតិ៦ ថ្ងៃ agoសម្តេចធិបតី៖ ទម្លាប់ខ្ញុំវាយតម្លៃការងារផ្អែកលើលទ្ធផលជាក់ស្តែង មិនមើលតែរបាយការណ៍ល្អៗពីថ្នាក់ក្រោមនោះទេ
-
ព័ត៌មានជាតិ១ សប្តាហ៍ agoផ្លូវទៅតំបន់អេកូទេសចរណ៍អារ៉ែង ឈានទៅចាក់ក្រាលកៅស៊ូស្ទើរបញ្ចប់ ១០០%