Connect with us

ព័ត៌មានជាតិ

អាជ្ញាធរ​ខេត្ត​សៀមរាប​ ចុះ​ជួប​​អាជីវករនៅបារាយ៍ទឹកថ្លា ដាក់ចេញវិធានការ​កែលំអរសេវាកម្មទទួលភ្ញៀវ​ទេសចរ​

បានផុស

នៅ

អាជ្ញាធរ​ខេត្ត​សៀមរាប​ ដឹកនាំ​ដោយ​លោក​ ង៉ូវ​ សេងកាក់ បានចុះ​ជួប​ប្រជុំជាមួយ​អាជីវករលក់ដូរក្នុងភូមិសាស្ត្របារាយណ៍​​ទឹកថ្លា ស្ថិតក្នុងសង្កាត់ទឹកវិល​ ក្រុង​ខេត្តសៀមរាប ដោយដាក់ចេញវិធានការ​ដើម្បី​ចូលរួមកែលំអរសេវាកម្មទទួលភ្ញៀវ​ទេសចរ​ និង​ដើម្បីរក្សាតម្លៃជាខេត្តទេសចរណ៍ដ៏មានភាពទាក់ទាញ សេវាកម្មល្អ និងបដិសណ្ឋារកិច្ចល្អ។

ក្រោយពីទទួលបានព័ត៌មានពី​ភ្ញៀវទេសចរ​ពី​បញ្ហា​មួយ​ចំនួន​ ការ​ចុះ​ជួប​​អាជីវករ​នៅ​បារាយណ៍ទឹកថ្លា​​ដឹកនាំ​ដោយ​លោក​ ង៉ូវ​ សេងកាក់​ អភិបាលរង​ខេត្ត​កាលពីថ្ងៃទី០៤ ខែ តុលា ឆ្នាំ២០២៤ និង​ក៏​មានការចូលរួមពីប្រធានស្តីទីមន្ទីរទេសចរណ៍ខេត្តសៀមរាប ចៅសង្កាត់ទឹកវិល នាយបុស្តិ៍រដ្ឋបាលសង្កាត់ទឹកវិល មន្ត្រីនគរបាលការពារបេតិកភ័ណ្ឌ មន្ត្រីអាជ្ញាធរជាតិអប្សរា និងអាជីវករសរុបប្រមាណ ៣០ រូប ក្រោយពីពិភាក្សាគ្នារួច មន្រ្តីអាជ្ញាធរ​ខេត្ត​បាន​ប្រជុំនិង​ធ្វើការណែនាំដល់អាជីវករដូចខាងក្រោម៖

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

១- បញ្ឈប់នូវរាល់សកម្មភាពសួរនាំភ្ញៀវ​ ពាក់ព័ន្ធនឹងប្រភេទមធ្យោបាយធ្វើដំណើររបស់ភ្ញៀវ
២- អាជីវករគ្រប់រូបត្រូវបញ្ឈប់នូវរាល់សកម្មភាពដើរហៅភ្ញៀវមិនរៀបរយនៅតាមផ្លូវ ការចូលតូបណាមួយជាជម្រើសរបស់ភ្ញៀវ
៣- បញ្ឈប់សកម្មភាពកាក់សួរនាំភ្ញៀវនៅលើចំណុចចំណោតឡើងលើខ្នងបារាយណ៍ ដែលជាសកម្មភាពអាចបង្កគ្រោះថ្នាក់ជាយថាហេតុណាមួយដល់ភ្ញៀវទេសចរ
៤- ត្រូវពង្រឹងបន្ថែមនូវសេវាកម្មរបស់ខ្លួន ពាក់ព័ន្ធនឹងការរៀបចំអនាម័យនៅកន្លែងអង្គុយបរិភោគអាហារនិងពិសេសត្រូវពង្រឹងគុណភាព រសជាតិ និងអនាម័យម្ហូបអាហាររបស់ខ្លួន។
៥-ក្រោយពីបានស្តាប់ការពន្យល់ណែនាំរួចមក បងប្អូនអាជីវករប្តេជ្ញា​នឹងចូលរួមតាមការណែនាំរបស់រដ្ឋបាលខេត្ត និងមន្ទីរជំនាញពាក់ព័ន្ធ ដើម្បីចូលរួមកែលំអរសេវាកម្មទទួលភ្ញៀវនៅតំបន់បារាយណ៍ទឹកថ្លាឱ្យកាន់តែមានភាពល្អប្រសើរ និងទទួលបានការពេញចិត្តពីភ្ញៀវទេសចរ។​ ក្នុងនាមអាជ្ញាធរខត្ត​ ក៏ស្នេីដល់បងប្អូនអាជីវករទាំងអស់​ត្រូវរួមគ្នាដោះស្រាយបញ្ហាប្រឈមដែលកេីតមានឡេីង​ ដេីម្បីរួមគ្នាលេីកស្ទួយវិស័យទេចរណ៍។
រដ្ឋបាលខេត្តសូមថ្លែងអំណរគុណចំពោះបងប្អូនប្រជាពលរដ្ឋដែលបានផ្តល់ព័ត៌មានអំពីបញ្ហាដែលកេីតឡេីងនៅតំបន់ទេសចរណ៍បាយរាយទឹកថ្លានេះ និងតែងតែជ្រើសរើសយកខេត្តសៀមរាប ជាគោលដៅទេសចរណ៍ និងដំណើរកំសាន្តរបស់ខ្លួន។

Helistar Cambodia - Helicopter Charter Services
Sokimex Investment Group
កងការពារអាកាស
ព័ត៌មានជាតិ២២ ម៉ោង មុន

រុស្ស៊ីនឹងបញ្ជូនប្រតិភូកងការពារដែនអាកាស​មក​បង្កើត​កិច្ច​សហប្រតិបត្តិការ​ជាមួយ​កម្ពុជា

ព័ត៌មានជាតិ៧ ម៉ោង មុន

ព្យុះទី៣ និងទី៤ អស់ឥទ្ធិពល តែកម្ពុជានៅតែមានភ្លៀងធ្លាក់ជាមួយផ្គររន្ទះ និងខ្យល់កន្ត្រាក់

ព័ត៌មានអន្ដរជាតិ៤ ម៉ោង មុន

ភ្នាក់ងារ​ចារកម្ម​ជាន់​ខ្ពស់​អ៊ុយក្រែន ​ត្រូវ​បាន​គេ​បាញ់​សម្លាប់​នៅ​រដ្ឋធានី​កៀវ

ព័ត៌មានជាតិ២០ ម៉ោង មុន

លោក សែម រតនា៖ កម្ពុជា នៅតែបញ្ជូនទ័ពមួកខៀវទៅថែរក្សាសន្តិភាព ទោះជួបការប៉ះទង្គិចប្រដាប់អាវុធ ជំងឺកាចសាហាវ

ព័ត៌មានជាតិ២១ ម៉ោង មុន

ស្ពានអាកាស សម្តេចធិបតី ហ៊ុន ម៉ាណែត នឹងដាក់ឱ្យប្រើប្រាស់ជាបណ្ដោះអាសន្ន ចាប់ពីថ្ងៃទី ១១ កក្កដា ស្អែកនេះហើយ

Sokha Hotels

ព័ត៌មានពេញនិយម