ព័ត៌មានជាតិ
ខេត្តបាត់ដំបងផ្អាកទីតាំងមួយចំនួនដើម្បីទប់ស្កាត់ការរីករាលដាលនៃជំងឺកូវីដ១៩
ទីតាំងមួយចំនួនដូចជាក្លឹបហាត់ប្រាណ និងកន្លែងម៉ាស្សា ត្រូវបានកម្លាំងចម្រុះចុះបិទជាបណ្តោះអាសន្ន ដើម្បីចូលរួមចំណែកទប់ស្កាត់ជាមួយរាជរដ្ឋាភិបាល ខណ:ដែលមេរោគកូវីដ-១៩ កំពុងរីករាលដាលមកដល់ក្រុងបាត់ដំបង ។
នៅរាត្រីថ្ងៃទី១១ ខែមិនា ឆ្នាំ២០២១ នេះ ក្រុមការងារនៃមន្ទីរទេសចរណ៍ខេត្តបាត់ដំបង ដែលដឹកដោយលោក អ៊ុចអ៊ុំ ភីនីស្សារ៉ា ប្រធានមន្ទីរទេសចរណ៍ខេត្ត និងដោយមានការចូលរួមសហការពីអាជ្ញាធររដ្ឋបាលក្រុងក៏ដូចជាសមត្ថកិច្ច បានបន្តធ្វើការចុះត្រួតពិនិត្យ និងជំរុញការអនុវត្តគោលការណ៍ណែនាំរបស់រាជរដ្ឋាភិបាល និងវិធានសុវត្ថិភាពទេសចរណ៍តាមអាជីវកម្មទេសចរក្នុងក្រុងបាត់ដំបង។
នៅក្នុងកិច្ចប្រតិបត្តិការនោះដែរ ក្រុមការងារក៏បានផ្សព្វផ្សាយបន្ថែមនូវសេចក្តីជូនដំណឹងលេខ ០០២ ចុះថ្ងៃទី ២២ ខែកុម្ភៈ ឆ្នាំ ២០២១ស្តីពីការពង្រឹងការអនុវត្តវិធានសុវត្ថិភាពទេសចរណ៍សម្រាប់អាជីវកម្ម សេវាកម្មទេសចរណ៍ នៅទូទាំងខេត្តបាត់ដំបង ដើម្បីទប់ស្កាត់ការីករាលដាលនៃជំងឺកូវីដ១៩ ចូលក្នុងសហគមន៍ និងសេចក្តីជូនដំណឹងរបស់រដ្ឋបាលខេត្តបាត់ដំបង លេខ ៥៥៩/២១ ស.ជ.ណ ចុះថ្ងៃទី១០ ខែមីនា ឆ្នាំ២០២១ ស្តីពីការផ្អាកដំណើរការអាជីវកម្មក្លឹបហាត់ប្រាណដើម្បីសុខភាពនៅក្នុងនឹងក្រៅសណ្ឋាគារ ក្នុងភូមិសាស្រ្តខេត្តបាត់ដំបង ជាបណ្តោះអាសន្ន ។
នៅក្នុងការចុះត្រួតពិនិត្យនោះផងដែរ ក្រុមការងាក៏បានណែនាំឱ្យរាល់អាជីវកម្មអាហារដ្ឋាន ភោជនីយដ្ឋានដែលមានតន្រី្តចាក់កំដរមេត្តាធ្វើការផ្អាកសកម្មភាពមានភ្លេងកំដរក្នុងដំណើរអាជីវកម្មរបស់ខ្លួនចាប់ពីពេលនេះតទៅ ហើយចំពោះអាជីវកម្មម៉ាស្សាតាមផ្ទះល្វែង ក្រុមការងារបានស្នើឱ្យម្ចាស់អាជីវកម្មធ្វើការផ្អាកប្រកបអាជីវកម្មជាបណ្តោះអាសន្នផងដែរ ដើម្បីបង្ការ និងទប់ស្កាត់នូវជម្ងឺដ៏កាចសាហាវនេះនៅក្នុងសហគមន៍៕
អត្ថបទ៖ សោ និយមរដ្ឋ
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៣ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៦ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៤ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ