ព័ត៌មានជាតិ
ចិន ផ្ដល់អាហារូបករណ៍ថ្នាក់បរិញ្ញាបត្រជាន់ខ្ពស់ និងថ្នាក់បរិញ្ញាបត្រ ដល់និស្សិតកម្ពុជា ៦៥ នាក់
រដ្ឋាភិបាលសាធារណរដ្ឋប្រជាមានិតចិន បានផ្ដល់អាហារូបករណ៍ថ្នាក់បរិញ្ញាបត្រជាន់ខ្ពស់ និងថ្នាក់បរិញ្ញាបត្រ ដល់និស្សិតកម្ពុជា ចំនួន ៦៥ នាក់ ទៅសិក្សានៅប្រទេសចិន សម្រាប់ឆ្នាំសិក្សា ២០២៥-២០២៦។
នៅក្នុងសេចក្ដីជូនដំណឹងចុះថ្ងៃទី ២៥ វិច្ឆិកា លោកបណ្ឌិត ជូន ជីវិន រដ្ឋលេខាធិការក្រសួងអប់រំ យុវជន និងកីឡា បានឱ្យដឹងថា ក្នុងឆ្នាំ ២០២៥ ក្រសួង នឹងធ្វើការប្រឡងជ្រើសរើសនិស្សិត ចំនួន ៦៥ នាក់ ជាបេក្ខភាពទទួលអាហារូបករណ៍របស់រដ្ឋាភិបាល នៃសាធារណរដ្ឋប្រជាមានិតចិន (CSC) សម្រាប់ឆ្នាំសិក្សា ២០២៥-២០២៦។ ចំពោះសោហ៊ុយធ្វើដំណើរទៅមក កម្ពុជា ចិន កម្ពុជា ជាបន្ទុករបស់សាមីជន រីឯការចំណាយផ្សេងៗ ដូចជា ការស្នាក់នៅ ការសិក្សា និងប្រាក់អាហារូបករណ៍ ជាបន្ទុករបស់រដ្ឋាភិបាលចិន។ ចំពោះមុខជំនាញសិក្សារួមមាន វិទ្យាសាស្ត្រវិស្វកម្ម សេដ្ឋកិច្ច ការគ្រប់គ្រងពាណិជ្ជកម្ម វេជ្ជសាស្ត្រ ព័ត៌មានវិទ្យា ។ល។
លោកបានបន្តថា លក្ខខណ្ឌ នៃការចុះឈ្មោះជាបេក្ខជនថ្នាក់បរិញ្ញាបត្រជាន់ខ្ពស់ត្រូវមានសញ្ជាតិខ្មែរ មានសញ្ញាបត្របរិញ្ញាបត្រ (Bachelor) មានអាយុយ៉ាងច្រើន ៣៥ ឆ្នាំ មានចំណេះដឹងភាសាអង់គ្លេសជ្រៅជ្រះ មានសុខភាពល្អបរិបូណ៌ ទាំងកាយសម្បទា និងសតិបញ្ញា។
ចំណែកថ្នាក់បរិញ្ញាបត្រមានសញ្ជាតិខ្មែរ មានសញ្ញាបត្រមធ្យមសិក្សាទុតិយភូមិ ឬសញ្ញាបត្រមានតម្លៃសមមូលមានអាយុក្រោម ២៥ ឆ្នាំ មានលិខិតបញ្ជាក់ពីកម្រិតចំណេះដឹងភាសាចិន HSK3 និងមានសុខភាពល្អបរិបូណ៌ទាំងកាយសម្បទា និងសតិបញ្ញា។
លោកបានបន្តទៀតថា កាលបរិច្ឆេទ និងទីកន្លែងទទួលពាក្យពាក្យសុំប្រឡង នឹងចាប់ទទួលពីថ្ងៃផ្សាយដំណឹងនេះ រហូតដល់ថ្ងៃទី ២៥ ខែធ្នូ ឆ្នាំ ២០២៤ វេលាម៉ោង ១៦ និង ០០ នាទី នៅនាយកដ្ឋានសហប្រតិបត្តិការអន្តរជាតិ និងកិច្ចការអាស៊ាន នៃក្រសួងអប់រំ យុវជន និងកីឡា ដែលមានអាសយដ្ឋានអគារលេខ ២៣ ផ្លូវ ៣៦០ សង្កាត់បឹងកេងកងទី ១ ខណ្ឌបឹងកេងកង (ខាងកើតស្ថានីយទូរទស្សន៍អប្សរា ចម្ងាយប្រហែល ៥០ ម៉ែត្រ)។
កាលបរិច្ឆេទ នៃការប្រឡង នឹងប្រព្រឹត្តិទៅនៅថ្ងៃទី ៥ ខែមករា ឆ្នាំ ២០២៥។ រីឯ មណ្ឌលប្រឡង នឹងជូនដំណឹងនាពេលក្រោយ។ វិញ្ញាសាប្រឡងសម្រាប់ថ្នាក់បរិញ្ញាបត្រជាន់ខ្ពស់រួមមាន ភាសាអង់គ្លេស និងវប្បធម៌ទូទៅ។ សម្រាប់ថ្នាក់បរិញ្ញាបត្ររួមមាន គណិតវិទ្យា និងវប្បធម៌ទូទៅ។
ផ្អែកលើលទ្ធផលប្រឡង ក្រសួង នឹងជ្រើសរើសបេក្ខជនថ្នាក់បរិញ្ញាបត្រជាន់ខ្ពស់ ចំនួន ៣០ នាក់ និង ថ្នាក់បរិញ្ញាបត្រ ចំនួន ៣៥ នាក់ បញ្ជូនទៅឱ្យស្ថានទូតសាធារណរដ្ឋប្រជាមានិតចិន ប្រចាំព្រះរាជាណាចក្រកម្ពុជា ដើម្បីបន្តនីតិវិធី និងសម្រេចចុងក្រោយ៕
អត្ថបទ ៖ សំអឿន
ជនរងគ្រោះធ្លាក់យន្តហោះ Air India មិនទាន់កំណត់អត្តសញ្ញាណអស់
ក្រសួងពាណិជ្ជកម្ម ត្រៀមខ្លួនរួចជាស្រេចក្នុងការបង្វែរទិសទំនិញធ្លាប់លក់ឱ្យថៃ ទៅកាន់ទីផ្សារក្នុង និងក្រៅស្រុក
នគរបាលចាប់ឃាត់រថយន្ត-ម៉ូតូ ១៧ គ្រឿង ជិះបញ្ច្រាសខាងមុខអតីតសណ្ឋាគារ តាយម៉េង នៅខណ្ឌចំការមន
៤ថ្ងៃ អ៊ីរ៉ង់ បាញ់មីស៊ីល ៣៧០គ្រាប់ដាក់អ៊ីស្រាអែល វាយប្រហារជោគជ័យលើ ៣០ទីតាំង
ថៃ៖ មាតុភូមិនិវត្តន៍របស់ពលករចំណាកស្រុកខ្មែរ នឹងប៉ះពាល់ដល់វិស័យសំណង់ និងផ្លែឈើថៃ
អាជ្ញាធរខណ្ឌទួលគោក ដាំបង្គោលជាប់របងសាលាសន្ធរម៉ុក ការពារកុំឲ្យរថយន្តចតលើផ្លូវថ្មើរជើង
បុណ្យភ្ជុំបិណ្ឌ ស្ពានឆ្លងកាត់ទន្លេមេគង្គខេត្តក្រចេះ បើកឱ្យពលរដ្ឋធ្វើដំណើរបណ្តោះអាសន្ន
ត្រាំ ប្រាប់អ៊ីស្រាអែល កុំសម្លាប់មេដឹកនាំកំពូលអ៊ីរ៉ង់ ឲ្យសោះ
TASS ៖ អ៊ីរ៉ង់ត្រៀមខ្លួនទទួលយកកិច្ចព្រមព្រៀងនុយក្លេអ៊ែរ ក្រោយ៣ថ្ងៃនៃការផ្ទុះអាវុធ
ធ្លាក់ឧទ្ធម្ភាគចក្រស្លាប់មនុស្ស ៧នាក់ ក្នុងរដ្ឋ Uttarakhand ប្រទេសឥណ្ឌា
-
ព័ត៌មានអន្ដរជាតិ៥ ថ្ងៃ agoសេដ្ឋវិទូ៖ សេដ្ឋកិច្ចថៃប្រឈមហានិភ័យធ្លាក់ចូលក្នុងវិបត្តិបរិត្តផរណា
-
នយោបាយ៣ ថ្ងៃ agoរយៈពេលមិនដល់១២ម៉ោងកម្ពុជាទះថៃ៣កំផ្លៀង
-
ព័ត៌មានអន្ដរជាតិ៦ ថ្ងៃ agoសហព័ន្ធឧស្សាហកម្មថៃ៖ ការបិទព្រំដែនជាមួយកម្ពុជា ប៉ះពាល់ដល់ការនាំចេញថៃ ៥,២ ប៊ីលានដុល្លារ
-
ព័ត៌មានជាតិ១ សប្តាហ៍ agoនៅពេលលឺថាថៃចង់ប្រើទ័ពការពារអធិបតេយ្យភាពខ្លួន អតីតប្រមុខការទូតកម្ពុជាសួរថា តើអធិបតេយ្យភាពថៃនៅឯណា?
-
ព័ត៌មានអន្ដរជាតិ៣ ថ្ងៃ agoBreaking News! អ៊ីស្រាអែល វាយប្រហារអ៊ីរ៉ង់ហើយ! សង្គ្រាមធំអាចផ្ទុះឡើង
-
ព័ត៌មានជាតិ៥ ថ្ងៃ agoកម្ពុជា នឹងទទួលរងឥទ្ធិពលព្យុះទី១ ចាប់ពីថ្ងៃនេះ ដល់ថ្ងៃទី១៣មិថុនា
-
ព័ត៌មានអន្ដរជាតិ៣ ថ្ងៃ agoមហាសំណាង! មនុស្សម្នាក់គត់នៅរស់ពីការធ្លាក់យន្តហោះឥណ្ឌា ដោយសារលោតចុះតាមច្រកចេញអាសន្ន
-
នយោបាយ៣ ថ្ងៃ agoសម្ដេចតេជោប្រាប់ទៅរដ្ឋាភិបាលត្រៀមផ្ទុះអាវុធគ្រប់ពេលដែលថៃឈ្លានពាន