ព័ត៌មានជាតិ

សម្តេច ម៉ែន សំអន ស្នើ គណៈចលនាមហាជនទូទាំងប្រទេស បន្តចុះជួយដោះស្រាយរាល់ទុក្ខលំបាកពលរដ្ឋតាមមូលដ្ឋាន

បានផុស

៣ ខែ មុន

នៅ

ថ្ងៃចន្ទ ១៦ ធ្នូ ២០២៤

ដោយ

សម្តេចកិត្តិសង្គហបណ្ឌិត ម៉ែន សំអន អនុប្រធានគណបក្សប្រជាជនកម្ពុជា និងក្នុងនាមប្រធានគណៈចលនាមហាជន នៃគណៈកម្មាធិការកណ្តាល បានស្នើឲ្យក្រុមការងារទាំងអស់របស់គណៈចលនាមហាជនទូទាំងប្រទេសបន្តចុះជួយដោះស្រាយនូវរាល់ទុក្ខលំបាកពលរដ្ឋផ្ទាល់តាមមូលដ្ឋានរៀងៗខ្លួន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សម្តេចកិត្តិសង្គហបណ្ឌិត ម៉ែន សំអន បានថ្លែងបែបនេះ ខណៈពេលអញ្ជើញជាអធិបតីភាពកិច្ចប្រជុំតាមដានវឌ្ឍនភាពការងាររៀបចំសន្និបាតបូកសរុបលទ្ធផលការងារប្រចាំឆ្នាំ ២០២៤ និងទិសដៅការងារបន្តរបស់គណៈចលនាមហាជន នៃគណៈកម្មាធិការកណ្ដាលគណបក្សប្រជាជនកម្ពុជា នៅវិមាន ៧ មករា រាជធានីភ្នំពេញ កាលពីរសៀលថ្ងៃសៅរ៍ ១៤ កើត ខែមិគសិរ ឆ្នាំរោង ឆស័ក ព.ស. ២៥៦៨ ត្រូវនឹង ថ្ងៃទី ១៤ ខែធ្នូ ឆ្នាំ ២០២៤។

សម្តេចកិត្តិសង្គហបណ្ឌិត ម៉ែន សំអន ក៏បានថ្លែងនូវការកោតសរសើរ និងអំណរគុណដល់ អស់លោកលោកស្រីក្រុមការងារទាំងអស់ ពិសេសដែលបានបំពេញការងារយ៉ាងសកម្មក្នុងពេលកន្លងមក ពិសេស ឯកឧត្តម ហ៊ុន ម៉ានី អគ្គលេខាធិការ នៃគណៈចលនាមហាជន បានធ្វើសេចក្តីរាយការណ៍អំពីវឌ្ឍនភាពការងារដ៏លំអិតក្នុងរយៈពេល ១ ឆ្នាំ កន្លងមក។

ជាមួយគ្នានេះដែរ សម្តេចកិត្តិសង្គហបណ្ឌិត ម៉ែន សំអន ក៏បានផ្ដល់នូវអនុសាសន៍ល្អៗ ដើម្បីបន្តការងារចុះជួយដោះស្រាយទុក្ខលំបាកពលរដ្ឋដែលរងផលប៉ះពាល់ និងការធ្វើសកម្មភាពសប្បុរសធម៌នានាមានសារៈសំខាន់ណាស់ ដែលបានបង្ហាញអំពីសាមគ្គីភាព និងការយកចិត្តទុកដាក់លើពលរដ្ឋក្នុងពេលជួបគ្រាលំបាក ស្របតាមស្មារតីរបស់គណបក្សប្រជាជនកម្ពុជា “គណបក្សប្រជាជនមានឫសគល់ពីប្រជាជន នៅជាមួយប្រជាជន និងដើម្បីប្រជាជន”ជាកត្តាចាំបាច់បំផុតដែលត្រូវបន្តអនុវត្តជារៀងរហូត៕

អត្ថបទ ៖ វិមាន

Related Topics:សម្តេច ម៉ែន សំអន