ព័ត៌មានជាតិ
រដ្ឋបាលខេត្តមណ្ឌលគិរី ប្រារព្ធខួបលើកទី ១៣៩ ទិវាពលកម្មអន្តរជាតិ ១ ឧសភា ឆ្នាំ ២០២៥
រដ្ឋបាលខេត្តមណ្ឌលគិរី ប្រារព្ធពិធីអបអរសាទរខួបអនុស្សាវរីយ៍លើកទី ១៣៩ នៃទិវាពលកម្មអន្តរជាតិ ១ ឧសភា ក្រោមប្រធានបទ «រួមគ្នាដើម្បីការងារសមរម្យ និងកំណើនប្រកបដោយចីរភាព និងភាពធន់» ដែលធ្វើឡើងកាលពីថ្ងៃទី ១៨ ខែឧសភា ឆ្នាំ ២០២៥ ម្សិលមិញ ក្នុងបរិវេណក្រុមហ៊ុន ចម្ការកៅស៊ូប៊ិញហ្វឿកក្រចេះ រ៉ាប់ប៊ើ«1» ខមភេនី លីមីធិត ស្ថិតនៅភូមិពូគង់ ឃុំស្រែព្រះ ស្រុកកែវសីមា ខេត្តមណ្ឌលគិរី។
កម្មវិធីនេះប្រព្រឹត្តទៅក្រោមអធិបតីភាព លោក ម៉ែន ង៉ុយ ប្រធានក្រុមប្រឹក្សាខេត្តមណ្ឌលគិរី លោក ឌឹម នី អភិបាលរងខេត្ត រួមទាំងមន្ត្រីរាជការ តំណាងក្រុមហ៊ុនសហគ្រាស និងកម្មករ-និយោជិត និយោជក ប្រមាណ ៥០០ នាក់។
នាឱកាសនោះ លោក ឌឹម នី អភិបាលរងខេត្តមណ្ឌលគិរី បានអានសារលិខិតរបស់ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃកម្ពុជា ដោយមានខ្លឹមសារថា ដោយការយកចិត្តទុកដាក់ខ្ពស់របស់រាជរដ្ឋាភិបាលក្នុងការបន្តលើកកម្ពស់លក្ខខណ្ឌការងារ សិទ្ធិការងារ សេរីភាពអង្គការ វិជ្ជាជីវៈ អត្ថប្រយោជន៍ នៃរបបសន្តិសុខសង្គម អត្ថប្រយោជន៍នានារបស់កម្មករ-និយោជិត និងពង្រឹងយន្តការដោះស្រាយវិវាទការងារ ដែលធ្វើឱ្យទំនាក់ទំនងវិជ្ជាជីវៈកាន់តែល្អប្រសើរឡើង។
លោកអភិបាលរងខេត្ត បានរំលេចពីគោលដៅអភិវឌ្ឍន៍ប្រកបដោយចីរភាពរបស់រាជរដ្ឋាភិបាល បានកំណត់ចក្ខុវិស័យរយៈពេលវែង ក្នុងការកសាងកម្ពុជាឱ្យក្លាយជាអរិយប្រទេសមួយ ដែលឆ្លើយតបនឹងលក្ខណៈសម្បត្តិចំនួន ៥ រួមមាន ៖ ១.កម្ពុជា ជាសង្គមជាតិមួយដ៏រស់រវើក , ២.កម្ពុជា ជាប្រទេសមានចំណូលខ្ពស់ និងមានសេដ្ឋកិច្ចធន់ និងរឹងមាំ , ៣.ប្រជាជនកម្ពុជា មានចំណេះដឹងខ្ពស់ និងជំនាញមួយយ៉ាងតិចប្រចាំជីវិត , ៤.ប្រជាជនកម្ពុជា រស់នៅក្នុងសេចក្ដីថ្លៃថ្នូរ សុភមង្គល និងទទួលបានការគាំពារសង្គម ប្រកបដោយសមធម៌ ស្មើសិទ្ធិ និងស្មើឱកាស និង ៥.កម្ពុជា មាន បរិស្ថានរូបវន្ត និងធម្មជាតិ ប្រកបដោយសុខដុមភាព ភាពធន់ បរិយាបន្ន និងតុល្យភាព រវាងការអភិវឌ្ឍ និងការអភិរក្សធនធានធម្មជាតិ។ ក្នុងត្រីមាសទី ១ ឆ្នាំ ២០២៥ នេះ ក្រុមប្រឹក្សាអភិវឌ្ឍន៍កម្ពុជា បានចុះបញ្ជីគម្រោងវិនិយោគសរុបចំនួន ១៧២ គម្រោង ដែលមានទុនវិនិយោគសរុបប្រមាណ ២,៥ ពាន់លានដុល្លារអាមេរិក និងអាចបង្កើតការងារបានចំនួនប្រមាណជិត ១២ ម៉ឺនកន្លែង ក្នុងនោះ គម្រោងពង្រីកផលិតកម្មមានចំនួន ៦ គម្រោង។ ជាមួយគ្នានេះ ក្នុងត្រីមាសទី ១ ឆ្នាំ ២០២៥ ដដែលនេះ សហគ្រាស គ្រឹះស្ថាន បានកើនឡើងពីចំនួន ៤៤ ៧៩៨ ដល់ចំនួន ៤៥ ២៥៥ សហគ្រាស (កើនឡើងចំនួន ៤៥៧ សហគ្រាស) ហើយចំនួនកម្មករ-និយោជិត បានកើនឡើងពីចំនួន ១ ៨១៦ ០៤៦ នាក់ ដល់ចំនួន ១ ៨៤៦ ៨៣៧ នាក់ (កើនឡើងចំនួន ៣០ ៧៩១ នាក់)។
ជាមួយគ្នានេះ លោក ណយ ច័ន្ទតារា ប្រធានមន្ទីរការងារ និងបណ្ដុះបណ្ដាលវិជ្ជាជីវៈខេត្តមណ្ឌលគិរី បានឱ្យដឹងថា ក្នុងខេត្តមានសហគ្រាស គ្រឹះស្ថាន សរុបចំនួន ២២១ សហគ្រាស ចែកចេញជា ៣ វិស័យធំៗ គឺ ៖ កសិកម្មមានចំនួន ១៥ សហគ្រាស ឧស្សាហកម្មចំនួន ២៦ សហគ្រាស និងសេវាកម្មចំនួន ១៨០ សហគ្រាស ដែលមានកម្មករ-និយោជិតសរុបចំនួន ៤,៣៦៣ នាក់ ស្រីចំនួន ១,៥១៩ នាក់។ គិតត្រឹមខែឧសភា ឆ្នាំ ២០២៥ នេះ បេឡាជាតិសន្តិសុខសង្គម (ប.ស.ស) មានសហគ្រាសដែលបានចុះបញ្ជីវិស័យឯកជនក្នុងខេត្តសរុបចំនួន ២៥១ សហគ្រាស មានសមាជិកសរុប ៦,១៧៤ នាក់ ស្រី ២,៣៧០ នាក់។
លោកបន្ថែមថា កម្មវិធីបណ្ដុះបណ្ដាលជំនាញវិជ្ជាជីវៈ និងបច្ចេកទេសដល់យុវជនមកពីគ្រួសារក្រីក្រ និងគ្រួសារងាយរងហានិភ័យ រួមទាំងកម្មករ-និយោជិត ដោយមានអ្នកចុះឈ្មោះចូលរៀនចំនួន ៣៥០ នាក់ សិស្សកំពុងសិក្សា និងបញ្ចប់ការសិក្សាចំនួន ១៧៩ នាក់ និងសិស្សទទួលបានការងារធ្វើចំនួន ៨២ នាក់។
លោកបញ្ជាក់ថា សម្រាប់សិស្សដែលមកពីគ្រួសារក្រីក្រ មិនត្រឹមតែទទួលបានការបណ្ដុះបណ្ដាលដោយមិនគិតថ្លៃនោះទេ ថែមទាំងទទួលបានប្រាក់ឧបត្ថម្ភចំនួន ២៨ ម៉ឺនរៀល ក្នុង ១ ខែ ផងដែរ ដើម្បីរួមគ្នាជំរុញកម្មវិធីបណ្ដុះបណ្ដាល និងមានការបត់បែនវេនបណ្ដុះបណ្ដាលតាមតម្រូវការ។
គួរជម្រាបថា នាឱកាសប្រារព្ធពិធីអបអរសាទរខួបនោះដែរ រដ្ឋខេត្តមណ្ឌលគិរី ក៏បានឧបត្ថម្ភអាវយឺត និងថវិកាមួយចំនួនដល់កម្មករ-និយោជិត និយោជក ប្រមាណ ៥០០ នាក់ រួមទាំងពិសាអាហារសាមគ្គីជាមួយសហការីផងដែរ៕
អត្ថបទ ៖ រៀម សុខហេង
រដ្ឋបាលខេត្តមណ្ឌលគិរី ប្រារព្ធខួបលើកទី ១៣៩ ទិវាពលកម្មអន្តរជាតិ ១ ឧសភា ឆ្នាំ ២០២៥
ពេជ្រ អាទិទេព កាន់តែឡើងខ្លាំង៤ប្រកួតសន្សំពិន្ទុក្នុងពូលវាយដៃគូឲ្យសន្លប់ទាំងអស់
Nieto ឈរជាអ្នកឈ្នះស្បែកជើងមាស ខណៈវីរៈ ដារ៉ា ឈរជាអ្នកឈ្នះស្រោមដៃមាសរដូវកាលនេះ
ទុរេនបែកអន្លូងលក់រាយក្នុងតម្លៃ ១ ម៉ឺន ៨ ពាន់រៀលក្នុងមួយគីឡូក្រាម
អភិបាលខេត្តស្ទឹងត្រែង អំពាវនាវដល់ពលរដ្ឋ ប្រើប្រាស់ប្រាក់រៀលឱ្យបានកាន់តែទូលំទូលាយ
មន្ត្រីសុខាភិបាល អំពាវនាវឱ្យពលរដ្ឋចាក់វ៉ាក់សាំង Pfizer ដើម្បីការពារវីរុសបំប្លែងថ្មី JN.1
ស្ត្រីអាយុជាង ៣០ ឆ្នាំ ម្នាក់ សង្ស័យត្រូវគេដឹកទៅទម្លាក់ចោលក្នុងដីឡូត៍មួយកន្លែង ដោយសភាពនៅមានដង្ហើម
តំបន់ទឹកធ្លាក់ ៥ លើខ្នងភ្នំត្បែង ក្លាយជាគោលដៅទេសចរណ៍ទាក់ទាញបំផុត របស់ខេត្តព្រះវិហារ
Update ៖ ករណីនារីម្នាក់ ធ្លាក់ពីលើអគារនៅខណ្ឌចំការមន
ព័ត៌មានបឋម ៖ នារីវ័យក្មេងម្នាក់ ធ្លាក់ពីលើអគារមួយកន្លែង នៅខណ្ឌចំការមន មិនទាន់ដឹងមូលហេតុ
-
ចរាចរណ៍២ ថ្ងៃ agoស្នងការខេត្តប៉ៃលិន បំភ្លឺជុំវិញករណីគ្រោះថ្នាក់ចរាចណ៍បណ្តាលឱ្យស្លាប់ភាគីជិះម៉ូតូ
-
ជីវិតកម្សាន្ដ១ សប្តាហ៍ agoមាស សុខសោភា ស្នើមហាជនទុកផ្លូវឱ្យខ្លួននិងតាសក់ស ក្រោយដឹងរឿងអតីតស្វាមីប្តឹង និងនៅតែមានការវែកញែក
-
ចរាចរណ៍៤ ថ្ងៃ agoUpdate៖ អ្នកបង្កគ្រោះថ្នាក់បុករះនៅមុខក្រសួងមហាផ្ទៃ ជានាយការិយាល័យគណនេយ្យ ចំណុះផែនការងារភស្តុភារ និងហិរញ្ញវត្ថុ នៃស្នងការដ្ឋាននគរបាលរាជធានីភ្នំពេញ
-
ចរាចរណ៍៤ ថ្ងៃ agoUpdate៖ អ្នកបើករថយន្ដបុករះនៅមុខក្រសួងមហាផ្ទៃ ស្ថិតក្រោមជាតិអាល់កុល 0,35mg/L
-
សន្តិសុខសង្គម៥ ថ្ងៃ agoឃាត់ខ្លួនប្រធានផ្សារទួលពង្រ និងបក្ខពួក ពាក់ព័ន្ធករណីដើរយកភាស៊ីពីអាជីវករលក់ដូរតាមរ៉ឺម៉កម៉ូតូ
-
ព័ត៌មានជាតិ៧ ថ្ងៃ agoរតនគិរី៖ ជនជាតិដើមភាគតិច ស្នើរដ្ឋាភិបាលសាងសង់ស្ពានឆ្លងកាត់ទន្លេសម្រួលដល់ការធ្វើដំណើរ
-
កីឡា៣ ថ្ងៃ agoលោក អេ ភូថង ប្រាប់ថា មិនដឹងរឿងផ្ទាល់ខ្លួនរបស់ ធឿន ធារ៉ា ខណៈបែកធ្លាយវីដេអូជក់បារីអេឡិចត្រូនិក
-
ព័ត៌មានជាតិ២៣ ម៉ោង agoមន្ត្រីសុខាភិបាល អំពាវនាវឱ្យពលរដ្ឋចាក់វ៉ាក់សាំង Pfizer ដើម្បីការពារវីរុសបំប្លែងថ្មី JN.1