នយោបាយ
ប្រធានសភាចិនប្រាប់កម្ពុជាពីតម្រូវការនៃក្របខ័ណ្ឌ២បូក២ដើម្បីពង្រឹងសន្តិសុខ
ប្រធានគណៈកម្មាធិការអចិន្ត្រៃយ៍នៃសភាតំណាងប្រជាជនចិនលោក ចាវ ឡឹជី បានលើកឡើងប្រាប់ប្រធានសភាកម្ពុជា សម្ដេចសភាធិបតី ឃួន សុដារី តម្រូវការនៃការរៀបចំនូវជំនួបមួយរវាងកម្ពុជានិងចិន ក្នុងក្របខណ្ឌកិច្ចការបរទេស និងកិច្ចការពារជាតិ ដែលមានសារៈសំខាន់ក្នុងការពង្រឹងនិងថែរក្សាសន្ដិភាព និងសន្តិសុខ នៃប្រទេសទាំងពីរ។
តាមការឱ្យដឹងពីរដ្ឋសភាកម្ពុជាក្នុងជំនួបកាលពីថ្ងៃទី១៤ ខែតុលា នៅរដ្ឋធានីប៉េកាំងលោក ចាវ ឡឹជី បានលើកឡើងថា ក្នុងពេលដែលគម្រោងជាច្រើននៅកម្ពុជាត្រូវបានចិនគាំទ្រ ប្រទេសនេះនឹងរីករាយសហការជាមួយកម្ពុជាបន្ថែមទៀតនូវគំនិតផ្ដួចផ្ដើមជាច្រើនទៀតដើម្បីផលប្រយោជន៍រួមនៃប្រទេសទាំងពីរលោកក៏បានលើកឡើងពីជំនួបកម្រិត២+២ដែលត្រូវរៀបចំឡើងដោយប្រទេសទាំងពីរផងដែរ។
គោលនយោបាយ ២+២ របស់ចិនគឺជាយន្តការនៃការសន្ទនារវាងចិនជាមួយប្រទេសមួយចំនួននៅតំបន់អាស៊ានក្នុងគោលដៅបញ្ចៀសនូវការរំខានពីគោលនយោបាយពន្ធរបស់ប្រធានាធិបតីអាមេរិកលោក ដូណាល់ ត្រាំ។ នេះបើតាមអ្នកស្រាវជ្រាវនៃវិទ្យាស្ថាន ISEAS ប្រទេសសឹង្ហបុរីលោក Lye Lian Fook និងចុះផ្សាយដោយគេហទំព័រ Thnikchina.sg។ លោកថាវេទិកានេះអាចបង្កើនភាពជិតស្និត និងការជឿទុកចិត្តរវាងប្រទេសក្នុងតំបន់ជាមួយប្រទេសចិន។
យន្តការពិភាក្សា២បូក២របស់ចិននេះត្រូវបានលើកឡើងក្នុងពេលដែលប្រធានាធិបតីចិនលោក ស៊ី ជិនពីង ធ្វើដំណើរទស្សនកិច្ចនៅប្រទេស៣ក្នុងតំបន់អាស៊ាន កម្ពុជា វៀតណាម ម៉ាឡេស៊ី កាលពីខែមេសា ឆ្នាំ២០២៥កន្លងមក។
ក្នុងតំបន់អាស៊ានមានប្រទេស២ដែលបានចូលរួមក្នុងយន្តការពិភាក្សា២បូក២ និង៣បូក៣របស់ចិនរួមមានប្រទេសប្រទេសវៀតណាម និងឥណ្ឌូណេស៊ី។
រដ្ឋសភាកម្ពុជាមិនបានបញ្ជាក់យ៉ាងណាពីការលើកឡើងរបស់សម្ដេចប្រធានសភាកម្ពុជា ឃួន សុដារី តបនឹងការលើកឡើងពីក្របខណ្ឌ២បូក២នេះនោះទេ គ្រាន់តែសម្ដេចបានមានប្រសាសន៍ថ្លែងអំណរគុណចំពោះជំនួយនានារបស់ចិនមកកម្ពុជា និងការពង្រឹងកម្រិតនៃទំនាក់ទំនងរវាងកម្ពុជាចិនកាន់តែខ្លាំងក្លា គោរពគ្នា និងជឿទុកចិត្តគ្នាទៅវិញទៅមក។
សម្ដេចមានប្រសាសន៍ថា៖ «ជោគជ័យរបស់មិត្តចិនក៏ដូចជាជោគជ័យរបស់កម្ពុជា។ សន្តិសុខរបស់កម្ពុជាជាសន្តិសុខរបស់ចិន។ សន្តិសុខរបស់ចិនជាសន្តិសុខរបស់កម្ពុជា»។
ទំនាក់ទំនងការទូតកម្ពុជា-ចិនចាប់ផ្ដើមនៅថ្ងៃទី១៩ ខែកក្កដា ឆ្នាំ១៩៥៨ នឹងចាប់ផ្ដើមបន្តរីកចម្រើនជាលំដាប់ដល់ពេលបច្ចុប្បន្នរឹងមាំ និងជាកិច្ចសហប្រតិបត្តិការដៃគូយុទ្ធសាស្ត្រគ្រប់ជ្រុងជ្រោយជាមិត្តដែកថែប និងបានបង្កើត «ក្របខ័ណ្ឌកិច្ចសហប្រតិបត្តិការត្បូងពេជ្រ» ពង្រឹងបន្ថែមលើកិច្ចសហប្រតិបត្តិការនយោបាយ សមត្ថភាពនិងគុណភាពផលិតកម្ម កសិកម្ម ថាមពល សន្តិសុខ និងការផ្លាស់ប្តូររវាងប្រជាជននិងប្រជាជនកាលពីឆ្នាំ២០២៣កន្លងទៅផងដែរ៕
អត្ថបទដោយ ហ៊ុន សិរីវឌ្ឍន៍
-
សេចក្ដីជូនដំណឹង៦ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
ព័ត៌មានអន្ដរជាតិ៥ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
កីឡា១៤ ម៉ោង agoល្ងាចនេះ U19 កម្ពុជា ប៉ះ ថៃ វគ្គពាក់កណ្តាលផ្តាច់ព្រ័ត្រ ខណៈជួបគ្នាចុងក្រោយ ថៃ ខកចិត្តម្តងហើយ
-
សេដ្ឋកិច្ច៧ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
កីឡា១ សប្តាហ៍ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
សន្តិសុខសង្គម៥ ថ្ងៃ agoចុះពិនិត្យរដ្ឋបាល អគារ The Bridge ខណ្ឌចំការមន រកឃើញជនបរទេស ៤ នាក់ ស្នាក់នៅខុសច្បាប់ និង ដកហូតគ្រឿងញៀនជាង ៦៥ គីឡូក្រាម
-
ព័ត៌មានអន្ដរជាតិ៦ ថ្ងៃ agoពូទីន គេចមិនឆ្លើយរឿងកាន់អំណាចដល់ឆ្នាំ២០៣៦ ហើយប្រាប់ថា «មានតែព្រះទេទើបដឹង»
-
ព័ត៌មានជាតិ១ សប្តាហ៍ agoសម្តេចធិបតី៖ ទម្លាប់ខ្ញុំវាយតម្លៃការងារផ្អែកលើលទ្ធផលជាក់ស្តែង មិនមើលតែរបាយការណ៍ល្អៗពីថ្នាក់ក្រោមនោះទេ