នយោបាយ
លោក កឹម សុខា នឹងរៀបចំសន្និសីទកាសែត ដើម្បីបញ្ជាក់ជំហរផ្តាច់សម្ព័ន្ធភាពជាមួយលោក សម រង្ស៊ី
លោក មុត ចន្ថា នាយកខុទ្ទកាល័យលោកកឹម សុខា បានថ្លែងប្រាប់កម្ពុជាថ្មី នារសៀលថ្ងៃទី ១៥ ខែមិថុនា ឆ្នាំ ២០២២នេះថា ក្នុងសវនាការនៅសាលាដំបូងរាជធានីភ្នំពេញ កាលពីព្រឹកមិញ លោក កឹម សុខា បានបញ្ជាក់ជំហរយ៉ាងច្បាស់ទាក់ទង ទៅនឹងសម្ព័ន្ធភាពជាមួយលោក សម រង្ស៊ី ដោយលោកបញ្ជាក់ថា ចាប់ពីនេះទៅលោកគ្មានអ្វីជាប់ពាក់ព័ន្ធជាមួយលោកសម រង្ស៊ី ទៀតទេ ហើយនៅពេលណាគាត់មានសិទ្ធិ គាត់នឹងរៀបចំសន្និសីទសារព័ត៌មាន ដើម្បីបញ្ជាក់ជំហរជាសាធារណៈឲ្យកាន់តែច្បាស់។
លោក មុត ចន្ថា បញ្ជាក់យ៉ាងដូច្នេះថា «គាត់បានឆ្លើយបែបនេះតបទៅនឹងសំណួរថា បើដឹងថា សម រង្ស៉ី ហិង្សា និងជ្រុលនិយម ហេតុអីរួបរួមជាមួយ សម រង្ស៉ី។ ឯកឧត្តម កឹម សុខា បានបញ្ជាក់ថា ការរួបរួមគ្នានៅខែកក្កដា ឆ្នាំ ២០១២ គឺបានធ្វើឡើងតាមឆន្ទៈរបស់ប្រជាពលរដ្ឋខ្មែរ មិនមែនតាមបរទេសណាប្រាប់ឲ្យធ្វើ ឬបង្គាប់បញ្ជាឡើយ និងផ្អែកលើគោល ការណ៍អហិង្សា លក្ខន្តិកៈ និងបទបញ្ជាផ្ទៃក្នុង ហើយនិងច្បាប់ជាតិ»។
លោក កឹម សុខា បញ្ជាក់ទៀតថា «អ្វីដែល សម រង្ស៉ី បានធ្វើកន្លងមក លោកមិនបានដឹងឮ ឬមិនបានជាប់ពាក់ព័ន្ធឡើយ។ ប៉ុន្តែពីនេះទៅមុខ ក្នុងសវនាការនៅព្រឹក ឯកឧត្តម កឹម សុខា បានប្រកាសថា រឿងរវាងគាត់ និង សម រង្ស៉ី គ្មានអ្វីជាប់ពាក់ព័ន្ធគ្នាទៀតទេ និងបានចប់ហើយ។ គាត់ក៏បានបញ្ជាក់យ៉ាងច្បាស់ថា នៅពេលណាគាត់មានសិទ្ធិពេញលេញ គាត់នឹងធ្វើសន្និសីទសារព័ត៌មានបញ្ជាក់ជំហរ ជាសាធារណៈឲ្យកាន់តែច្បាស់»។ នេះជាការបញ្ជាក់បន្ថែមរបស់លោក មុត ចន្ថា។
ជាការកត់សម្គាល់ ការប្រកាសរបស់លោក កឹម សុខា បានធ្វើឡើងបន្ទាប់ពីទណ្ឌិត សម រង្ស៊ី បានថ្លែងវាយប្រហារលោក កឹម សុខា ដែលមិនបានចេញទៅចូលរួមបោះឆ្នោត គាំទ្រគណបក្សភ្លើងទៀន សម្រាប់ការបោះឆ្នោតជ្រើសរើស ក្រុមប្រឹក្សាឃុំសង្កាត់-អាណត្តិទី ៥ កាលពីថ្ងៃទី ៥ ខែមិថុនា ឆ្នាំ ២០២២កន្លងទៅនេះ បើទោះជាលោក កឹម សុខា មានឈ្មោះបោះឆ្នោតនៅក្នុងបញ្ជីឈ្មោះបោះឆ្នោតក្តី៕
អត្ថបទ៖ កោះកែវ
-
ព័ត៌មានជាតិ៦ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៤ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៤ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ចរាចរណ៍៩ ម៉ោង ago
បឋម៖ រថភ្លើងបុករថយន្ដក្រុងដឹកអ្នកដំណើររបួសច្រើននាក់
-
ព័ត៌មានជាតិ៥ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
សេដ្ឋកិច្ច៥ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានជាតិ៥ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
ព័ត៌មានអន្ដរជាតិ៣ ថ្ងៃ ago
លម្អិតហេតុការណ៍រន្ធត់ កប៉ាល់ដឹកកុងតឺន័រ បុកបាក់ស្ពាននៅទីក្រុង Baltimore