នយោបាយ
សម្ដេចតេជោ ស្វាគមន៍លោក សាយ បូរី ដែលចូលមករួមរស់ក្នុងទ្រនំនយោបាយជាមួយបក្សប្រជាជនកម្ពុជា
សម្ដេចតេជោ ហ៊ុន សែន ប្រធានគណបក្សប្រជាជនកម្ពុជា នារាត្រីថ្ងៃទី០៥ ខែកញ្ញានេះ បានប្រកាសស្វាគមន៍ លោក សាយ បូរី ដែលចូលមករួមរស់ក្នុងជីវភាពនយោបាយជាមួយគណបក្សប្រជាជនកម្ពុជា។
បើតាមខ្លឹមសារដើមក្នុងប្រព័ន្ធតេឡេក្រាមរបស់សម្ដេចតេជោ ហ៊ុន សែន សម្ដេចបានគូសបញ្ជាក់ថា៖ “ជាថ្មីម្តងទៀត ក្នុងនាមគណបក្សប្រជាជនកម្ពុជា ខ្ញុំសូមស្វាគមន៍យ៉ាងកក់ក្តៅចំពោះលោក សាយ បូរី ដែលបានសម្រេចចិត្តមកចូលរួមជីវភាពនយោបាយជាមួយគណបក្សប្រជាជនកម្ពុជា”។
ជាមួយគ្នានេះ មុននឹងសម្ដេចតេជោ ហ៊ុន សែន ប្រកាសស្វាគមន៍ចំពោះរបត់នយោបាយដែលលោក សាយ បូរី ចូលមករួមរស់ជាមួយគណបក្សប្រជាជនកម្ពុជា លោក សាយ បូរី ផ្ទាល់ក៏បានសរសេរនៅលើគណនីហ្វេសប៊ុករបស់ខ្លួននាល្ងាចថ្ងៃទី០៥ ខែកញ្ញានេះ ដោយបង្ហាញពីគោលជំហររបស់លោកដែលផ្លាស់មករួមរស់ជាមួយគណបក្សកាន់អំណាច ដើម្បីចង់នៅពីក្រោយអ្នកបន្តវេនទៅមុខ ឆ្ពោះទៅរកការរីកចម្រើនរបស់សង្គមឲ្យកាន់តែបានឆាប់រហ័ស។
លោក សាយ បុរី ក៏បានអះអាងតាមបណ្ដាញសង្គមហ្វេសប៊ុកថា លោកយល់ច្បាស់អំពីមនោគមវិជ្ជាដឹកនាំប្រទេសរបស់សម្តេចតេជោ ហ៊ុន សែន ដែលក្នុងខ្លឹមសារស៊ីជម្រៅត្រូវនឹងឧត្តមគតិរបស់ខ្ញុំទាំងស្រុង។ ជាពិសេស លោកបានឃើញច្បាស់អំពីការឈានឡើងជាបន្តបន្ទាប់នៃការអភិវឌ្ឍប្រទេសជាតិ កិត្យានុភាពជាតិ និងភាពសុខសាន្តរបស់ប្រជាជនកម្ពុជា ក្រោមដំបូលនៃសុខសន្តិភាព។
លោកបានបន្តថា មួយជីវិតលោក ជាអ្នកសិក្សាស្រាវជ្រាវ ជាអ្នកបណ្តុះបណ្តាលបញ្ញវន្តនានាជាច្រើននាក់ និងជាអ្នកនយោបាយមួយរូប លោកមើលឃើញច្បាស់ថា ស្ថានភាពកម្ពុជា មានលក្ខណៈល្អប្រសើរស្ទើគ្រប់វិស័យ ហើយគ្រឹះនៃសុខសន្តិភាព ព្រមទាំងការរៀបចំការបន្តវេនដឹកនាំប្រទេស ដោយអ្នកជំនាន់ក្រោយ ដែលមានសម្តេចមហាធិបតី ហ៊ុន ម៉ាណែត ដែលជាបញ្ញវន្តពោពេញទៅដោយសមត្ថភាព នឹងបន្តធ្វើឱ្យប្រទេសជាតិយើង កាន់តែមានការរីកចំរើន និងកិត្យានុភាពជាតិលើឆាកអន្តរជាតិ ហើយប្រជាជននឹងបន្តរស់នៅក្នុងភាពសុខសាន្តក្រោមដំបូលនៃសុខសន្តិភាព។
លោក សាយ បូរីក៏បានផ្ដាំផ្ញើរទៅកាន់ប្រជាជាតិកម្ពុជាថា ខ្មែររួមគ្នាជាធ្លុងមួយ ខ្មែរខ្លាំង និងបានសុខក្សេមក្សាន្តយូរអង្វែង ហើយស្រុកទេសនឹងរីកចម្រើនឆាប់រហ័ស។
សូមជម្រាបថា លោក សាយ បូរី គឺជាអតីតឥស្សរជននៃគណបក្សលោកតាសឺនសាន។ លោកបានលាលែងតំណែងពីគណបក្សលោកតា សឺន សាន តាំងពីឆ្នាំ ១៩៩៥។ បន្តមកលោក ក៏បានបង្កើតគណ:មេធាវី បន្ថែមពីនេះលោក គឺជាសាស្ត្រាចារ្យផ្នែកច្បាប់ លោកជាអ្នកស្រាវជ្រាវ៕
អត្ថបទដោយ៖ ង៉ិល ណារ៉ាត់
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៣ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៦ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៤ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ