Connect with us

នយោបាយ

សមាជិកគណបក្សភ្លើងទៀនច្រើនឡើងៗ បានប្រកាសផ្តាច់ខ្លួនចេញ ហើយមកសុំចូលរួមជាមួយគណបក្សប្រជាជនកម្ពុជា

បានផុស

នៅ

សមាជិកនៃរចនាសម្ព័ន្ធគណបក្សភ្លើងទៀន សង្កាត់ កោះអន្លង់ចិន ក្រុងតាខ្មៅ ខេត្តកណ្តាលចំនួន៥នាក់បន្ថែមទៀតហើយ បានប្រកាសផ្តាច់ខ្លួនចេញពីគណបក្សប្រឆាំង និងបានគោរពស្នើសុំសម្តេចតេជោ ហ៊ុន សែន ចូលរួមជីវភាពនយោបាយជាមួយគណបក្សប្រជាជនកម្ពុជា ចាប់ពីពេលនេះតទៅ។ នេះបើតាមការបង្ហាញឱ្យដឹងរបស់សម្តេចតេជោ ប្រធានគណបក្សប្រជាជនកម្ពុជានៅលើតេឡេក្រាមរបស់សម្តេចនៅព្រឹកថ្ងៃអាទិត្យនេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សមាជិកនៃរចនាសម្ព័ន្ធគណបក្សភ្លើងទៀន សង្កាត់ កោះអន្លង់ចិន ក្រុងតាខ្មៅ ខេត្តកណ្តាលទាំង៥នាក់នេះ រួមមាន លោកស្រី ឃឹម រដ្ឋា ប្រធាន លោកស្រី សាត ធួក ហេរញ្ញិក លោក ដាំ ចែម សមាជិក លោកស្រី ច្រិក ដាវី សមាជិក និងលោក វណ្ណី ប៊ុននីល សមាជិក។ តាមរយៈវីដេអូឃ្លីបខ្លី សមាជិកទាំង៥នាក់នេះ បានគូសបញ្ជាក់ថា មូលហេតុដែលពួកគេផ្តាច់ខ្លួនចេញពីគណបក្សប្រឆាំង គឺដោយសារតែពួកគេមើលឃើញប្រទេសជាតិមានការរីកចម្រើនឥតឈប់ឈរក្រោមការដឹកនាំរបស់សម្តេចតេជោ និងសម្តេចធិបតី ហ៊ុន ម៉ាណែត ដែលជានាយករដ្ឋមន្រ្តី។ មិនតែប៉ុណ្ណោះ ពួកគេ ក៏បានប្រកាសថ្កោលទោសទណ្ឌិត សម រង្ស៊ី ដែលបានប្រឆាំងនឹងគម្រោងព្រែកជីកហ្វូណនតេជោ និងប្រកាសគាំទ្រគម្រោងព្រែកជីកជាប្រវត្តិសាស្រ្តថ្មីរបស់កម្ពុជានេះ។

ក្រៅពីពួកគេទាំង៥នាក់នេះ កាលពីថ្ងៃទី១៥ ខែមិថុនា ឆ្នាំ២០២៤ សមាជិកគណបក្សភ្លើងទៀនចំនួន ៣ឃុំ នៅក្នុងស្រុកភ្នំ​ស្រួច ខេត្តកំពង់ស្ពឺ គឺឃុំតាំងសំរោង ឃុំព្រៃរំដួល និងឃុំអូរ ក៏បានប្រកាសផ្តាច់ខ្លួន និងបានស្នើសុំចូលរួមជីវភាពនយោបាយជាមួយគណបក្សប្រជាជនកម្ពុជា។ ជាមួយនឹងប្រកាសផ្តាច់ខ្លួននេះ ពួកគេ ក៏បានចេញសារថ្កោលទោសទណ្ឌិត សម រង្ស៊ី ដែលតែងតែរារាំងការអភិវឌ្ឍជាតិ ពិសេស ប្រឆាំងនឹងគម្រោងព្រែកជីកហ្វូណនតេជោ។ នៅថ្ងៃដដែលនោះ រចនាសម្ព័ន្ធគណបក្សភ្លើងទៀន ឃុំព្រៃក្មេង ស្រុកភ្នំស្រួច ខេត្តកំពង់ស្ពឺ ដែលមានសមាជិកចំនួន ៦នាក់ ក៏បានប្រកាសផ្តាច់ខ្លួនពីបក្សប្រឆាំង ហើយគោរពស្នើសុំសម្តេចតេជោ ចូលរួមជីវភាពនយោបាយជាមួយគណបក្សប្រជាជនកម្ពុជាផងដែរ។ នេះ ដោយសារតែពួកគាត់អស់ជំនឿ ហើយពួកគេបានថ្កោលទោសទណ្ឌិត សម រង្ស៊ី ដែលប្រឆាំងនឹងគម្រាងព្រែកជីកហ្វូណនតេជោ ដែលជាការប្រឆាំងនឹងផលប្រយោជន៍ជាតិ។

សូមបញ្ជាក់ជូនថា ទាំងនេះ គឺគ្រាន់តែជាចំនួនសមាជិកគណបក្សប្រឆាំងដែលបានប្រកាសផ្តាច់ខ្លួនចុងក្រោយបំផុតប៉ុណ្ណោះ ពោល គឺនៅមានសមាជិក និងសកម្មជនគណបក្សប្រឆាំងជាច្រើននាក់ទៀតដែលបានស្នើសុំចូលរួមជីវភាពនយោបាយជាមួយគណបក្សប្រជាជនកម្ពុជា។ អ្វីជាការកត់សម្គាល់ ក្រៅពីសមាជិកគណបក្សភ្លើងទៀន ក៏មានដែរសមាជិកគណបក្សកម្លាំងជាតិដែលបានប្រកាសផ្តាច់ខ្លួន ហើយបានគោរពស្នើសុំសម្តេចតេជោ ចូលរួមជីវភាពនយោបាយជាមួយគណបក្សប្រជាជនកម្ពុជា។

ការស្នើសុំចូលរួមជីវភាពនយោបាយជាមួយគណបក្សកាន់អំណាចពីសំណាក់សមាជិកគណបក្សប្រឆាំងនេះ គឺសបង្ហាញឱ្យឃើញច្បាស់ថា ពួកគេទាំងនោះ បានភ្ញាក់ខ្លួន ហើយដកខ្លួនចេញពីការបោកប្រាស់របស់ថ្នាក់ដឹកនាំគណបក្សប្រឆាំងទាំងនៅក្រៅប្រទេស និងនៅក្នុងប្រទេស។ ម្យ៉ាងវិញទៀត​ នេះ ក៏សបញ្ជាក់យ៉ាងច្បាស់ដែរថា គណបក្សប្រជាជនកម្ពុជារបស់សម្តេចតេជោ ហ៊ុន សែន គឺជាគណបក្សដែលជាជម្រើសដ៏ល្អបំផុតសម្រាប់ពួកគេ ពីព្រោះសម្តេចតេជោ ប្រធានគណបក្សតែងតែមានសេចក្តីសណ្តោសប្រណីដល់សមាជិកគណបក្សប្រឆាំងដែលបានភ្ញាក់ខ្លួន និងចង់ចូលរួមកសាងជាតិពិតប្រាកដ។ សម្រាប់សម្តេចតេជោ អ្នកណាក៏ដោយ ក៏សម្តេចព្រមទទួលដែរ លើកលែងម្នាក់គត់ នោះ គឺទណ្ឌិត សម រង្ស៊ី ដែលសម្តេចតេជោ បានប្រកាសយ៉ាងដាច់ណាត់ជារើយៗថា សម្តេចមិនលើកលែងឱ្យជាដាច់ខាត៕

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

សន្តិសុខសង្គម២១ នាទី មុន

គ្រឿងញៀន១៤៥គីឡូក្រាមត្រូវបានបង្ក្រាប និងឃាត់ខ្លួនឧក្រិដ្ឋជន៥នាក់

ព័ត៌មានជាតិ៣៦ នាទី មុន

ក្រសួងព័ត៌មាន និងក្រសួងទេសចរណ៍ ចាប់ដៃគ្នា ដើម្បីផ្សាយពីវិស័យទេសចរណ៍កម្ពុជាឱ្យសម្បូរបែបជាងមុន

ព័ត៌មានជាតិ២ ម៉ោង មុន

ប័ណ្ណ​សម្គាល់​ជលយាន​ចំនួន​៩៨​ប័ណ្ណ ត្រូវ​បាន​ប្រគល់​ជូន​ព​ល​រដ្ឋ​ស្រុក​កោះកុង

ព័ត៌មានអន្ដរជាតិ២ ម៉ោង មុន

​ភាព​តាន​តឹង​លើ​បញ្ហា​ដំឡើង​ពន្ធ​របស់​អឺរ៉ុប​ បង្ក​កង្វល់​​​នៃ​ «សង្រ្គាម​ពាណិជ្ជកម្ម​អឺរ៉ុប​-ចិន​»

ព័ត៌មានជាតិ២ ម៉ោង មុន

ន.ប.ប.ប បំភ្លឺថា  ឃើញស្ងាត់ៗមិនមែនមិនធ្វើការទេ ហេតុដែលស្ងាត់ៗពេលស៊ើបការ ព្រោះខ្លាចបាត់តម្រុយជនល្មើស

ព័ត៌មានជាតិ៦ ម៉ោង មុន

ក.ប.ប រកឃើញថាឈ្មួញនាំចូលផ្លែទុរេនពីប្រទេសជិតខាង និងមានជ្រលក់ថ្នាំ ហើយលក់បន្លំថាជាទុរេនក្នុងស្រុក

ព័ត៌មានជាតិ៤ ម៉ោង មុន

ក្នុងឆ្នាំ២០២៤៖ ឧកញ៉ា អ្នកឧកញ៉ា ៤នាក់ ត្រូវដកហូតគោរមងារ ក្រោយរកស៊ីបោកប្រាស់ និងបាញ់ប្រហារពលរដ្ឋ

ព័ត៌មានជាតិ៨ ម៉ោង មុន

រាជ​ដំណាក់​ព្រះមហាក្សត្រ​ខ្មែរ ​លើ​កំពូលភ្នំ​បូកគោ រង់ចាំអនុញ្ញាតពីព្រះបរមរាជវាំង ​ជួសជុលតាម​គំរូ​ដើម​ឡើង​វិញ

ព័ត៌មានជាតិ៥ ម៉ោង មុន

ដំណាំកសិកម្មជាង ១ ម៉ឺនហិកតា កំពុងរងការវាយប្រហារពីសត្វដង្កូវហ្វូង

ព័ត៌មានអន្ដរជាតិ១០ ម៉ោង មុន

រលក​កម្ដៅ​៥២​អង្សា ប្រល័យ​ជីវិត​អ្នក​ចូលរួម​ធម្មយាត្រា Hajj ជាង​១០០០​នាក់​ហើយ

Sokha Hotels

ព័ត៌មានពេញនិយម