អាជីព

ឈ្មួញកណ្ដាលសម្រុកទិញទំនិញនៅភ្នំពេញយកទៅចែកចាយច្រើនជាងរាល់ឆ្នាំ

បានផុស

២ years មុន

នៅ

ថ្ងៃចន្ទ ៤ មេសា ២០២២

ដោយ

លោក តាំង សុងគី ជាអ្នកបើកបររថយន្តឈ្នួលដឹកជញ្ជូនបានឲ្យដឹងថា ឆ្នាំនេះឈ្មួញកណ្តាលបានចុះមកទិញទំនិញនៅភ្នំពេញយកទៅចែកចាយនៅតាមបណ្តាខេត្តជាប់រាជធានីភ្នំពេញច្រើនជាងរាល់ឆ្នាំ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក សុង គី បានបញ្ជាក់ថាមូលហេតុដែលឈ្មួញកណ្តាលសម្រុកមកទិញទំនិញយកបោះឲ្យម៉ូយតាមបណ្តាខេត្តនេះគឺធ្វើឡើងមុនពេលបុណ្យចូលឆ្នាំប្រពៃណីយ៍ជាតិខ្មែរខាងមុខនេះ។ ម្យ៉ាងទៀតបុណ្យចូលឆ្នាំគឺឈ្មួញធំនឹងឈ្មួញកណ្តាលបានផ្អាកការលក់ដូរដើម្បីទៅកម្សាន្តលេងតាមបណ្តាខេត្តឆ្ងាយៗ។ ហើយបើឈ្មួញកណ្តាលមិនសម្រុកមកទិញនឹងត្រូវខកខានចែកចាយឲ្យបន្ត។

ដោយឡែកលោក គ្រី ហ៊ុច អនុប្រធានគណកម្មការផ្សារច្បារអំពៅបានប្រាប់កម្ពុជាថ្មីថា នៅដើមខែមេសានេះគឺឈ្មួញកណ្តាលបានកាម៉ង់ទិញទំនិញចាបហួយ ច្រើនណាស់ គឺពួកគេចុះមកដឹកជញ្ជូនតាំងពីព្រឹកដល់យប់ក៏មានដែរ។

លោក អនុប្រធានផ្សារបានបន្តថា ឆ្នាំនេះពិតជាឈ្មួញចុះមកប្រមូលទិញយ៉ាងច្រើន ខណៈដែលឆ្នាំ ២០២០ ឆ្នាំ២០២១ ដែលមេរោគកូវីដ១៩ បានបង្កការឆ្លងរាលដាលដល់សហគមន៍ធ្វើឲ្យទីប្រជុំជនក៏ដូចជាផ្សារត្រូវបានបិទខ្ទប់នោះគឺការចែកចាយទំនិញបានស្ងប់ស្ងាត់ ទំនិញចាក់គរពេញឃ្លាំងខុសប្លែកឆ្នាំនេះទំនិញគ្រប់មុខបានប្រមូលលក់ចេញរហូតដល់រកទំនិញលក់មិនចង់បានទៀតផង៕