អាជីព
ចំណុចខ្សោយបី ដែលគេឃ្លាំមើលពេលជួបសម្ភាសន៍ការងារលំដាប់អ្នកគ្រប់គ្រង
ដោយគេជឿថា គ្មានបុគ្គលិកណាចង់លាឈប់ពីការងារទេ ពួកគេលាឈប់ពីអ្នកគ្រប់គ្រង អញ្ចឹងការជ្រើសរើសអ្នកគ្រប់គ្រង មានឥទ្ធិពលយ៉ាងខ្លាំងទៅលើលទ្ធផលការងារឬពាណិជ្ជកម្មទំាងមូល។
ទំនាក់ទំនងរបស់អ្នកគ្រប់គ្រងជាមួយបុគ្គលិកគឺមានសារៈសំខាន់ខ្លាំងណាស់ រហូតដល់ធនធានមនុស្សប្រើវិធីឃ្លាំមើលយ៉ាងនេះក្នុងការជ្រើសរើសអ្នកដែលមានតួនាទីជាអ្នកគ្រប់គ្រង៖
១ ដណ្ដើមមុខមាត់
ភាសាអង់គ្លេសថា Credit។ អ្នកចាត់ការល្អតែងតែទទួលខុសត្រូវចំពោះការអនុវត្តរបស់ក្រុមខ្លួន ហើយនឹងមិនបោះចោលសមាជិកក្រុមណាម្នាក់ឡើយ ខណៈដែលនៅតែផ្ដល់ការសរសើរដល់សមាជិកក្រុមពួកគេជាសាធារណៈ ទោះបីជាគំនិតមេ MasterPlan ត្រូវបង្កើតដោយគាត់ ដែលជាអ្នកចាត់ការទូទៅក្តី។ មិនមានអ្វីអាក្រក់ស្មើនឹងមានអ្នកគ្រប់គ្រងដែលទាមទារក្ដោបយកនូវជ័យជំនះ ៗ ហើយទម្លាក់កំហុសនានាទៅឲ្យក្រុមនោះឡើយ។ដើម្បីឃ្លាំមើលប្រការនេះ គេនឹងសួរអ្នកនូវសំណួរនានាមានដូចជា តើហេតុអ្វីអ្នកឈប់ពីកន្លែងចាស់?តើអ្នកធ្លាប់បរាជ័យទេ ហេតុអ្វី? ប្រសិនអ្នកបន្ទោសកន្លែងចាស់ ឬក្រុមការងារចាស់អ្នកកុំសង្ឃឹមឆ្លងដំណាក់កាលនេះរួច។
២ ខ្សោយជំនាញទន់ (Soft skill)
ជំនាញទន់ដែលពេញនិយមបំផុតនាពេលបច្ចុប្បន្នផ្តោតលើ ៧យ៉ាងនេះ រួមមាន ភាពជាអ្នកដឹកនាំខ្លួនឯងឲ្យលេចធ្លោ ការចេះដឹកនាំការងារជាក្រុម ជំនាញទំនាក់ទំនង ជំនាញដោះស្រាយបញ្ហា មានសីលធ៌មនិងវិន័យការងារ មានភាពបត់បែននិង សម្របខ្លួន។ អ្នកគ្រប់គ្រងដែលខ្សោយជំនាញទន់ នេះ នឹងមិនទទួលជោគជ័យដាច់ខាត។ សំណួរមួយចំនួនដែលគេនឹងសួររំញោច Soft skillមានដូចជា តើអ្នកបែងចែកបែបណារវាងទំនាស់បុគ្គលនិងគំនិតផ្ទុយគ្នាក្នុងការងារ? តើអ្នកដោះស្រាយបញ្ហាដោយខ្លួនឯងឬពិភាក្សាជាមួយអ្នកណាខ្លះដោយរបៀបណា?។ល។
៣ មិនគួរឲ្យទុកចិត្តបាន
អ្នកគ្រប់គ្រងចាំបាច់ត្រូវមានបុគ្គលិកលក្ខណៈដែលទទួលបានទំនុកចិត្តខ្ពស់លើសពីមនុស្សទូទៅ ពុំនោះទេ គ្មានអ្នកណាព្រមធ្វើតាមសម្តីគាត់ឡើយ។ គាត់ត្រូវតែរក្សាសម្តីខ្លួនបាននិងមានការគោរពនូវកិច្ចព្រមព្រាងជាក្រុម។ ប្រសិនបើគាត់ជាមនុស្សមាក់ងាយក្រុមការងារតាឋមរយៈការភូតកុហក ឬបោកបញ្ឆោត សមាជិកក្រុមផ្សេងទៀតនឹងឆាប់កត់សម្គាល់ហើយងាយនឹងបែកខ្ញែកលទ្ធផលឈានដល់បរាជ័យ។
សំណួរដែលធនធានមនុស្សងាយលើកមកសួរចំណុចនេះរួមមាន តើចំណុចខ្សោយអ្វីខ្លះក្នុងបុគ្គលិកលក្ខណៈរបស់អ្នក ដែលអ្នកចង់មកកែប្រែជាថ្មីក្នុងកន្លែងថ្មីនេះ? នេះជាសំណួរដ៏ពិបាក! បេក្ខជន ត្រូវការបកស្រាយវែង ហើយការបកស្រាយនោះ គេអាចលួចឃ្លាំងមើលបុគ្គលិកលក្ខណៈសុចរិតឬអត់ក្នុងការអត្ថាធិប្បាយរបស់បេក្ខជនបាន៕
ពាក្យមួយគេពោលថា ជំនាញអាចបង្វឹក ចរិតដូរមិនបានឡើយ!
ប្រែសម្រួល៖ស្រស់
ចុចអាន៖គ្រប់គ្រងកូនចៅ ដែលមានវ័យចាស់ជាងយើងបានដោយវិធីណា?
ចុចអាន៖ចរិតលក្ខណៈបុគ្គលិកដែលទៅដល់កន្លែងណា នាំបញ្ហាដល់ស្ថាប័ននោះ
-
ព័ត៌មានជាតិ៧ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ៣ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ១ សប្តាហ៍ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៧ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ១ សប្តាហ៍ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
កីឡា៣ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ព័ត៌មានជាតិ៦ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
ជីវិតកម្សាន្ដ២ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»