តុលាការបាត់ដំបង សម្រេចឃុំខ្លួន ភេទទី ៣ ពីបទគំរាមកំហែងហែកកេរ្តិ៍បុរសៗ មានទាំងសមត្ថកិច្ច និងអ្នកមានមុខមាត់
Connect with us

សន្តិសុខសង្គម

តុលាការបាត់ដំបង សម្រេចឃុំខ្លួន ភេទទី ៣ ពីបទគំរាមកំហែងហែកកេរ្តិ៍បុរសៗ មានទាំងសមត្ថកិច្ច និងអ្នកមានមុខមាត់

បានផុស

នៅ

ក្រោយពី​ការសាកសួរតុលាការខេត្តបាត់ដំបង បានសម្រេចបញ្ជូនជនភេទទីបីម្នាក់ ដែលក្លែងជាស្រី​ស្អាតឆាតសុំមើលប្រដាប់ភេទប្រុសៗរួចថតទុកគំរាមយកលុយ ទៅដាក់ឃុំនៅពន្ធនាគារខេត្តបាត់ដំបងហើយ កាលពីដើម​សប្តាហ៍ នៃ​ខែធ្នូ កន្លងទៅ​ថ្មីៗ​នេះ។​

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

​យោងតាម​ដីកា​បង្គាប់​ឲ្យ​ឃុំខ្លួន​ជា​បណ្តោះអាសន្ន របស់​សាលា​ដំ​បូង​ខេត្តបាត់ដំបង ចុះ​ថ្ងៃទី ​០៥​ខែធ្នូ ឆ្នាំ​ ២០២១ ដោយ​ចៅក្រម​ស៊ើបសួរ លោក ឃី ឆ័យ បានសម្រេច​ដាក់ ជនសង្ស័យ ឈ្មោះ ឈន់ កូ​រី​ណា ( ភេទ​ទី​៣ ) អាយុ ២៤ ឆ្នាំ មាន​ទីលំនៅ ភូមិ​បាវិត​លើ សង្កាត់​បាវិត ក្រុង​បាវិត ខេត្តស្វាយរៀង ឲ្យ​ស្ថិតនៅក្រោម​ការពិនិត្យ​ពីបទ​គំរាមកំហែង​ហែកកេរ្តិ៍ ប្រព្រឹត្តិ​នៅតាម​បណ្តាញ​សង្គម​ហ្វេ​ស​ប៊ុ​ក​កាលពី​ថ្ងៃទី​ ២៨ ខែតុលា ឆ្នាំ​ ២០២១ តាម​បញ្ញត្តិ​មាត្រា​ ៣៧២ និង​មាត្រា ​៣៧៣​ នៃ​ក្រមព្រហ្មទណ្ឌ​ ដោយ​ដីកា​ដែល​ចុះ​ថ្ងៃទី​ ០៥ ​ធ្នូ​ នោះ​ក៏បាន​បញ្ជាក់​ថា តុលាការ​សម្រេច​ឃុំខ្លួន​បណ្តោះអាសន្នលើ​ជនសង្ស័យរយៈពេល​អតិបរមា ៤​ ខែ។​

​លោក ឈឿង គឹម​សុង​ នាយការិយាល័យ​ព្រហ្ម​ទ័​ណ្ឌ កម្រិត​ស្រាល​ដែល​ដឹកនាំ​កម្លាំង ចុះ​ស្រាវ ជ្រាវ​ផ្ទាល់​បានឲ្យ​ដឹងថា ជនសង្ស័យ ឈ្មោះ ឈន់ កូ​រី​ណា ភេទ​ប្រុស ( ភេទ​ទី​៣ ) អាយុ ២៤ ឆ្នាំ មាន​ទីលំនៅ ភូមិ​បាវិត​លើ សង្កាត់​បាវិត ក្រុង​បាវិត ខេត្តស្វាយរៀង នេះ​បាន​បន្លំ​ខ្លួន​ជា​ស្រី​ស្អាត ដោយ​ប្រើ​អា​ខោ​ន​ហ្វេ​ស​ប៊ុ​ក ឈ្មោះ Bona ta momo ឆាត​ទាក់ទង​ប្រុសៗ ជាច្រើន​នាក់ ដោយ​សុំ​មើល​ប្រដាប់ភេទ​ជា​ថ្នូរ​នឹង​ឲ្យ​មើល​វិញ រួច​គេ​ឆ្លៀតឱកាស​ថតរូប​ទុក ដើម្បីគំរាម​យកលុយ។

​តាម​រូប​ក្នុង​ទូរស័ព្ទ​ដែល​សមត្ថកិច្ច​ដកហូត​បាន​ពី ជនសង្ស័យ គឺមាន បុរសរងគ្រោះ ប្រហែល​ពី ៣០ ទៅ​៤០​នាក់ (​ដែលមាន​ទាំង​ជនរងគ្រោះ​ជាសមត្ថកិច្ច និង​អ្នកមានមុខមាត់​ខ្លះ​ផងដែរ​) ដែល​លង់ខ្លួន​បង្ហាញ​កេរ្តិ៍​ភេទឲ្យ​ជនសង្ស័យ​ថត​បាន នឹងរង​នូវ​ការ​គំរាមយកលុយ​ជា​បន្តបន្ទាប់។​

​ករណី​ចុងក្រោយ​ ដែល​ឈានដល់​ការឃាត់ខ្លួន​ជនសង្ស័យ​ភេទ​ទី​បី​ខាងលើនេះ ក្រោយពី​ទទួលបាន​ពាក្យបណ្តឹង​ពី​ជនរងគ្រោះ​ម្នាក់ ឈ្មោះ រ​.​វ រស់នៅ​ខេត្តបាត់ដំបង ដែល​រង​ការគំរាមកំហែង ពី​ជនសង្ស័យ​អស់ប្រាក់​ប្រមាណ​៤​ពាន់​ទៅ​៥​ពាន់​ដុល្លារជា​ថ្នូរ​នឹង មិន​បង្ហោះ​រូបភាព អាក្រាតកាយ​លើ​បណ្តាញ​សង្គម ។​

​សមត្ថកិច្ច​ឲ្យ​ដឹងថា ជនសង្ស័យ​ភេទទី​បី​ខាងលើ បាន​ទាក់ទង​ជាមួយ​ជនរងគ្រោះ​តាម​គណនី​ហ្វេ​ស​ប៊ុ​ក ឈ្មោះ Bona ta momo ដាក់​រូប​ស្រី​ស្អាត​ប្រមាណ​ជាង​មួយឆ្នាំ​កន្លងមកហើយ រហូតដល់​ថ្ងៃទី ២៨ ខែ តុលា ឆ្នាំ ២០២១ ជនសង្ស័យ​ខាងលើ​ប្រើល្បិច​ទាក់ទង​គ្នា​តាម​ឆាត និង​បាន​សួរ​ទៅកាន់​ជនរងគ្រោះ​ថា ចង់​មើល​ផ្នែក​ខាងក្រោម​ទេ បើ​ចង់​មើលជនរងគ្រោះ​ត្រូវ​ដោះ​ខោអាវ​ចេញពី​ខ្លួន​ទាំងអស់ ហើយ​ជនសង្ស័យ​ក៏បាន​ថតរូប​ជនរងគ្រោះ​រក្សាទុក ហើយ​ក្រោយមក​បាន ធ្វើការ​គំរាម​យកលុយ​ជា​បន្តបន្ទាប់ ជា​ថ្នូរ​នឹងមិន​បង្ហោះរូប​ជាសាធារណៈ​លើ​បណ្តាញ​សង្គម។ ទីបំផុត​រហូតដល់​ជនរងគ្រោះ​ទ្រាំលែងបាន ក៏​ដាក់​ពាក្យបណ្តឹងមកកាន់​សមត្ថកិច្ច​ ដើម្បី​ស្រាវជ្រាវ​រក​ជនសង្ស័យ​ខាងលើ​ដើម្បី​ចាត់ការ​តាមច្បាប់​តែម្តង​។​

​តាម​ចម្លើយសារភាព ជនសង្ស័យ​ខាងលើនេះ ​បានធ្វើការ​គំរាមកំហែង​យកលុយ​ពី​ជន​រង គ្រោះ​ច្រើន​នាក់ បាន​ប្រហែល​៧​ ពាន់​ទៅ​ ៨ ​ពាន់​ដុល្លារ ជា​ថ្នូរ​នឹង​ការមិន​បង្ហោះរូបភាព​អាក្រាត​លើ​បណ្តាញ​សង្គម។ សមត្ថកិច្ច​អំពាវនាវដល់​ជនរងគ្រោះ ដោយ​ស្នាដៃ​ស្រី​ស្អាតភេទ​ទី​បីនេះ​ផ្សេងទៀត សូម​ទំនាក់ទំនង​មក​សមត្ថកិច្ច​ដើម្បី​ដាក់ពាក្យ​បណ្តឹងបន្ថែម​៕

អត្ថបទ៖ សោ និយមរ័ត្ន

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៩ នាទី មុន

កម្ពុជាទទួលបាន ជំនួយវ៉ាក់សាំងជាបន្តបន្ទាប់ ដោយសារ​តែដើរលើនយោបាយការទូត ត្រឹមត្រូវ

ព័ត៌មានជាតិ២២ នាទី មុន

រៀន​ជំនាញ​ច្បាប់​ ក៏​មាន​ឱកាស​ច្រើន​ មិន​ចាញ់​ជំនាញ​ផ្សេង​ទៀត​ដែរ​ ប្រសិន​បើ​ចេះ​ច្បាស់​

ព័ត៌មានអន្ដរជាតិ៤០ នាទី មុន

ក្រុមបងធំប្រយុទ្ធគ្នា បង្កជាអគ្គិភ័យនៅហាងខារ៉ាអូខេឥណ្ឌូណេស៊ី ស្លាប់មនុស្ស១៩នាក់ 

ព័ត៌មានជាតិ៤៤ នាទី មុន

ចិនគ្រោង​បញ្ជូនក្រុមវេជ្ជសាស្ត្របុរាណ​​ មក​ជួយ​គ្រូពេទ្យកម្ពុជាព្យាបាល​កូវីដ ​១៩

នយោបាយ៥០ នាទី មុន

លោក មីន អោងឡាំង អាចចូលរួមប្រជុំអាស៊ានបាន ឬអត់ គឺអាស្រ័យលើការអនុវត្តតាមកិច្ចព្រមព្រៀងទាំង៥ចំណុច

Sokha Hotels

ព័ត៌មានពេញនិយម