សន្តិសុខសង្គម
មន្ត្រីចរាចរណ៍បញ្ជាក់សារបែកធ្លាយបញ្ឈប់ការផាកពិន័យមិនគោរពភ្លើងសញ្ញា និងមិនពាក់ខ្សែក្រវាត់
មន្ត្រីចរាចរណ៍ផ្លូវគោក អំពាវនាវឱ្យប្រជាពលរដ្ឋបន្តគោរពច្បាប់ចរាចរណ៍ បើទោះបីជាមានការបែកធ្លាយសារសំឡេងមួយ ពីការិយាល័យនគរបាលចរាចរណ៍ផ្លូវគោក នៃនាយកដ្ឋាននគរបាលចរាចរណ៍ និងសណ្ដាប់ធ្នាប់សាធារណៈ ករណី កាត់បន្ថយការផាកពិន័យ ដោយប្ដូរមកអប់រំវិញលើចំណុចមួយចំនួន។
សំឡេងសាររបស់លោក ម៉ាន សុផាន់ណា នាយការិយាល័យនគរបាលចរាចរណ៍ផ្លូវគោកឱ្យដឹងថា ការអនុវត្តអនុក្រឹត្យ ៣៩ ការពិន័យរថយន្តមាន ៩ ចំណុច កាត់បន្ថយមកអប់រំ ៥ ហើយពិន័យតែ ៤ ចំណុចទេ ក្នុងនោះ ដូចជា ការមិនគោរពភ្លើង និងផ្លាកសញ្ញា វ៉ាជែង មិនពាក់ខ្សែក្រវាត់ ដឹកលើសចំណុះ និងការប្រើប្រាស់ទូរស័ព្ទដៃ គឺសមត្ថកិច្ចត្រូវធ្វើការអប់រំ។ ចំណែកឯការពិន័យ នៅសល់ ៤ គឺការបើកបរលើសល្បឿន ស្រវឹង គ្មានប័ណ្ណបើកបរ និងគ្មានផ្លាកលេខ។
ចំណែកឯម៉ូតូ មាន ៧ ចំណុច ត្រូវលើកលែង ៤ មិនគោរពភ្លើងសញ្ញា និងផ្លាកសញ្ញា ល្មើសការបត់ និងវ៉ាជែង ការប្រើប្រាស់ទូរស័ព្ទដៃ ដឹកលើសចំណុះ ត្រូវអប់រំ។ ចំណែកការមិនពាក់មួក សុវត្ថិភាព បើកបរស្រវឹង អត់ផ្លាកលេខ គឺនៅពិន័យដដែល។
លោកឧត្ដមសេនីយ៍ត្រី ថី វិសាល អនុប្រធាន នាយកដ្ឋាន នគរបាល ចរាចរណ៍ និងសណ្ដាប់ធ្នាប់សាធារណៈ សុំមិនអត្ថាធិប្បាយលើសារសំឡេងនេះ។ ប៉ុន្តែលោកក៏អំពាវនាវឱ្យប្រជាពលរដ្ឋ អ្នកធ្វើដំណើរតាមដងផ្លូវ នៅតែបន្តចូលរួមគោរពច្បាប់ចរាចរណ៍ឱ្យបានល្អប្រសើរ៕
-
ព័ត៌មានអន្ដរជាតិ៥ ថ្ងៃ ago
ក្មេងស្រីហ្វីលីពីន-កូរ៉េ ដែលត្រូវសេដ្ឋីឌូបៃយកទៅចិញ្ចឹម ពេលនេះមានស្ថានភាពបែបណាហើយ?
-
ចរាចរណ៍៤ ថ្ងៃ ago
ករណីបុករះស្លាប់៤នាក់នៅស្ពានអាកាសឫស្សីកែវ មានម្នាក់ជានិស្សិតពូកែជំនាញស្ថាបត្យកម្ម និងនគរូបនីយវិទ្យា
-
ជីវិតកម្សាន្ដ៣ ថ្ងៃ ago
លេចមុខតួឯកប្រុសក្នុងរឿង “កងដៃចាំស្នេហ៍” ស្នាងភ្នួស សុំឲ្យគ្រប់គ្នាអហោសិកម្ម
-
ព័ត៌មានអន្ដរជាតិ៣ ថ្ងៃ ago
យន្តហោះក្រុមហ៊ុនអាកាសចរណ៍ Jetstar មួយគ្រឿង បុកគ្នាជាមួយរថយន្តសន្តិសុខអាកាសយាដ្ឋាន
-
ព័ត៌មានជាតិ៥ ថ្ងៃ ago
គម្រោងទឹកស្អាតធំបំផុតចាយទុនជាង ១០០ លានដុល្លារនៅបាក់ខែង គ្រោងចាប់ផ្តើមសាងសង់
-
ព័ត៌មានជាតិ១ សប្តាហ៍ ago
ក្រុមហ៊ុនស្វីសមួយ សន្យានាំយកបច្ចេកវិទ្យាទំនើបឈានមុខគេ ដើម្បីចូលរួមអភិវឌ្ឍវិស័យកសិកម្មកម្ពុជា
-
ព័ត៌មានជាតិ២ ថ្ងៃ ago
មន្រ្តីក្រសួងបកស្រាយវីដេអូរថភ្លើងបើកលើផ្លូវជាតិ ពលរដ្ឋសង្ស័យបើកខុសបច្ចេកទេស
-
ព័ត៌មានជាតិ៥ ថ្ងៃ ago
ទឹកស្ទឹងសង្កែខាងក្រោមទំនប់សាលាតាអន រីងគោក ពលរដ្ឋប្រឈមការដឹកជញ្ជូនបើកបរកាណូតមិនបាន