សន្តិសុខសង្គម
មន្ត្រីជំនាញដុតកម្ទេចចោលជ្រូកចំនួន ៨០ក្បាល ក្រោយរកឃើញផ្ទុកជំងឺប៉េស្តជ្រូកអាហ្វ្រិក
អគ្គនាយកដ្ឋានសុខភាពសត្វ និងផលិតកម្មសត្វ បានដុតកម្ទេចចោលជ្រូកចំនួន ៨០ក្បាល ក្រោយរក ឃើញថា មានផ្ទុកជំងឺប៉េស្តជ្រូកអាហ្វ្រិក ដែលជាជំងឺដ៏កាចសាហាវបំផុតមួយ។ ពិធីដុតកម្ទេចជ្រូកនេះធ្វើឡើងនៅក្នុងភូមិសាស្ត្រឃុំកណ្តឹង ស្រុកបាទី ខេត្តតាកែវ កាលពីថ្ងៃទី៦ ខែមិថុនា ឆ្នាំ២០២២។

ជ្រូកដែលត្រូវបានដុតកម្ទេចចោល គឺជាជ្រូកដែលមន្ត្រីសមត្ថកិច្ច នៃអគ្គនាយកដ្ឋានសុខភាពសត្វ និងផលិតកម្មសត្វ តាមប្រមាញ់ស្ទាក់ចាប់បាននៅលើផ្លូវជាតិលេខ១ ក្នុងភូមិសាស្ត្រឃុំកំពង់ត្របែក ស្រុកកំពង់ត្របែក ខេត្តព្រែវែង កាលពីថ្ងៃទី១២ ខែមិថុនា ឆ្នាំ២០២២ ឈ្មួញនាំចូលដោយខុសច្បាប់តាបច្រកស្វាយអាង៉ោង ឃុំកំពង់ត្របែក ស្រុកកំពង់ត្របែក ខេត្តព្រៃវែង។
ក្រោយចាប់បានមន្ត្រីជំនាញបានយកទៅរក្សាទុកនៅកន្លែងចត្តាឡីស័ករបស់អគ្គនាយកដ្ឋានសុខភាពសត្វ និងផលិតកម្មសត្វ រហូតរកឃើញថា មានផ្ទុកជំងឺប៉េស្តជ្រូកអាហ្វ្រិក ទើបយកមកដុតកម្ទេចចោលបែបនេះ។

ក្នុងពិធីដុតកម្ទេចជ្រូកនេះ លោក តាន់ ផាន់ណារ៉ា អគ្គនាយកនៃអគ្គនាយកដ្ឋានសុខភាពភាពសត្វ និងផលិតកម្មសត្វ លើកឡើងថា ឈ្មួញទាំងឡាយដែលរកស៊ីមិនស្របច្បាប់ មិនគួរប្រថុយប្រថានបែបនេះទេ។
លោកសង្កត់ធ្ងន់ថា ដើម្បីចំណេញតែម្នាក់ឯង សុខចិត្តលួចនាំចូលជ្រូកដោយខុសច្បាប់ បើជ្រូកទាំងនោះមានជំងឺប៉េស្តជ្រូកអាហ្វ្រិក ឬជំងឺផ្សេងៗទៀតនោះ ហើយត្រូវបានចែកចាយនៅលើទីផ្សារ តើវានឹងប៉ះពាល់យ៉ាងណាដល់សុខភាពអ្នកបរិភោគ និងប៉ះពាល់យ៉ាងណាដល់វិស័យចិញ្ចឹមសត្វនៅកម្ពុជា។

តែយ៉ាងណា លោក តាន់ ផាន់ណារ៉ា បញ្ជាក់ថា មន្ត្រីជំនាញ និងអាជ្ញាធរនឹងមានវិធានការម៉ឺងម៉ាត់បន្ថែមទៀតចំពោះឈ្មួញទាំងឡាយរកស៊ីទុច្ចរិត ដែលនៅតែបន្តនាំជ្រូកចូលកម្ពុជាដោយខុសច្បាប់។
ជាមួយគ្នានេះដែរ លោក ស្រ៊ុន ពៅ ប្រធានសមាគមអ្នកចិញ្ចឹមសត្វកម្ពុជា ក្នុងនាមកសិករចិញ្ចឹមសត្វនៅទូទាំងប្រទេស សូមថ្លែងអំណរគុណដល់ក្រសួងស្ថាប័នពាក់ព័ន្ធ ជាពិសេសក្រសួងកសិកម្ម រុក្ខប្រមាញ់ និងនេសាទ រួមទាំងអគ្គនាយកដ្ឋានសុខភាពសត្វ និងផលិតកម្មសត្វ ដែលសកម្មក្នុងការទប់ស្កាត់ការនាំសត្វចូលដោយខុសច្បាប់ពីប្រទេសជិតខាង។ លោក ចាត់ទុក ការនាំសត្វចូលដោយខុសច្បាប់ គឺជាគ្រោះថ្នាក់ខ្លាំងសម្រាប់វិស័យចិញ្ចឹមសត្វនៅកម្ពុជា៕


-
សន្តិសុខសង្គម២ ថ្ងៃ ago
ឥទ្ធិពលថ្នាំញៀន! កូនមេភូមិបែកថ្នាំចូលកាប់សម្លាប់ប្រពន្ធនាយកសាលានៅបាត់ដំបង
-
សន្តិសុខសង្គម១៤ ម៉ោង ago
កុំចេះតែហ៊ាន! អ្នកចងការប្រាក់ម្នាក់ត្រូវកូនបំណុលប្ដឹងឲ្យជាប់ពន្ធនាគារ២ឆ្នាំ ក្រោយឆាតទារលុយតាមហ្វេសប៊ុក
-
សន្តិសុខសង្គម២ ថ្ងៃ ago
ភរិយាមេព្រហ្មទណ្ឌកម្រិតធ្ងន់ខេត្តបាត់ដំបង និងបក្សពួកត្រូវចាប់ខ្លួន ករណីជួញដូរគ្រឿងញៀន
-
ព័ត៌មានជាតិ៦ ថ្ងៃ ago
ក្រោយមរណភាពបងប្រុស ទើបសម្ដេចតេជោ ដឹងថា កូនស្រីម្នាក់របស់ឯកឧត្តម ហ៊ុន សាន គ្មានផ្ទះផ្ទាល់ខ្លួននៅ
-
ព័ត៌មានអន្ដរជាតិ២ ថ្ងៃ ago
បាតុភូតចម្លែក៖ ខេត្តថៃទាំង៧៧ កើតបាតុភូតព្រះអាទិត្យដើរចំពីលើក្បាល
-
ព័ត៌មានអន្ដរជាតិ៦ ថ្ងៃ ago
និស្សិតពេទ្យដ៏ស្រស់ស្អាតជិតទទួលសញ្ញាបត្រ ស្លាប់ជាមួយសមាជិកគ្រួសារក្នុងអគាររលំដោយរញ្ជួយដី
-
ព័ត៌មានជាតិ៥ ថ្ងៃ ago
កម្ពុជា នឹងបន្តមានភ្លៀងធ្លាក់ជាមួយផ្គររន្ទះ និងខ្យល់កន្ត្រាក់ដល់ថ្ងៃទី៥មេសា
-
ព័ត៌មានអន្ដរជាតិ៥ ថ្ងៃ ago
មីយ៉ាន់ម៉ា៖ ក្រុមសង្គ្រោះតួកគី ជួយជីវិតបុរសម្នាក់ ក្រោយជាប់ក្រោមគំនរបាក់បែក៥ថ្ងៃ