Connect with us

សន្តិសុខសង្គម

អាជ្ញាធរខណ្ឌទួលគោក ស្នើម្ចាស់ទីតាំងអាជីវកម្មនានា បញ្ឈប់​ការប្រកបអាជីវកម្មរំលោភ​លើ​ចិញ្ចើម​ផ្លូវ និង​ទ្រូងផ្លូវ​សាធារណៈ

បានផុស

នៅ

ថ្មីៗនេះ រដ្ឋបាល​ខណ្ឌ​ទួលគោក បាន​ប្រកាស​រៀបចំ​សណ្ដាប់ធ្នាប់​តាម​ដង​ផ្លូវ ការ​ប្រើប្រាស់​ចិញ្ចើម​ផ្លូវ​សាធារណៈ​ទាំងអស់​ក្នុង​ភូមិសាស្ត្រ​ខណ្ឌ​ទួលគោក ដើម្បី​ដោះស្រាយ​បញ្ហា​កកស្ទះ​ចរាចរណ៍ និង​កាត់បន្ថយ​គ្រោះថ្នាក់​ចរាចរណ៍។ ក្នុង​នោះ បានស្នើឲ្យម្ចាស់អាជីវកម្មនានា ត្រូវបញ្ឈប់សកម្មភាពប្រកបអាជីវកម្ម រំលោភលើចិញ្ចើមផ្លូវ និងទ្រូវផ្លូវសាធារណៈ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោង​តាម​សេចក្ដីប្រកាស​របស់ រដ្ឋបាល​ខណ្ឌ​ទួលគោក បាន​រៀបរាប់​ថា រដ្ឋបាល​ខណ្ឌ​ទួលគោក សូម​ជម្រាប​ជូន​ដល់​បងប្អូន​ម្ចាស់​ទីតាំង​អាជីវកម្ម​ទិញ​-​លក់​រថយន្ត ម្ចាស់​ទីតាំង​តុបតែង​រថយន្ត ម្ចាស់​យានដ្ឋាន​ជួសជុល​-​ថែទាំ​រថយន្ត ម្ចាស់​ទីតាំង​ទិញ​-​លក់​គ្រឿង​ម៉ាស៊ីន​រថយន្ត​គ្រប់​ប្រភេទ ម្ចាស់​ទីតាំង​ទិញ លក់​ម៉ូតូ និង​ម្ចាស់​ទីតាំង​កែច្នៃ​-​ជួសជុល​ម៉ូតូ ដែល​ប្រកប​អាជីវកម្ម​នៅ​មូលដ្ឋាន​ខណ្ឌ​ទួលគោក​ទាំងអស់​មេត្តា​ជ្រាប​ថា ដើម្បី​ចូលរួម​សហការ​រក្សា​សណ្ដាប់ធ្នាប់​តាម​ដង​ផ្លូវ និង​ការ​ប្រើប្រាស់​ចិញ្ចើម​ផ្លូវ​សាធារណៈ​ឲ្យ​មាន​របៀបរៀបរយ ក្នុង​ន័យ​ដោះស្រាយ​បញ្ហា​កកស្ទះ​ចរាចរណ៍ កាត់បន្ថយ​គ្រោះថ្នាក់​ចរាចរណ៍ និង​លើកកម្ពស់​សោភ័ណភាព​រាជធានី​ភ្នំពេញ រដ្ឋបាល​ខណ្ឌ ទួលគោក ស្នើសុំ​ឲ្យ លោក លោកស្រី​ម្ចាស់​ទីតាំង​ទាំងអស់​ខាងលើ បញ្ឈប់​ជាបន្ទាន់​ក្នុង​ការ​ប្រកប​អាជីវកម្ម​រំលោភ​លើ​ចិញ្ចើម​ផ្លូវ និង​ទ្រូងផ្លូវ​សាធារណៈ ឬ​ត​សំយាប​ដំបូល​ផ្ទះ​រំលោភ​លើ​ចិញ្ចើម​ផ្លូវ ព្រមទាំង​ការ​ចាក់​ចោល​កាកសំណល់​ប្រេង​ម៉ាស៊ីន​នៅ​ផ្លូវ​សាធារណៈ​ជាដាច់ខាត។

សេចក្ដីប្រកាស​ខាង​លើ​បញ្ជាក់​ថា ក្នុង​ករណី លោក លោកស្រី មិន​អនុវត្ត​តាម​ខ្លឹមសារ​សេចក្ដីជូនដំណឹង​នេះ រដ្ឋបាល​ខណ្ឌ​ទួលគោក នឹង​មាន​វិធានការ​ចុះ​រុះរើ និង​ដកហូត​ដោយ​មិន​ទទួល​ខុសត្រូវ​រាល់​ការ​បាត់បង់ ខូចខាត​ទ្រព្យសម្បត្តិ និង​សម្ភារៈ​ផ្សេងៗ ដែល​មាន​នៅ​ទីតាំង​នោះ​ឡើយ។

បន្ថែម​ពី​នោះ ករណី​មាន​ការ​រារាំង រឹងរូស​មិន​ស្ដាប់​តាម​ការ​ណែនាំ រដ្ឋបាល​ខណ្ឌ​ទួលគោក នឹង​អនុវត្ត​វិធានការ​រដ្ឋបាល តាម​ផ្លូវ​ច្បាប់៕

អត្ថបទ ៖ ពិសី

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

សន្តិសុខសង្គម២១ វិនាទី មុន

អាជ្ញាធរខណ្ឌទួលគោក ស្នើម្ចាស់ទីតាំងអាជីវកម្មនានា បញ្ឈប់​ការប្រកបអាជីវកម្មរំលោភ​លើ​ចិញ្ចើម​ផ្លូវ និង​ទ្រូងផ្លូវ​សាធារណៈ

ព័ត៌មានអន្ដរជាតិ២ នាទី មុន

ឡាវ លុបចោល MOU ជាមួយក្រុមហ៊ុនសាងសង់ផ្លូវល្បឿនលឿន ចិន ក្រោយគម្រោងមិនចេញផ្លែផ្កា

សេដ្ឋកិច្ច១០ នាទី មុន

វិស័យកម្ម​ន្តសាល បន្តដើរតួនាទីសរសស្ដម្ភសំខាន់​ជំរុញកំណើន​សេដ្ឋកិច្ចកម្ពុជា

ព័ត៌មានជាតិ២៣ នាទី មុន

​ប្រធានមន្ទីរផែនការ​ខេត្តរតនគិរី​ត្រូវបានផ្ទេរមកក្រសួង​ ក្រោយព័ត៌មានអាស្រូវពុករលួយ​

ព័ត៌មានជាតិ២៦ នាទី មុន

ក្រុមហ៊ុនជប៉ុនមួយ រកឃើញថា ស្វាយចន្ទីកម្ពុជាអាចកែច្នៃជាប្រេងជីវឥន្ធនៈបាន

Sokha Hotels

ព័ត៌មានពេញនិយម