សន្តិសុខសង្គម

ឆ្លងចរន្តអគ្គិសនី ឆេះផ្ទះប្រជាពលរដ្ឋផ្អើលសមត្ថកិច្ចចុះអន្តរាគមន៍

បានផុស

៣ years មុន

នៅ

ថ្ងៃចន្ទ ២៧ កុម្ភៈ ២០២៣

ដោយ

ភ្នំពេញ ៖ អគ្គិភ័យបានឆាបឆេះផ្ទះប្រជាពលរដ្ឋយ៉ាងសន្ធោសន្ធៅបង្កការភ្ញាក់ផ្អើលដល់សមត្ថកិច្ចទាក់ទងទៅក្រុមរថយន្តបង្ការគ្រោះអគ្គិភ័យមកអន្តរាគមន៍កាលពីវេលាម៉ោង ៧និង៤០នាទីយប់ ថ្ងៃទី២៧ ខែកុម្ភៈ ឆ្នាំ២០២៣ ដែលសិ្ថតនៅចំណុចផ្ទះលេខ៦០E2 ផ្លូវ១៣៤ ភូមិ៥ សង្កាត់មនោរម្យ ខណ្ឌ៧មករា រាជធានីភ្នំពេញ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សមត្ថកិច្ចបានឲ្យដឹងថា ករណីគ្រោះអគ្គិភ័យខាងលើនេះគឺបណ្តាលមកពីការឆ្លងចរន្តអគ្គីសនីក្នុងនោះបានបណ្តាលឲ្យឆាបឆេះសម្ភារៈក្នុងផ្ទះអស់ទាំងស្រុង ដែលសង់អំពីថ្ម ទំហំ ទទឹង៤ម៉ែត្រ បណ្តោយ ១២ម៉ែត្រ នឹងមិនបណ្តាលឲ្យរាលដាលដល់ផ្ទះក្បែរនោះឡើយ។

ក្នុងរង្វង់ប្រតិបត្តិការបង្ការគ្រោះអគ្គិភ័យខាងលើនេះប្រើប្រាស់រថយន្តការិយាល័យអគ្គិភ័យ រាជធានីភ្នំពេញ ចំនួន ០៨គ្រឿង ប្រើប្រាស់ទឹកអស់ ០៤ឡាន ស្មើនឹង ១៦ម៉ែត្រគូប, រថយន្តរបស់សាលាខណ្ឌ៧មករា ចំនួន ០១គ្រឿង ប្រើប្រាស់ទឹកអស់ ០១ឡាន ស្មើនឹង ៤ម៉ែត្រគូប និងរថយន្តរបស់ផ្សារទំនើបអូឡាំព្យា ចំនួន ០២គ្រឿង ប្រើប្រាស់ទឹកអស់ ០២ឡាន ស្មើនឹង ០៨ម៉ែត្រគូប ហើយអគ្គិភ័យក៏បានរលត់ទៅវិញទាំងស្រុងនៅវេលាម៉ោង ៨និង១០នាទីនាថ្ងៃខែឆ្នាំដដែល៕

ដោយ ៖ សុខា