សន្តិសុខសង្គម
ប្រជានេសាទប្រាប់ពីមូលហេតុដែលបទល្មើសនេសាទមិនថមថយ
ស្របពេលបច្ចុប្បន្នការប្រព្រឹត្តដោយក្រុមជនទុច្ចរិតបានដាក់ឧបករណ៍ខុសច្បាប់ពង្រាយស្ទាក់ចាប់យកត្រីរាប់រយ និងពាន់ម៉ែត្រពាសពេញផ្ទៃបឹងទន្លេសាបយ៉ាងអនាធិបតេយ្យនាសព្វថ្ងៃនេះ ដែលប្រជានេសាទជាលក្ខណៈគ្រួសារបានឃើញដូចមិនមានការថមថយឡើយ។ នេះបើតាមការលើកឡើងរបស់ពួកគាត់ជាគ្រួសារនេសាទជាលក្ខណៈគ្រួសារក៏ដូចជាប្រជាពលរដ្ឋរស់នៅក្នុងមូលដ្ឋានផងដែរ ដែលបានឲ្យ កម្ពុជាថ្មី ដឹងនៅព្រឹកថ្ងៃទី០៥ ខែមិថុនា។
ប្រភពដដែលបន្តថា អ្វីដែលបង្កឲ្យបទល្មើសនេសាទមិនអាចថមថយបានដោយសារសមត្ថកិច្ចដែលចុះបង្ក្រាបម្តងៗបានត្រឹមប្រមូលឧបករណ៍នានាដុតបំផ្លាញចោលប៉ុណ្ណោះ ហើយម្ចាស់បទល្មើសមិនដែលឃើញឃាត់ខ្លួនយកទៅចាត់ការផ្លូវច្បាប់ណាមួយឡើយ ដែលជាមូលហេតុឲ្យជននោះនៅតែបន្តសកម្មភាពប្រព្រឹត្តបបទល្មើសដោយមិនញញើតដដែល ។
ដោយឡែកបើផ្អែកលើរបាយការណ៍ និងវត្ថុតាងនានាដែលមន្ត្រីជំនាញចុះបង្ក្រាបនិងរឹបអូសបានកាលពីថ្ងៃទី០៤ ខែមិថុនា នៅចំណុចភូមិសាស្ត្រ លើ៣ទីតាំងផ្សេងគ្នា ក្នុងភូមិសាស្ត្រស្រុកឯកភ្នំ ក្នុងឃុំកោះជីវាំង ស្រុកឯកភ្នំ ដែលមន្ត្រីផ្នែករដ្ឋបាលជលផលព្រែកទាល់នៅស្រុកឯកភ្នំបានដឹកនាំកម្លាំងក្នុងសហគមន៍ចុះបង្ក្រាបបានដកហូតឧបករណ៍ខុសច្បាប់ជាច្រើនក្នុង នោះមាន៖ របាំងសាច់អួនប្រវែងសរុប១,៣០០ម៉,បង្គោលឈើចំនួន៦០០ដើម ,ឡុកចាប់ត្រីចំនួន១២ឡុក និងប្រលែងកូនត្រីចំនួន១០០គីឡូក្រាមផង ។
បើទោះជាយ៉ាងណាប្រជានេសាទជាលក្ខណៈគ្រួសារ បានសំណូមពរដល់លោកអភិបាលខេត្តមេត្តាជួយពង្រឹង និងទប់ស្កាត់បទល្មើសនេសាទឲ្យមានប្រសិទ្ធិភាព បើមិនដូច្នេះទេ បទល្មើសកាន់តែរីកធំឡើងធ្វើឲ្យប៉ះពាល់ដល់ជីវភាពគ្រួសាររបស់ពួកគាត់ដែលមានមុខរបរជាអ្នកនេសាទលក្ខណះគ្រួសារដើម្បីផ្គត់ផ្គង់របបអាហារប្រចាំថ្ងៃរបស់ពួកគាត់មិនខាន។ ពួកគាត់បន្តថា “ពួកគាត់ចង់ឃើញក្រុមន្ត្រីជំនាញ ពេលចុះបង្ក្រាបម្តងៗត្រូវឃាត់ខ្លួនជនប្រព្រឹត្តទៅអនុវត្តផ្លូវច្បាប់ និងពិន័យផងទើបមានប្រសិទ្ធិភាព” “ហើយពួកគាត់ចង់ឃើញមន្ត្រីខេត្តអនុវត្តអនុសាសន៍របស់សម្តេចឲ្យបានយូរអង្វែង កុំធ្វើដូចសត្វអំពិលអំពេកចឹង បើមិនចឹងទេសូម្បីតែប្រហុកក៏ពួកគាត់រកបរិភោគមិនបានផង”៕
អត្ថបទ៖ សៅ សារិទ្ធ
-
ព័ត៌មានជាតិ៧ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ១ សប្តាហ៍ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៧ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ១ សប្តាហ៍ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
កីឡា៣ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ព័ត៌មានជាតិ៦ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
ជីវិតកម្សាន្ដ២ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»